قول مش هيأس دا انا مسلم وانا مسلمة

شايفاك حزين
شايفاكى حزينة
ما انا عارفة مجروحين
اصل الحوادث مش بسيطة
كلها ورا بعضها
واحنا مش مستحملين

خايف على بلدك
خايفة على وطنك
طبعا اكيد خايفين
على امتنا
على حلمنا
على شبابنا
على أهلنا

لكن برضه مش هيأس
مش هنقنط من رحمة ربنا
مش هنقول خلاص
مفيش أمل ولا فايدة

لا اوعوا تنسوا
احنا خير أمة
قدوتنا نبينا
وأبو بكر وعمر خيرة الأمة
ومصعب والزبير وعمرو وكلهم
كانوا شباب زينا

لكن
عمرهم ما ضعفوا
مع انهم شافوا اكتر من كدا

كان عندهم حلم
وكان عندهم هدف
عملوا علشانه المستحيل
واتحملوا زيادة عن كدا

انت يا مسلم انت وهى
يلا قوم صفى النية
قول مش هيأس دا انا مسلم وانا مسلمة
والمسلم ما يتكسرش
ما احنا ديننا بيقول كدا

صدقونى الأمل موجود
لازم يفضل موجود
ثقتنا بربنا
مالهاش حدود

ظنى بربى بيقول
هنعدى كل البحور
بحور الظلام اللى عايشنها
واللى كلنا حسنها
هييجى فجر يقولنا
يلا صحوا الهمة
رجعوا أمجاد الأمة

يلا يا مسلمين الأمة محتاجة لنا
هنرجع بلادنا أحسن من الأول
أيوة هترجع زى أيام نبينا

ياااااااااااااااااااااااااااااااااااارب