انواع الولاد علي النت

المرحلة الاولى
( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه
__________________________

__________________

المرحلة الثانية:
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك
______________________________________________
المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص


ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف


ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه
4- اللزقه


والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح


صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب


انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات


ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه
8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط


ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10- بابا اوبح


ده ممكن يكون على النت من سنة 69واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
منقول

[align=center]فضحتيهم على الأخر يارنا
شكرا قفشات جميلة وخفيفة
..[/align]

هههههههههههه
كل هاي الانواع موجوده
ياساتر
يسلمووو كتيير

[align=center]يا راااااااااااااااجل ؟؟

هههههههههههههههههههههههه[/align]

هيام 1 تسلمي يا قمر علي المشاركه
وتسلم يا زيين العابدين علي مشاركتك
وفي بجد اصلا ناس كده وعلي النت كمان

شكرا علي هذا النقل الموفق

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

انت بتقصديى بالكلام ده ؟؟؟
طيب ادينى نمرت تليفونك

- بابا اوبح


ده ممكن يكون على النت من سنة 69واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني


شكلك كده بتلقحى بالكلام على واحد زى حالاتى وبعض الاعضاء امثالى

رناء
موضوع جميل وعجبنى
لك التحية وماتفتحيش الماسنجر تانى
ولا تخشى غرف الشات

المشاركة الأصلية كتبت بواسطة okkamal ده بقى قاعد وحاطط ايده على زرار الزعل اي حاجة تقوليها تبقي بتقصديه او بتقللي من شانه وبعد كام مرة كلام ممكن يقولك اديني نمرة تليفونك ولما تعتذري هيقولك انا هحترم رغبتك وهيركبلك الوش الخشب ومن وقت للتاني هتاخدي البلوك ف وشك فنصيحه من اولها كده اديله بلوك وديليت انت بتقصديى بالكلام ده ؟؟؟ طيب ادينى نمرت تليفونك هههههههههههههههههههه مش بقصد حد والله برئ يا باشا - بابا اوبح ده ممكن يكون على النت من سنة 69واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان ولو جربتي كل يوم تدخليله بايميل غير التاني شكلك كده بتلقحى بالكلام على واحد زى حالاتى وبعض الاعضاء امثالى تؤ طبعا هو انا اقدر رناء موضوع جميل وعجبنى لك التحية وماتفتحيش الماسنجر تانى ولا تخشى غرف الشات

ليه كده مش افتح الماسنجر ههههههههههههه

ميرسي جدا علي المشاركه