فيه أمل

نهـــــاية العـــــالم


كم مرة حسيت بنفس ذات الإحساس مع كل موقف صعب يمر بيك ؟

كم مرة حسيته لما تفقد شخص ؟

و رغم كدة الأيام بتعدي و الخالق يعوضنا خيراً و يسبغ على قلوبنا صبراً .

في أي حرب عشان تكسب فيها لازم تعرف عدوك و تعرف إمكانياته عشان تقدر تهزمه و تتفوق عليه .

العدو هنا هو الشيطان أعاذنا الله منه و من وسوسته .

مع كل موقف صعب يقابلك يطلع لك كدة ينط في ودنك ، و يفضل وراك و يقوللك خلاص فاضل ايه بعد كدة ؟ انت جبت آخرك .

محدش بيقدرك . محدش بيحس بيك . كله فاهمك غلط . هتتخدع فيهم لحد امتى ؟

انت بقى كمسلم أو كمسلمة المفروض تعمل ايه ؟

أولاً لازم يكون فيه يقين تاااااااااام لا يشوبه شك أبداً أن النهاية هي يوم أن ترتقِ أنت إلى ربك .

ثانياً قابلك موقف صعب ، و كان نفسك في حاجة و لسة مش اتحققت ، و حاجات كتير من اللي بتقابلنا كلنا . متسلمش و متيأسش و متسيأش الظن باللي حواليك و متسيأش ظن بربك قبل الناس ، و متقولش دي النهاية و كفاية أوي لحد كدة .

ثالثاً خلي قلبك مع اللي هيرزقك بأي شئ نفسك فيه ، و لو مش في الدنيا ففي الآخرة الخير ، و لكن اطمئن هو يكرم عباده في الدنيا قبل الآخرة .

رابعاً بقى و دي حاجة كدة لازم نعرفها جيداً . عاوز تعرف إن طريقك صح قيسه بالمحن اللي تقابلك لأن شعار أصحاب الدعوة : " لولا المحن لشككنا في الطريق " .

الخلاصة : ما دام فيك قلب ينبض فهناك أمل إليك يركض .

صباحكم بداية تتجدد

منقول من أنا هكون يوسف وانتي هتكوني مريم

الخلاصة :

ما دام فيك قلب ينبض فهناك أمل إليك يركض

سعدت بقراءة ما جاء بطرحك فلك الشكر والتقدير

فريق العفة تحيتي لكم