مدري ( تفو ) هي مدح ولاّ شتيمـة

[grade="00008B FF6347 008000 4B0082"]البارحة جاني مـن الحـب مرسـال

من عقب ما بينـي وبينـه خصية


وأنا ترى في الحـب منيب فعّـال

ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

ولا بعد ذقـت الفـراق وجحيمـه



ولا جرى دمعي على الخـد تمال

ولأبعد جربـت مــرّ الهزيـمـة



حتى وردنـي تالـي الليـل جـوال

وأنا على شاهي وبسكـوت عديمة



الرقم بايخ لكـن الصـوت قتـال

كنه مثل صـوت المذيعـة حليمـة



قالت مساء الخير يـا طيّـب الفـال

قلـت ارحبـي ترحيبه مستديمـة



بالعود والصفـري ودله وفنجـال

واجبك يا بنت الأصـول الكريمـة



ردت بضحكة ثم قالت وش الحـال؟

قلت اشهد إن الحال عقبك سقيمـة



قالت وهي تضحك بعد مثل الأطفال

وأنا بعـد كنـي بدونـك يتيمـة



من يـوم قالتهـا تزلزلـت زلـزال

من فجعتي كنـي مسـوي جريمـة



قلت ارفعي صوتك ترى مآبه إرسال

كـذاب لكـنّ المصيبـة عظيمـة



قالت أقول اسمع ترى هرجنـا طـال

ممكـن تصاحبنـي ترانـي وسيمـة



واسمي الحقيقي أول حروفـه الـدال

لكـن يسمّونـي البنـات الزعيمـة



صحيح أحب الفخفخة واعشق المال

لكـن ترانـي طاهـرة مستقيـمـة



ما عندي المغازل ولا (لعب يهّــال)

ما عندي إلا في الشرف والشيمة



بس الصراحة قلبي لوشفتك مـال

وأصبحت وحدك جالسٍ في صميمه



فكّر بعقلك واترك القيـل والقـال

واحذر تطيع أهل العقـول العقيمـة



وأرسل علي الحين خمسميـة ريـال

أشحن بهـا جـوال أختـي غنيمـة



أو طقم غالي فيه خاتـم وسلسـال

أروح به فـي عـرس ولاّ عزيمـة



قلت الحقيقة مانبي رجـل أعمـال

ولأني بتاجـر والمـوارد عديـمـة



أنا الصراحة شبـه عاطل بطّـال

وعلاقتـي بالفقـر جـداً حميـمـة



والراتب الله يرحم الحـال مـا زال

محـدود والمصـروف ربـي عليمة



والدين بـالآلاف والبنـك شغّـال

يأكل فلوسـي بالربـا والظلمة



والسوق طاح والغلا ضيّـق البـال

والموت والله صايـر اكبـر غنيمـة



قالت تحمّل بـس والحمـل بنشال

خلك شديد إلباس صلـب العزيمـة



ياخي تصرّف جعلك أتصير نشّـال

أهـم شـي إن النوايـا سليـمـة



لابد تفهمني علـى كـل الأحـوال

ما دمت من أهل العقـول الفهيمـة



قلت إيه والله فاهم اللي على البـال

لكن تـرى هـذي علينـا قديمـة



يا بنت هـذا صايـر اليـوم مـوال

للي تبي تلعب علـى ابـن اللئيمـة



يا بنت ما تدرين كـم فيـه محتـال

يلعب على الحبلين وانتـي غشيمـة



يا بنت كم من جاهلة دمعها سـال

من عقب ما جات العواقب وخيمـة



والبنت لا اقفى عرضها بيد الأنـذال

والله مـا يبقـى لهـا أي قيـمـة



قالت تبي ولاّ فخلّك علـى جـال

موهوب ناقضني نصايـح حكيمـة



عز الله إنك للأسف منـت رجّـال

وانك قليل الذوق ما فيـك شيمـة



يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة



( تفو ) عليك وصكّت الخط في الحال

مدري ( تفو ) هي مدح ولاّ شتيمـة
منقول [/grade]

مـمـكـن أسـأل..لـيـه أحـبــك؟؟
ليه قلبـي راحتـه فـي حضـن قلبـك
ممكن أعرف..ليه أيامي بلا وجودك تموت
وليـه أحلامـي بـلا نـورك تـمـوت
وليـه مـن دونـك يغطينـي الـحـزن
ويسـجـن شـعــوري الـسـكـوت






لـيـه اضـيـع إن كـنـت غـايــب
ولـيـه أشـوفـك كـــل أهـلــي
وكـــل نــاســي والـحـبـايـب






ليـه أشـوف الدنيـا ورديـه مـعـاك
لـيــه أحـــب إنـــي أكـــون
نـجـمـهٍ تــضــوي ســمــاك
وليه أشوف الوقت ورده ذابله لو غبت يوم
ولــيــه أحــســك جـنـتــي
والـهـنــا بـقـربــك يــــدوم





لـيـه أحـسـك شـخـص نـــادر
شـخـص أغـلـى مــن الجـواهـر
ليه أشوف النـاس مـن بعـدك سـراب
وليه أشوف الحب مـن دونـك سـراب
لـيــه يحـيـيـنـي حــضــورك
ويـقـتـل أيــامــي الـغـيــاب


ممكن أعـرف ليـه أحسـك كـل كلـي
شمـسـي أنــت.. وأنــت ظـلـي
مـالـي مـــن دونـــك مـكــان
وبــس فــي عـيـونـك مـحـلـي



اهداء الى حبيبي الغالي

شكرا على هذا النقل الموفق بس في سؤال بقي
هى القصيده الاولى تبعها القصيدة الثانية
ولا دى واحده ودى واحدة ارجو التوضيح
دمتى في محبة الله وامنه ورعايته

شكرا لؤلؤة البحار على الطرح .القصيده فيها عبره ياليت اعرف مين اللي كاتبها وشكرا لك