الفيس بوك F وسنينه

محمد عطيه · 21-12-10, 06:00 PM

FaceBook

غالباً في عالمنا العربي الفيس بوك غايه وليس وسيله...
أكيد بتسأل يعني أيه؟؟..
بس برضو شغل مخك أكيد أنا مش كاتب الرغي اللي تحت ده كله عشان أجاوبك علي حاجه تانيه..متقرفوناش عالصبح

ما علينا..,,وبعد هذه المقدمه الرائعه

غالباً لو الناس مش عامله أساميها في الفيس بوك عملاً بالأمر القرآني (أدعوهم لأبائهم) فبتلاقي الأسامي كالأتي

رانيا القمر-رشا الكول-مريم العسوله جداً-أحمد الروش - ميدو الجن...
وبتقلب جو حضانات أحياناً::داليا الحنونه-أسماء الرقيقه-دلوعه باباها..
أو محرومين من الدلع فبيدلعوا نفسهم::
فوفه - بين قوسين- (نفيسه أبو جبل) أو موهي (هانم سعيد)..
أعجب ناس بقي اللي بيشتموا نفسهم>>
محسن الواطي..زيكو الندل...بسنت الزباله ...وإلخ من شتائم وسباب يمتدح به العباد أنفسهم ولا يصح ذكره لا علي زكي الألسن ولا في طيب المواضع

ولو سيبتك من حته الأسامي وبصيت في الريكوستس اللي عندك
تلاقي مثلاً كذا كويز مبعوتلك كالأتي

أعرف أنت أي نوع من أنواع الحيوانات؟؟
(تبعت للي بعتلك انفيتشن ..أنا يا حيوان يا (تــــــــــــيت)يا أبن الـ (تيــــــــــــــــــــــت)..

وبرغم أنك راجل يتبعتلك..
أعرفي لون فستان فرحك؟؟
(والمهم أنه بفرض جدلا اكيد حيبقي ابيض يعني هههههههههههههههههه)
انت مين من شخصيات مسلسل الكبير أوي؟؟
أنت أشرف ..هتمسك السلك العريان
والجديده بقي اللي مكسره الدنيا
أعرف أنت أي نوع من أنواع المفكات ؟
( طب أيه اللي حيتغير في حياتي لو عرفتي أني مفتاح أنجليزي مثلاً؟؟هههههههههههههههههه)

وتلاقي مبعوتلك تشترك في بيدجيز عجيبه
-----------------------------
القلش والقلاشين
بوكسرك عليه أسم حضرتك
(ومتفهمش أيه سبب الأحترام فـ(حضرتك) بعد ذكر أعزكم الله)
بس يا سيدي وقامت معيطه
قالي الوداع قلتله قشطه
كتبت عالجدران بحبك..فبيضوا بويه جديده وبلاستيك
قالي بحبك قلتله أتنيل..الحب فالقلب مش عالنت يا منيل
حب مين يا جاهل..مفيش ولا بنت تستاهل
no mozaz no cry
yes u removed me but i'll stell come 2 c ur prof

( يخرب بيت رخامتك)
معا مسلمين ومسيحين ويهود وزملكاويه
لغلق صفحه كابتن ماجد الذي يدعي الربوبيه
(صوره عيل صغير مضروب علقه ومسروع ومخضوض وعليها أكس)

ولا لما تكون أهلاوي وتشترك فجروب واحد متعصب أهلاوي..قابل بقي بيدجيز تتبعتلك يا معلم
---------------
الأهلي
النادي الأهلي
قناه النادي الأهلي
فريق النادي الأهلي
لاعبي النادي الأهلي
المطالبه بأقاله البدري مدرب الأهلي
المطالبه ببقاء البدري مدرب الأهلي
نرحب بزيزو مدرباً جديداً للاهلي
شارك في أستفتاء المدرب الأجنبي للأهلي
كلنا وراك يا أهلي
مشجعي النادي الأهلي
60 مليون أهلاوي
أخبار الأهلي
ألتراس النادي الأهلي
أخبار النادي الأهلي
وانا..وانا
وانت..وانت
ولاالاالااااااااااه..ااااااااااه

هيام1 · 29-12-10, 04:36 PM

[align=center]قالي بحبك قلتله أتنيل..الحب فالقلب مش عالنت يا منيل

زعمه يامحمد مايجيش منه هالكلام هههههههههههههههه[/align]

حبىالزهرة · 25-02-11, 07:34 PM

بعتقد يا محمد

بعد تونس ومصر وما ننساش ليبيا على الدرب
والحسابه بتحسب زي ما يقول عادل امام

راح تغير رايك عن ( الفيس بوك)

ماهو عمل عمايل في تغييره لأنظمة

تحيتي لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انتهز !!, وانشر غسيلك (مع الفيس بوك)	حسين الحمداني	واحة الزهـرة	16	05-09-13 01:16 PM
اجعل من صفحتك وملفك الشخصي تحفة فنية على الفيس بووك مع اجمل اللمسات والخلفيات	mr.scream2010	الكمبيوتر والتقنية	0	03-11-10 02:24 PM
الفيس بوك والبنات الحلوين .......	الدمنهوريه	الكمبيوتر والتقنية	0	25-05-10 05:53 AM
برنامج شات الفيس بوك بالصور	قيسس	الكمبيوتر والتقنية	0	13-03-10 11:43 AM
الفيس بوك من اجل مستخدميه العرب	هيام1	الكمبيوتر والتقنية	0	17-03-09 09:15 PM