نقول هابي نيو يير ؟؟

باقي شهر ويدخل علي كل العالم السنه الجديده
2009

هل نقدر نقول كمصريين هابي نيو يير ؟؟

من صفات السنه الجديده
انك لازم تقعد تعمل (كونفينس) اعتراف يعني مع نفسك
وتحمد الله انه كان عام جيد العام السابق
وتتمني منه ان يجعل سنتك المقبله افضل

بس واضح اننا حنحمد الله علي العام الماضي كمصريين بقولنا

((الحمد لله الذي لايحمد علي مكروه سواه))


**** رحل الي الرفيق الاعلي****

الصحفي الكبير//مجدي مهنا
الكاتب الكبير//رجاء النقاش
الكاتب العظيم صاحب القلم الحر// صلاح الدين حافظ
المستشار النزيه ونائب رئيس المحكمه الدستوريه//محمد ابو العنين
القاضي// محمد الشحات (32 سنه)

كل دول وابن ال...... لسه عايش
( متخليش دماغك تروح لبعيد انا اقصد حسن البواب)


** سنه مولعه نار **

-كابلات النت كلها اتقطعت اول السنه
-مجلس الشوري ولع وحينهار قريب
-المسرح القومي ولع
-مسرح قصر الثقافه بالمنيا ولع باللي فيه
- واخره المتمه وقع المقطم علي دماغ ابو الغلابه

*السنه الرياضيه*

رغم فوزنا التاني للتوالي ببطوله الامم الا ان هناك احداث اروع

-الحضري ساب الاهلي علي سهوه وراح سيون
-الزمالك محدش لاقيه ...محدش شافه يا رجاله
--جماهير الاهلي حرقت مشجع زملكاوي بالنار

*السنه التحرشيه *

- الحكومه بتعمل اعلانات تحذير التحرش بالاجنبيات
طب والمصريات اللي بيدفعوا ضرايب واتعمل الاعلان من فلوسهم
علي رائ سعيد صالح (ولاد الغساله ؟؟؟؟)
-عموما في عرض مغري قادم
(تلت تحرشات في الدقيقه بضمان اربع سنين)


** السادس من ...........**

السادس من اكتوبر مكنش افضل السنه دي من رائ من
السادس من ابريل
اليوم ده فعلا مثل اد ايه
شباب البلد دي قادر يحلم
وعواجيزه قادرين يكبتوا الاحلام

** سنه (الحتت)**

-ساركوزي (رئيس فرنسا) جاب الحته بتاعته - مش مراته- وجه مصر يحتفل وصرفت مصر علي اجازته والراجل ابدي اعجابه بمصر للغايه
والاهم من كل ده وده ان الحته بتاعته حملت وهي في مصر
يتربي في عزو يا سيدي واهديلك اغنيه عمرو دياب(خليك فاكرني)

- رئيس مجلس اداره اكبر مجموعه عقاريه استثماريه في مصر اتقفش هو كمان في قضيه اغتيال الحته اللبنانيه بتاعته

** سنه العدل**

- هاني سرور صاحب شكره (هايديلينا) صاحبه اكياس الدم الملوثه
خد براءه

وممدوح اسماعيل صاحب العباره(المخرومه) خد برضه براءه

لنحمد الله ان رايا وسكينه مكانش القاضي بتاعهم هو القاضي ده
والا كانوا خدوا برضووا براءه

- بيشهد اتنين مصريين في الاراضي الحجازيه قمه الظلم القضائي
ولا حياه لمن تنادي من الخارجيه المصريه !!!

** سنه الاكل الوفير والصحي**

-طول طوابير العيش في مصر اطول من سور الصين العظيم 4 اضعاف
-تم الحجر الصحي في الميناء علي اربعه مليون طن قمح غير صالح للاستعمال الادمي..!!!
-الفقراء والغلابه اكلوا لحوم الحمير بعد خداعهم بانها لحوم جاموس !!!!!!!!!!!

** سنه العلم**

-تسربت امتحانات الثانويه العامه بكل سلاكه
علي عينك يا تاجر ..يا اهبل يا عبيط

-بعد وفاه كثير من المصريين من انفلونزا الطيور
اعلن مركز الابحاث ابتكار مصل انفلونزا الخيول (اه ورب الكعبه ما بهزر)

** سنه الحياه الابديه الفرعونيه**

-توفي 400 مصري في هجره غير شرعيه لاوروبا
وشيخ الازهر قال (لا يعتبروا شهداء)
علي اعتبار الجنه -زريبه بهايم- شيخ الازهر بيدخل اللي يحبه

- فرقاطه امريكيه معديه في القناه كان عليها جندي امريكي ولــــــــــــــــــد
رشق صياد مصري فقير برصاصه جاب اجله علطول
وطبعا طبعا طبعا مصر ضبطت نفسها !!!!!!!!!!!!!

-وبنت من البدو برضه نشها واد اسرائيلي ابن حلال وماتت
لو عرفت حاجه غيرالمعلومه دي عن الموضوع قولي وحياه ابوك !!

**سنه السياحه**

مجموعه سياح دخلوا مصر
راحوا حته خطر في الصحرا ازاي محدش يعرف
واتخطفوا بعدها ازاي محدش يعرف
واتخطفوا فين محدش يعرف
رجعوا بقي ازاي ........... برضو محدش يعرف

** سنه اللامؤاخذه**

اعلن الجهاز المركزي للاحصاء ان مصر صرفت
18 مليار دولار علي المخدرات هذا العام
اه والله ما بهزر واللي عايز يشوف بنفسه

-شايفين الهوه قد ايه بين الفقر والغني ؟!!!-

** سنه التعليم واللي بيتعلموه**

-تعرض هذا العام طلبه مدارس مصر للقتل والتعذيب اثناء العمليه التعليميه

-مدرس بيقلع اللي مبيعملش الواجب كل هدومه
فكرني بعادل امام(بيقلعلنا البنطلون يا بيه ..واحنا زوغيرين ومنعرفش حاجه يا بيه)

-طلع قرار قضائي بان حرس الجامعه اتلغي
تاني يوم علطول علطول كان طلبه جامعه القاهره مع موعد مع علقه سخنه من الامن المركزي
لانهم قلوا ادبهم السفله اللي ميعرفوش الربايه و قالوا
(الموت الموت الموت لاسرااااااااااااااااااااائيل)


** سنتك يا أتش**

اتش (هشام طلعت مصطفي) خد 8000 فدان ببلاش مجانا من الحكومه
والشباب كل يوم بيترمي علي مكاتب الساده المسئولين علشان فدان او اتنين يبدا بيهم حياته وبالفلوووووووس مش ببلاش !!!!!!!!!!!!!

** العام الحديدي**

سيطر الامير الحديدي احمد بيه باشا عز (حفظه الله ورعاه)
علي كل حديد مصر
وفي خطه انه ناوي يضم (جولديز جيم) قريب !!!!!!


** طول عمرك سباقه**

دايما مصر منذ فجر التاريخ بتاخد الخطوه وكل العالم وراها
اول دوله واول جيش واول حكومه واول من سطر بالقلم

واول من وقع اقتصاده وده الاهم


** الجديد بقي**

توزيع صكوك ملكيه اصول الدوله علي الشعب

الليله الليه السيرك تعالوا دي فرجه تساوي جنيه قولوا هيه
هيه هيه هيه هيه
بمناسبه هذا المولد يا ولاد برنامج سواريه قولوا هيه
هيه هيه هيه هيه



اخيرا بعد كل هذه الانجازات اختر الاجابه

هل تؤيد الحكومه المصريه الحاليه

ا- نعم
ب- اكيد نعم
ج- انت بتهزر طبعا اؤؤيدها




والله يا مصر وانا بكتب الموضوع ده دموعي كانت علي خدي
مش عارف اقول ايه الحقيقه ...قلمي واقف بجد من الحزن الشديد
مصر العظيمه اللي علمت العالم يصل بيها علي يد مجموعه الحال الي هذا الوضع

يمكن البعض يقول ليه الكائبه والنظره السوده دي ياعم ؟؟ما في برضه حاجات كويسه كتير اوي !!

انا يا سيدي عارف بس بحب البلد دي اوي اوي اوي وعايز اشوفها احسن بلد في الدنيا
زي ما هي طول عمرها في عيني وقلبي احسن بلد في الدنيا

حذكر كلمه لسيده عجوز مصريه ارهقها الفقر والسن كانت امام احد اماكن توزيع البضاعات التموينيه وانا بلف في احد الاحياء الفقيره مع جمعيه (صناع الحياه)

قالت وهي بتبكي والله والله وايدها فوق راسها

(فينك يا عبد الناااااااصر )

رحم الله زعيم القلوب ورئيس الفقراء جمال عبد الناصر!!


انا بقي حقول وحختم وانا ببكي برضه

(لعمرك ما ضاقت بلاد باهلها .. ولكن احلام الرجال تضيق)

سلام عليكم

لا تخلو سنة من - الزين - و الشين

ومهما زاد الشين لابد من قدوم الزين

نقول هابي نيو يير؟ لا نقول سنة جديدة

تحيتي لشخصك

[align=center] شـكــ وبارك الله فيك ـــرا لك ... لك مني أجمل تحية . [/align]

المشاركة الأصلية كتبت بواسطة حبىالزهرة لا تخلو سنة من - الزين - و الشين ومهما زاد الشين لابد من قدوم الزين نقول هابي نيو يير؟ لا نقول سنة جديدة تحيتي لشخصك

ما شاء الله كان وما لم يشأ لم يكن
وسنه جديده سعيده علي حضرتك باذن الله

المشاركة الأصلية كتبت بواسطة أثير الصمت [align=center] شـكــ وبارك الله فيك ـــرا لك ... لك مني أجمل تحية . [/align]

وجزاك الله خير علي المرور يا اثير
وسنه سعيده عليك ان شاء الرحمن

ياساتر دى سنه غامقه كده ليه يامحمد ههههههههههههههه
لكن بردو نقول الحمد لله
ودائما هنقول باذن الله اللى جى احسن ( عندى امل )
لكن مظنش هيكون اغمق من كده
وهنقول سنه جديده وسعيده على الكل يارب
تحيتى اخى

[align=center]سنه وحشه جدا ههههههههههههههههههههههههههههه

بس اصبري يا موني بعد العيد ان شاء الرحمن حعمل موضوع ساخر برضه بس يدعو للتفائل وحب الوطن

ميرسي للمرور يا منوش[/align]

[align=center]وانا رح اردد الكلمة اللي ختمت فيها يامحمد

(لعمرك ما ضاقت بلاد باهلها .. ولكن احلام الرجال تضيق)


تقبل مروري هنا

شكرا لك[/align]

[align=center][align=center]سعيد انك فهمتي مقصدي من الخاتمه
وان شاء الله بكره احلي من انهارده
ميرسي يا فروووحش علي المرور الجميل[/align][/align]