خلى البعاد يجى واحدة واحدة

[align=center]بلاش نبعد مرة واحدة
خلي البعاد ييجي واحدة واحدة
ولا عمري كنت افكر
ممكن ييجي انهاردة
بنقرر بعادنا
والبعد من بعض حياخدنا
مش عارف ازاي حنقدر
انا وانتي عالقرار ده
خلي الاول شوقنا يضعف
مع ان ده مستحيل
ازاي بس حنعرف
ننهي حب مشوار طويل
حنشوف العذاب والويل
وغصب عننا بيه حنرضى ..

حتفضلي عايشة ف خيالي
وحفضل جواكي ساكن
وحيفضل حبك ف بالي
ف كل الاماكن
قاومنا كتير ولكن
ظروفنا كانت معاندة ..

حيفضل فينا الهوا
وحيعيش جوانا حبنا
حتي واحنا مش سوا
لا يمكن ننسى عشقنا
وحيزيد شوقنا لبعضنا
ولا عمره يوم حيهدى ..

ومهما الفُرقة اخدتنا
ومهما البعد بيننا يزيد
ولو ايامنا بعدتنا
حيبقى الشوق ما بيننا أكيد
حفضل أحبك وانتي بعيد
مهما العمر عدى

( محمد فاروق )

https://www.facebook.com/okkamal
[/align]

ماشاء الله عليك يا أستاذ والله روعة
كلام موزون مقدرش اقول حاجة عنه
متشكرة جدا على نقل الكلام الحلو

شكرا لك أستاذ أحمد على امتاعنا بهذه الكلمات الرقيقة المعبرة
تقبل وتقديري

الحسناء

رد اى

اشكركما للمرور

كلام روعة وكله احساس
الله يعطيك العافية أخي ويسعد حياتك

سويت جيرل

شاكر لك مرورك