عيش شيلاني وسمج مقلي ..

مقادير العيش :-

-كوبين ونص عيش بسمتي ..
-4 أكواب ماي ..
-ملح ، دارسين ، مسمار ..
-زيت ..
-بصله ..
-دهن عربي ..

مقادير السمج :-

- قطع سمج مقطعة بالحجم والعدد المطلوب ..
-بهارات السمج ..
-ملح ..
-زيت للقلي ..

الطريقة ..

- يبهر السمج ببهاراته المخصصه ونخليه تخمر لساعات أو حتى قبل بيوم ..

- نكون مقطعين البصله شرايح ونحمسها في الزيت لين يغمج لونها ونشيلها من الجدر .. بنفس الجدر نضيف أشوي من الزيت العربي ونضيف الماي ومع الدارسين والمسمار والملح ونخليه يفوح .. ( يغلي )

-عقبها نكون أحنا منظفين العيش ومنقعينه في الماي ..

-بعد مافاح ( غلى ) الماي نصب العيش في الجدر ونخليه يطبخ وعقب نرد مره ثانية نسكب الماي العيش في مشخاله ..

-عشان نتخلص من الماي ويتم لنا بس العيش ..

-نرد نحط العيش في نفس الجدر ونصب عليه أشويه دهن عربي وننثر البصل فوقه ونسكره ..

و-نحطه على التاوه الصغيرة (( الجوله )) وعلى نار خفيفه عشان يتسكر العيش وينضى على راحته ..



-بعد ماتخمر السمج نأخذ الزيت ونصبه في الطابي ونخليه يسخن ..



-وأول مايسخن نزوع قطع السمج في الطابي ونقلبه فيه لين يحمر وينضى ..



-وعلى طول أول مانخلص من كل شي ننجب العيش ونقدمه مع السمج حار بحار ..



هني وعليكم بالعافية ..

[ALIGN=CENTER]السلام عليكم ...

أختي الغالية / نور العاشقين

طبق مميييز جدا وشهي
يسلموووووووووو
انا بموووووت بالسمك لذييذ
تشكراااااات




مع محبتي

[MARQUEE=LEFT]"(¯`·._.·( Love-Princess )·._.·´¯)"[/MARQUEE]
[/ALIGN]

مشكوره حبيبتي


يعطيك العافيه

شكرا لك اميرتنا بالعافية

المشاركة الأصلية كتبت بواسطة احلام ضائعة مشكوره حبيبتي يعطيك العافيه

شكرا لك

الله يعافيك احلام

يعطيك العافيه