الستات في الاجازات

تتجوز يا معلم انت وتفتكر يا حبيب قلبي ان الحياه حتبقي بمبي وانا جنبك وانت جنبي

تيجي يوم اول اجازه بعد اول اسبوع شغل بعد شهر العسل تقول اقعد في البيت مهدود طول الاسبوع شغل

تقولك هي بقي


منور يا بيبي .............أنما انت حتفضل نايم طول النهار مش تقوم تقعد معايا شويه نشوف التي في



تقوم انت تجيب متش

يييييييييييييه غير يا بيبي مش بحب الكوره


يا مسهل تجيب مع هيكل (سياسي)


بالذمه في حد يتفرج علي حاجه كده


تقوم سايب الدش وطالع البلكونه


طالع تبص علي مين من البلكونه


انت تقوم مزعق يا بنتي اولع في نفسي .. اقعد في التويلت يعني

تقوم معيطه تقولك قول بقي انك مبقيتش تحبني زي الاول

تكون انت من جواك عايز تلطم بس تجز علي سنانك وتغمض عينيك وبابستامه برتقاني مش صفرا تقولها متزعليش يا روحي يالا بينا ننزل


يالا البسي هدومك


سعادتك في عشر دقايق خدت شاورك لبست هدومك سرحت شعرك


ايه يا ماما خلصتي لبس

الله ما تصبر بقي خلاص باقيلي كوي الطرحتين والتيير


يا نهارك مش معدي انتي لسه بتكوووووووووووووووووي

تلاقيها بتضحك (عامله عبيطه) في قمه قمم البرود

انت من جواك تبقي عايز ترمي اليمين خلاص علي اخرك جبت جاز

فات ساعه عمال ما لبست هدومها المهم نزلتوا


تحبي تروحي مول نشتري حاجات ونتمشي ولا تحبي تخشي سنيما

تقولك انت عايز ايه يا بيبي

تقولها انا بقول نتمشي

بص بقي حتعارضك بس بمعلمه ازاي يا ريس !!


تقولك بس انا رانيا صحبتي دخلت سينيما امبارح وهي مش احسن مني بالعكس انت بتحبني اكتر ما جوزها بيحبها وانا بموت فييييك


تقوم انت بالحته الاخيره دي مبتسم اوي ومفرج الشارع كله سنانك

(فرحان بنفسك اوي وانت ملطوش علي قفاك ..احنا بنهدي النفوس مفيش حاجه )



المهم تروح تحجز سنيما

تحبي تخشي ايه يا حبيبتي


تقولك اللي تشوفه يا عمري (يا واد انت يا واد عالحب)

انت تختار فيلم اكشن

تقولك ايوه قول كده انت مختار الفيلم ده عشان الممثله الفولانيه


تقولها يا ماما ما انا قولتلك اختاري انتي.. يادي اليوم اللي مش باينله ملامح

تختارلك فيلم رومانسي


تحب بقي تكمل جميلك انت تقوم رايح جايب فيشار وحاجه ساقعه ..برضه البت غلبانه محبوسه طول الاسبوع ايام شغلك تدلعها شويه مفيش مشاكل


امسكي يا روحي ده فيشارك والبيبسي بتاعك تحبي تاخدي تشوكلت معاهم او اي حاجه تانيه

تقولك استني بس انا مبحبش الفيشار اساسا...... في مشهد مملوء بكل برود الدنيا

تبقي انت حتموت ويقطعولك ايد ورجل ومتدخلهاش الفيلم وتروحها متعكننه زي ما حرقت دمك


تقولها كلمه في العضم بقي:: انتي مبتكليش فيشار ده انا كانت فلوسي ايام الخطوبه بتخلص عالفيشار اللي بتاكليه

تقولك بتلت(بطلت يعني بس برقه) .. ايه حنتكلم في الحوار ده كتير ؟؟


تحس أنت باحراج رهيب رهااااااااابه وتبص حواليك في هول السنيما حد شاف واقعه (ووتر لو) دي ولا لأ

وانت بتبص تعدي حته بنت اقل ما يقال عليها قمر مفيهاش غلطه


تبصلها وتسرح كده ::اااااااااااه لو كنت داخل السنيما معاكي بدل ام فيشار دي


صاحبتنا تحس تقولك وبتضربك بالكلمه :: جميله طحن مش كده ؟؟

تبقي من جواك عايز تقولها : لاول مره احترم ذووقك ؟

وتقوم باصالك هي واحده من بصتين يا بصه من فوق لتحت برفعه حاجب ودي لو ست شرسه او بصه مسكنه كده وعنيها حتغرر من الدموع


في الحالتين حتسيبك زي العبيط وتخرج بره هول السينيما


طبعا لازم تجري وراها (مش عشانها طبعا طبعا عشان تذكره السينيما التانيه )

المهم تروحلها وتوقفها

تقولك(بتستفزك) فاكر لما جيت تخطبني حفيت ورايا ازاي وكنت حتبوس رجلين بابي (بابي ده ممكن يطلع موظف بريد.. المهم فكك متعلقش لانها حتذلك حتذلك متقلقش اهرب بقي من الموقف بسرعه اوي لان الذكريات بتجيب بعضها وليلتك مش فايته فحاول تقطع حبل الافكار الزوباله دي بسرررعه )

حواجبك بقي تترخي علي الاخر كانك حتعيط وعينك تسبلها
تقولها بس بس وتحط ايدك علي بقها.... وتعمل فيها عبد الحليم في الوساده الخاليه

وتقول (من ورا قلبك خالص.. ده من وراه وخد يمين الشارع نمره تلاته)

وانتي عندك شك لحظه واحده انك اجمل ست في عنيه وستات الدنيا كلهم كوم وانتي كوم تاني .. ده انتي اللي في القلب لوحدك يا قمرايتي (بابتسامه وغمزه عين او تسبيله انت وذووقك ساعتها )

بص بالبقين دول يا معلم والله لو هي كونداليزا رايس اضمن انك حطيتها في جيبك وهي عارفه ان بتحور ومتأكده وتبصم وتمضي وتصرخ في الشارع علي كده بس حتصدق برضه


وتقولك اه ما واضح يا خويا- بابتسامه رقيقه- (رجعلك زمام الامور يا باشا )


تقوم معديه بت قمر اوي برضه تضطر تغض بصرك وتمشي حافي عشان خاطر محصول الفول اللي مشايه معاك دي

ترجعوا السنيما


تقولك فين الفيشار (سبحان الله بس متسالش ليه حبيته فجأه.. اهدي متنفعلش كده و قولها اهه وانت ساكت)

المهم تخشوا العرض

تلاقيها ماسكه في كتفك طول الفيلم وكل مشهد مؤثر تعيط وتبهدل الدنيا

يا بنت الناس دراعي سيبيني أتفرج مفيييييييش

يهدي يرضيكي مفييييييييييييش

يارب يجيلك شد عضل في ايدك دي مفييييييش برضه

يا ماما الدنيا حر والتكيف واطي ولا فارقه معاها مكلبشه في دراعك




المهم الفيلم خلص تلاقيها طالعه بتعيط لسه

خلاص بقي يا بنت الحلال الناس تقول ضاربها ولا ايه

تقولك انت كده قلبك حجر طول عمرك مش زي بطل الفيلم

انت في سرك ( الفيلم و بطل الفيلم واللي عمل الفيلم يا بعيده .. هو يوم اخبر من صباحيته)

خلاص يا حياتي اول ما نوصل البيت حقلبهالك مناحه وصويت وعياط وبهدله

... بس نوصل بس يا ماما الشوارع زحمه اديكي شايفه

طب ما تركن علي جنب يا بيبي نتمشي علي الكورنيش


سوري يا حبيبتي بس اديكي شايفه الساعه واحده الا ربع الصبح وانا شغلي بكره الساعه سبعه صباحا


تقولك طيب ماشي براحتك وهي بتنفخ انت عمرك ما حبتني ولا حتحبني ابدا


(انت بقي من تحت ضرسك وانت بتغلي وحاسس ان كل اللي عملته راح مليان جراح هههههههههههههههههههههههههههههه)

يا حبيبتي ما انا قولتلك نتمشي قولتيلي لأ سنيما وانا عندي شغل



تقولك خلاص خلاص متختلقش اعذار (كانها ماسكه عليك ذله)


تبقي حتموت وتعضها من راسها هههههههههههههههههههههههههه

تقولها برنفزه بقي خلاص مش قادر :: بصي يا ماما لازم تعرفي ان ام شغلي ده يعتبر ام تضحيه عشان سعادتك تعيشي ام عيشه حلوه

تيجي لسه حتنطق تقولها بقولك ايه انا وحشني صمتك اوي


تروح تنام سعادتك تلايقها داخله عليك تيجي تتفرج معايا عالتي في (مصممه برضه)


تقولها لأ يا ماما سمعيني جمال خطوتك وخدي الباب وراكي ...

وادي يوم الاجازه يا معلم بعد شهر واحد بس من جوازتك هههههههههههههههههه



Muhammad Attia

استمتعت .. بس ياويلك من الصبايا .. حيهروك تعليق

قلبي معك

ههههههههههههههههههههههههههههه
بقى كل ده بعد شهر واحد يامحمد
مال بعد سنه هيحصل ايه وبعدين هى لحقت تبقى محصول فول هههههههههههههههه
واضح كده انه متجوزها غصب عنه او كان مغمض عينه
وفتح بعد الجواز بشهر ههههههههههههههههههههههه
وبعدين نيجى بقى للحق بذمتك هو فى شغله طول الاسبوع
وكمان يجى يوم الاجازة وينام رجاله اخر زمن
حسبى الله ونعم الوكيل
بجد بجد عجبنى الموضوع جدااا وضحكت من قلبى
تحيتى

[grade="00008B FF6347 008000 4B0082"]ايه يااخي محمد احب اشكرك اولا لموضوعك كوميدي ده
ثانيا انت بتكره الرجاله في الجواز ولا ايه ينفع كده؟!
ولا انت انضميت لحزب عدو النساء لا حرام عليك كنت تكتب
عينه من النساء مش كلهم يعني؟ وبعدين كنت طولت المده شويه كنت
تقول مثلا بعد سنه اواكتر جواز ده كده مش كرهتم في جواز ده بعد موضوعك
اللي خاطب هيفسح خطوبته واللي بيفكر هيغير تفكيره
ههههههههههههههههههه لك مني كل التقدير
دمت بود[/grade]

[align=center]ميرسي مقدما للمرور يا شباب

بس بكره باذن الرحمن اكون فوقت شويه حاجي اعلق علي تعليقاتكم



في حفظ الرحمن اخواتي الغالين[/align]

المشاركة الأصلية كتبت بواسطة mony ههههههههههههههههههههههههههههه بقى كل ده بعد شهر واحد يامحمد مال بعد سنه هيحصل ايه وبعدين هى لحقت تبقى محصول فول هههههههههههههههه واضح كده انه متجوزها غصب عنه او كان مغمض عينه وفتح بعد الجواز بشهر ههههههههههههههههههههههه وبعدين نيجى بقى للحق بذمتك هو فى شغله طول الاسبوع وكمان يجى يوم الاجازة وينام رجاله اخر زمن حسبى الله ونعم الوكيل بجد بجد عجبنى الموضوع جدااا وضحكت من قلبى تحيتى

منى معاها حق فى التعجب والاستغراب طبعا

ازاى دا يحصل بعد شهر !!!!!!!
دا الراجل ده نفسه طويل اوى
الحالات والدراسات اللى عندنا بتقول ان
الموضوع دا بيحصل بعد اسبوع فقط من الزواج
ههههههههههههههههه

[align=center]بص يامحمد
الراجل دا هو اللى غلطان
لانه سمع كلامها من الاول
كان المفروض مايعلمشولا حاجة من الحاجات دية ولا يغير الدش

لكن ملحوقة ممكن يروح للمأذون بسرعة ويصلح غلطته [/align]