الدنيــا مـا هــى الا طابـورطـوويل

عندما تتلفت حولك تجد ان كل شئ فى بلادنا تحول وبقدره قادر الى طابور طويل من الانتظار ...

لما تروح تطلع بطاقه تقف فى الطابور .. ولما تروح تطلع ورقه مهمه برضه بتقف فى الطابور ..
. فى حين اننا بلد بنعانى وبفظاعه من الزحمه وكله يقولك الدنيا حر وزحمه .
. طيب ما الطوابير ده من ايه ؟؟؟ وبتولد ايه .... ؟؟؟

حتى دلوقتى لما تروح تقبض فلوسك اللى ليك بتقف فى الطابور ..واللى موضه وطلعت بقي
"طابور العيش"

كله بيقف بالساعات فى طوابير العيش .
وممكن بعد ما تقف وتتبهدل من الزحمه تلاقى صاحب الفرن يطلعلك ويقولك ان مفيش عيش النهارده خلاص ..
وبما اننا شعب بيعشق النظام .
. الراجل الواحد او السيده الواحده ممكن ان تخلق لنفسها طابور قائم بذاته .
.تبص كده وانت واقف تلاقى واحد او واحده راحت وقفت كده لوحدها وفجأه كونت طابور تانى
وبدل ما كان فى طابور او اتنين تلاقى المكتب الواحد عليه زحمة ناس وبس

وبما اننا ايضا بلد بيقوم كل واحد فيها بواجبه....
كل المصالح اللى فى البلد ماشيه بالمقوله الشهيره "فوت علينا بكره"
بكده تبقى الطوابير سلسله لا تنتهى ولكنها تستحدث من العدم




وطبعا مع الزحام وحرارة الجو ...
الكل بيبقى مستنى لاى حد على غلطه صغيره وتقوم الدنيا كلها وتبقى خناقه


يبقى تحولنا من ظاهرة الطوابير لظاهره اخرى وهى عدم النظام والفوضى والهرجله


وبكده يبقى لازم على كل واحد ايها المواطنين الالتزام بمكانه من الطابور ولا يتحرك منه حتى لا يعود الى اخره وهو يجر ازيال الخيبه !!!


وعلى الساده المسئولين عن الطوابير ترفقوا بنا فنحن أيقنا تماما أن الدنيا ما هى الا طابور طويل

شيء طبيعي أن تكون هناك

طوابير طالما الشعب بتزايد

شيء طبيعي أن تكون هناك طوابير

متى ما كان الاحترام و النظام سائد

ولن يكون هناك طوابير ولا زحمه

متى ما عملت كل سيدة ببيتها عيشها

السلام عليكم ورحمة الله وبركاته
كان الله في العون لان وقفة الطابور مملة جدا جدا ومرهقة خصوصا في الدوائر الحكومية
وأصعب اللحظات لما يجي الدور بعد ساعات ويتفنن الموظف الحكومي في اختلاق الاعذار علشان يقول ناقص ورقة ولا ناقص توقيع ولا ناقص ختم ساعتها الانسان بيكره نفسه لان يومه كله ضااااااع في الطابور بلا فائدة.
ألف شكر لك أختي على الموضوع الرااائع
الله يعطيكي العافية