كيكة هاواي

[align=center]
كيكة هاواي




المقادير
كوابين طحين منخول
2 م ص بيكنغ باودر
1 1/2 م ص بيكنغ صودا
1 م ص ملح
2 1/2 م ص قرفة
كوبين سكر
4 بيضات
1 1/2 زيت
كوبين جزر مبشور ناعم
1/3 كوب جوز مفروم
علبة صغيره اناناس مفروم ناعم
كوب رقائق جوز الهند

الطريقة
شغلي الفرن على 350 و ادهني ثلاث قوالب دائريه مقاس 9 انتش
انخلي المقادير الخمس الاولى مع بعض في ماعون كبير
بعدين ضيفيلها السكر و البيض و الزيت و اخلطي بالخلاط يلين ما يمتزجون
ضيفي الباقي و اخلطي بملعقة كبيره يلين ما يمتزجون
صبي الخليط بالتساوي في القوالب و دخليهم الفرن مدة 35-40 دقيقة
طلعيهم و خليهم يبردون 10 دقايق
بعدين طلعيهم من القوالب و خليهم يبردون تمام
بعد ما يبردون سوي التلبيسة

مقادير التلبيسة
1 جبنة فيلادلفيا 200 جرام(حرارة الغرفة)
1/4 ذايبة كوب زبدة
1 1/4 م ص فانيلا
كوبين سكر ناعم

اخلطيهم كلهم مع بعض بالخلاط يلين ما يصيرون مثل الكريمه

الخطوة الاخيرة

حطي وحدة من الكيكات في طبق التقديم بعدين ادهنيها شوي من التلبيسة ، حطي فوقها كيكة ثانيه و ادهنيها ، و الثالثة و ادهني الكيكة كلها
للتزيين انا احمر شوي من رقايق جوز الهند و ارشها عليها من فوق

ملاحظة : بعد ما تلبسون الكيكة يفضل انكم تحطونها بالثلاجة عشان تجمد التلبيسة عليها شوي

يلا جربوها وذوقوها وقولو رايكم
وبعدين ادعولي[/align]

كيكة شكلها لذيذ جدا

واكيد بتكون متميزة

شكرا لك

الشكر ليكي عزيزتي نور
بالعافيه عليكي ياارب

منار شكلها طيبة

ويسلمو ايديكي

بس شو يعني جرفة؟

ههههههههههههههههههههههههههه
لما بالعافيه عليكي
عدلنها قرفه
عن الفضايح بس
ههههههههههههههههههههههههههههههههه

شكل الكيكه كتيير حلو

يعطيكي العافيه منوووره

الله يعافيكي يالغلا امول
بالعافيه عليكي يااارب