الجدع يحل هذه القضيه

المشاركة الأصلية كتبت بواسطة حبىالزهرة هل تنفذ الوصيه ام تعيش حياة رغده وتعوض ابنائها سنوات الحرمان ؟ طالما وضعت شيك ودفنته على رأيك طيب هي بتسأل ليه ؟؟ ولنفترض جدل وضعت الثروة بشيك طيب الشيك بأسم مين؟ فاذا كان باسم الزوج يقدم للمحكمة وهي بتوزع الثروة كل حسب نصيبه واذا كان باسم الزوجة انتهى الاشكال يله بينا نحفر يا اخي احمد يمكن يحوشنا نصيب تحيتي لك

هههههههههه
ماتصعبهاش ياابو نواف
هى دفنت الشيك معاه
ووضعت حراس علشان ماحدش يفتح القبر تانى
وللتاكيد حطت ثعبان على باب القبر واللى هيقرب منه
هيعضه الثعبان

المشاركة الأصلية كتبت بواسطة elmar7om.se7e السلام عليكم ورحمة الله وبركاته وجائته سكرات الموت واوصا زوجته بدفن ثروته معه يعنى فى قبره وهنا لنا وقفه الهانم دى ماتسمعش كلام الراجل وماتخافش منه حتى لو صحى تانى بعد مايموت زى اللى بيرد على الموضوع ده الأن . وطبعا ماينفعش ان حاجه تندفن مع الميت فى القبر انا كنت طلبت ووصيتهم لما اموت حد يدخل لمبه معايا علشان مش بحب الضلمه وماحدش عبرنى ولا حتى سابولى خرم ابره يدخل شعاع نور ولما صحيتلهم تانى قالولى ماكانش ينفع اطلاقا نلبى وصيتك علشان كده انا شايف انها تاخد الفلوس وتشترى ميكروباصين بضمان وديعه بنكيه وتشغل واحد خط القاهره ليبيا والتانى سرفيس داخل المحافظات وقتها اما ربنا يباركلها فى المشروع او يحرق الميكروباصين ونخلص من المشاكل بتاعت المرور ومخالفاته والركاب الرخمه اللى بيبقالها باقى . فى حد عايز يدخل معاها شريك يا جماعه ؟؟؟؟

عمنا المرحوم
يبدوا اننا امام نجم سيبزغ نوره فى سماء الفكاهه هنا

المهم احنا لازم نربط من ظابط وامين شرطة
علشان يشيلوا المخالفات ولما تنسحب الرخص يجيبوهالنا

وممكن كمان نتعاقد مع المدارس لتوصيل الطلبه وممكن نستغل الظروف بتاعة كاس االعالم للشباب
ومباريات مصر والجزائر ونعمل دوره من التحرير الى استاد القاهره .
او نعمل دوره تانيه من ميدان التحرير الى مستشفى حميات العباسية وحميات امبابه لزوم انفلونزا الخنازير

منتظر ردك على المقرحات دية

همسه
بخصوص اللمبة اللى كنت عايز ها معاك فى القبر
طبعا مستحيل يتم الموضوع ده هو انت عايز تولعلنا فى الاموات ولا ايه العباره بتعتك
وبعدين احنا لو فتحنا الباب ده هنلاقى واحد تانى يقولك الجو حار جدا انا عايز تكيف
والتانى يقولك انا عايز قله اشرب منها واخر يقولك انا عايز ميه معدنيه انا بخاف من التيفويد وتلوث المياه
وتبقى الدنيا بظرميط والموضوع يخرج من ادينا

سلاموووووووزا

السلام عليكم ورحمة الله وبركاته

يافندم حضرتك فهمتنى غلط

انا بتكلم على فلوس حق ميكروباصين

مش اسطول ترلات ( النقل الثقيل ) فى مصانع حديد عز

انت حسستنى اننا بنتكلم على قد حد زى كامل الأثناوى

>>> مين كامل الأثناوى ؟؟ المهم

وبعدين كلامك بتاع التعاقد وكده كلام حد مثقف وهما مايفهموش الكلام ده

دا الورثه دول كبيرهم الدبلون ويمروا على السواقين فى الموقف ياخدوا ايراد

الورديه ويسلموها لسواق تانى مش تقولى بقى نتعاقد ونتعقد

وان كان على المرور بلاش انت تتكلم فى الواسطه ومعانا واسطه

عشان فى ناس هنا مش بتحب الواسطه ولو شافوا خالهم بيتكلم فيها ممكن يزعلوا

>>>>> بيهدى النفوس .

اما الأموات اللى عايزين كولدير و كنكه وتكيف دول كانو سيس من اياااااااااااااااااام ماكانوا عايشين

يعنى تلاقيهم زهقوا وعاوزين تغير

كلم الأموات اللى بتطالب بالتغير

وبعدين بتقولى ايه العباره بتعتك

العباره ولا بتاعتى ولا اعرف عنها حاجه

وقبل ما اموت المره اللى فاتت طلعت استنكار عن الإشاعه دى

الناس كانت مفكره ان السلام اكسبرس بتاعتى

اشاعات بقى وانت فاهم .

تحياتى لروحك الجميله ولشخصك الجميل .

[align=center]ياعم المرحوم
انا عايزك تموت كبير وتعيش كبير

وعلى رأى المثل اذا عشقت فاعشق
اليزابيث تايلور او مارلين منرو ( من العهد القديم )

او نانسى عجرم او هيفاء وهبى او بوسى سمير _ خدها على البيعه _

واذا سرقت فاسرق جمل او حديد عز ( فى العهد الجديد )

وعلشان كده انا نظرتى لك نظره مستقبليه استراتيجيه محوريه ( سيبك من محور 26 )
ولما يبقى عندك اسطول كبير ممكن تدخل الحزب وتبقى عضو لجنة سياسات او مؤامرات

واهو كله اكل عيش وشبرقة .

وبدل ماتلف على السواقين فى الموقف هتلاقى مديراعمالك
جايبلك قسيمة ايداع الايراد فى بنوك سويسرا .. وتبقى احلى اشتغاله و مصلحة

اما خصوص تبرمك وانك بتخلع من ( العباره )) وبتقول انها مش بتعتك
يبقى كده لازم نعمل تحليل الحامض النووى ولو ثبت ان عندك انفلونزا الخنازير
هنحولك حميات العباسية للعلاج وبعد كده هنبعتك معهد الامراض المتوطنه لان اكيد
بعد دخولك الحميات هتجيلك امراض الدنيا اللى هتوديك الاخره وفى الحاله دية ممكن يدفنوك فى المقبرة الجماعية اللى حفرها محافظ اسوان مع حرق جسم معاليكم لعدم نشر الامراض


اما بخصوص الاموات السيس بتوع الهؤه النوءه البلامؤه
فدول ناس طول عمرهم عايشين فى بقرة المجتمع وبؤبؤة الصفوة
ومش معقول يعنى لما يموتوا نهنهم كده ولا يعنى نعمل معاهم بنط نداله
ونطبق عليهم مثل اللى بيقول الاسد لما يعجز تلعن ابوه كلاب الغابه ؟؟
هقولى المثل كده مش مظبوط هقولك كلامك صح بس دية روايه تانيه
لزوم النشر بالمنتدى علشان فيه شباب تحت السن

اما بخصوص عم اسماعيل وعبارته الغارقه فكفايه اللى بيعانيه الراجل
وعشته متغرب فى لندن بعيد عن بلده ومحبيه وبعدين الراجل دفع التعويضات
وضميره مابينيمهوش طول الليل من اللى حصل رغم انه مش مسؤل والعيب كله
على السمك لانه مش متعلم وماعرفيش يشوف الباسبور بتاع الناس دول ويعرف انهم
مصرين ولحمهم مُر مايتكلش وان اتاكل مايتبلعش وان اتبلع يعمل مغص وقرحة فى المعده

اياك تصدق ان الراجل عايش فى هنا وبحبوحه من العيش
وسيبك من كلام عم بيرم التونسى اللى قال

[frame="10 10"]هتجن باريت يا خوانا مارحتش لندن و لا باريز
دي بلاد تمدين و نضافة و ذو ق و لطافة و حاجة تغيظ
مالا قيتش جدع متعافي و حافي و ماشي يقشر خص
و لا شحط مشمرخ أفندي معاه عود خلفة و نازل مص
و لا لب أسمر و سوداني و حمص و انزل يا تقزقيز
هتجن باريت يا خوانا مارحتش لندن و لا باريز


و لا عركة في نصف الليل دايرة بالحيل و ساحبها بوليس
قدامها جدع متجرجر وشه معور قال ده عريس
الخلق ما هي بتتجوز واشمعنا احن[/frame]




لك تحياتى [/align]

السلام عليكم ورحمة الله وبركاته

بتقول عايزنى اموت كبير واعيش كبير .. طيب ازاى بعد ردك ده ؟؟

جبتلى المستشفيات بأمراضها ورمتها قدامى بسبب انفلونزا الخنازير

ده اسلوب ياراجل برضه ؟؟؟

ثم انت مش عايش فى الدنيا ولا ايه ؟؟؟

انت ماتعرفش ان شركه ديتول فى صدد اختراع ديتول بطعم الفانيليا

للقضاء على انفلونزا الخنازير .

وفى الأخر تحرقنى لا وفين فى اخر بلاد المسلمين

طب خاف على نفسك من دعوه تصيبك بعد الشر عليك يعنى

علشان لما تعجز مافيش كلاب تجرى وراك

وادعى للناس بالخير مش بالحرق والأمراض دى كفاك الله شرها وانا اخوك

وبعدين انت بتدافع عن عم اسماعيل كأنك بتدافع عن هانى شاكر او حد جارك

حقكم عليا .. سامحوا جهلى ببواطن الأمور

اللى مايعرفك يجهلك ياعم اسماعيل

غرق يابا كل يوم عباره وانا اعلن مسئوليتى عن الحادث

تحيا مصر .

[align=center]ياعم المرحوم

ادى وزير النقل شال الليله كلها واعلن مسؤليته
عن حادث القطار وراح فيها الراجل علشان تعرف
ان احنا ناس بتحس بالناس اللى تحت اوى ومابيرموش
بقايا السيجار على غسيل الناس اللى تحت وده مش نابع من احاسهم
بالغلابه لأ ابدا .. ده راجع علشان الناس البيئة اللى تحت مايتلككوش
ويقولو ان اللى فوق هما اللى حرقو غسلهم بالسجاير .. والحقيقة ان الناس دول اللى تحت
هدمهم اتهرت من الغسيل ودابت وبيتلككوا للكبار علشان ياخدوا منهم قرشين بالعافيه
وانت عارف بقى الكبار دول ناس مش فاضية للشوشرة ولا لتلويس سمعتهم اصلهم ( لامؤاخذه)
متعاصين اوى . ....

والله اكبر وان شاء الله هنغلب الجزائر وتعيش الناس فى سعاده غامره وتنسى كل هممها
وخصوصا ان شعار مؤتمر الحزب هذا العام من اجلك انت

تخيل بقى مدى اهتمام الحزب بيك انت ( يامرحوم )) علشان يعملك موتمر وتكون انت عنوانه


اما بخصوص موضوع الديتول اللى هيتعمل بريحة الفانليا فده شئ كويس وانا سمعت كمان ان فيه نوع تانى نازل
على كروهات ومقلم علشان الشتا اللى جاى الواحد ياخد منه مترين تلاته ويشربهم يلاقى الامراض خرجت كلها من جتته
وراح منه الروماتيزم ونظره بقى ستة على سته لك تحياتى [/align]

اهم حاجه ان النظر يبقى سته على سته

ومش مهم الغسيل ولا السجاير ولا السيجار

المهم ان الموئتمر اللى هاكون انا عنوانه يكون ناجح

او فاشل حتى مش مشكله

لأنه لو حتى فشل يبقى اكيد فى حاجه حتى لو من الطرف

او الديل حيستفيد منها الأخرين واهو كله بثوابه

بس المهم كمان ان الواحد مايزهقش من حبه فوق وحبه تحت

ويجعله عامر

وجميل انك بتستجيب للأطراف الخارجيه اللى على شكل كروهات

بكره الشتاء لما ينزل عليهم هتلاقى كل الألوان هدت على بعض

لغايه ماتلاقى قوس قزح ونقف مستغربين ولسان حالنا يغنى يقول

القوس قوسك والسهام سهامك

تحياتى .

اااااااااااااااه
اهى ستة على ستة دية هى المشكله فعلا
شوف بقى انت الاعدادا الرقمية فيها كام سته ( احاد وعشرات ومئات واالوف وهلم جر ))
دوربنا يدينا ويديك الصحة يارب

اه على فكره هبعتلك شوية اعشاب مقوية ممتازة من عند حرز الله العطار

ويجعله يوم ابيض عليك

بس احب انبهك ان السيجار مهم اوى
وخصوصا لو انت فى مركز مرموق فى امريكا

ياهلا والله

باشا النظر لما يكون سته على سته بيبقى واااااو ولا كلمه

ولو جيت تدور هتلاقى الستة دى ولا ست الكوبايات

ويتجمعوا على بعض ويركبوا فى اى نضاره ويبقى النظر قعر كوبايه

وفى روايه اخرى ان النظارات منها قعر الكساروله اللى بنغلى فيها البن

بس ممكن سؤال الله يكرمك يعنى ..

الأعشاب والمقويات دى ليها علاقه بالبجامه الستان اياها

لو كده يبقى اليوم ابيض بياض ناصع وفشر الأريال وتايد

وبعدين امريكا مين والناس نايمين ؟؟

انا واعوذ بالله من كلمه انا مركزى مرموق وانا اعلن ذالك من موقعى هنا

من فوق سطوح منزلى بجوار عشه الفراخ اللى بتربيها جارتنا ام علالله

اقول قولى هذا والجزائر خسرانه ان شاء الله

تحياتى .

ياعمى انت فهمتنى غلط
الاعشاب دية للبيجاما الستان مش ليك انت

بصى يامولانا وخلى بالك من الطريقة كويس

انت تحط الاعشاب وهى ناشفه على البيجاما فى طشت بلاستك
وتبيتها فى البلكونه فى الندى هتصحى الصبح هتلاقى الندا كتر الاعشاب وملت الطبقى
تقوم واخدها على الحمام على طول وحاطت عليها ميه هتلاقى البيجاما نفشت وكبرت خالص
وبقت اكثر متانه واستحمالا كرر الحكاية دية من يوم السبت لحد الاربع ويوم الخميس البس البيجاما هتحس
ان الدنيا اختلفت معاك خالص وبقت جديده تماما ... ولو فاض حاجة اخوك موجود وسداد
هههههههههههههههههههههههههههههههههههههههههههههه

وعلى راى الحزب الوطنى

من اجلك انت


[align=center]اما بخصوص السيجار فده حاجة مفتكسه اوى شوف انت السيجار بتاع عمنا الحاج كاسترو
او بتاع عمنا الحاج شافيز ولا يادهيه دقى بقى على سيجار عمنا كلينتون واسال عليه بنت بلونسكى [/align]

السلام عليكم ورحمة الله

خرجنا بعيييييييييييييييييييييييد عن موضوع الراجل البخيل وجماعته

استاذى okkamal بصبح عليك .


استاذى okkamal

ممكن تفيدنا بأخر المستجدات عن اعلام الوراثه واخر التطورات

خصوصا ان بعد وفاه الرجل البخيل ظهرت امرأه ومعها اوراق رسميه

تثبت بحقها فى الميراث على اساس انها كانت زوجه شرعيه له وانجبت منه

كتكوت يقال عنه انه كتكوت غير فى الغباء المستفحل

كان معكم محدثكم من العالم الأخر elmar7om.se7e

تحياتى يامسيوووو .

[align=center]بص بقى ياسيدى بالنسبه للست اللى ظهرت دية
[mark=#99FF99]
هى فعلا تقدمت باوراق رسمية تثبت انها من مستحقى التوريث [/mark]

لكن جهات التحيق ارتابت فى الامر وطلبت تحويل القضيه الى الطب الشرعى
لتحليل الحامض النووى بتاع الابن للتأكد من النسب لكن المشكله ان الميت سرقه
طلبة كلية الطب علشان يذاكروا عليه وجثة المرحوم تبعثرت بين الطلبه جميعا
ولذلك الست المسكينه دية بتناشد عميد كلية الطب - من خلال منبرنا هذا - بجمع
[mark=#FF9966]جثمان الراجل او على الاقل حته تساوى شبرا منه لمضاهتها بالحامض النووى للابن [/mark]
ومن خلال الشبر اللى ممكن نحصل عليه يمكن اثبات ان الست كانت متزوجة من الرجل
حيث سيثبت الطب وجود رابط بين المرأة وهذا الجزء المعصور عليه

من على ضفاف كوكب الارض ارسل لكم تحياتى
وسمعنى اغنية مدحت صالح

انا عايز اعيش فى كوكب تانى [/align]

السلام عليكم ورحمة الله

ههههههههههههه

بيقولك دكتور تحالليل طبيه ماشى فى جنازه امه يصرخ ويقول تحاليلى ياما

انت ايه بقى موضوعك مع تحاليل الحامض النووى

كل شويه تقولى تحاليل الحامض النووى

انت مش خايف تنضرب من امريكا على كم النووى اللى بتقوله ده ؟؟؟

ولا هى قالتلك انى كنت بطلب منها تعمل تحاليل عشان الواد ده ممكن يكون ابنى ؟؟؟

تحياتى .

[align=center]احنا الحامض النووى بتاعنا للاغراض السلميه وزيادة النسل فقط
ههههههههههههههههههههههههههههههههههاما بخصوص الشك فى علاقتك بالموضوع بتاع الطفل ومين هو ابوه
فده سيكون محل التحقيق والفحص والاستلام

بس المشكله فى الاستلام ان احنا مش لاقين السركى اللى بنسلم عليه العينات
هههههههههههه


طيب بمناسبة النكت بقى خد عندك نكته من موبايلى


قال عنتر لعبلة
(( ولقد ذكرتك والرماح نواهل منى
وبيض الهند تقطر من دمى
فوددت تقبيل السيوف لانها
لمعت كبارق ثغرك ))

فقالت له عبله :

والنبى ياعنتر بوس وانت ساكت [/align]

يا صباح النسل

ازاى يعنى فى شك ان الولد يبقى ابنى

هو فى مرحوم بيخلف ؟؟؟؟

وبعدين قايلك ان الولد شكله غبى غباء مستفحل

يبقى ازى الصحه دلوجيتى

وبعيدن الروتين بتاعكم ده هايفضل لغايه امتى كده

ال مش لاقين السركى ال

طيب هى فين العينات وانا اتصرف

ههههههههههههههههههههههه

تحياتى .