ياأعضاء المنتدى أنتم مدعوين فى ... مناظرات طريفة

أخوانى وأخواتى
اعضاء المنتدى الحبيب
شوفوا ياجماعة انا أتفقت انا واختى ولاء واختى لما ان أحنا حنعمل صفحة ولما أختارت أسم مناظرات طريفة
طبعا الصفحة دى حتضم كل أحبابنا الشعراء اللى لسه طالعين وانا أولكم لسه طالع طبعا وحنقعد مرة نهجو بعض هجاء مهذب ومرة نمدح بعض ومرة نحب بعض ومرة نكره بعض بس بأسلوب شعرى ..
ولكن فى ملحوظة لازم الجميع ينتبه لها يعنى لو كتبت شعر عاطفى فى لما أو تقى او ولاء أو أى حد مثلا ده بيكون أسلوب شعرى فقط لكن كل اللى بيجمعنا اخوة فقط لا غير علشان ما حدش يزعل منى او من اى عضو وطبعا بنلتزم بروح الأخوة والصداقة اللى بتجمعنا فى بيت واحد
واتمنى ان اعضاء المنتدى ينضموا لينا


أنا حبدأ بداية مع لما لأنها صاحبة الفكرة
أوك


شوفت نجمة منورة فوق ف السما
ياأم العيون الدبلانين . الأسم أيه ؟
قالت لما

عمرى ياناس ما شوفت نجمة ف حسنها
العيون متكحلة والخيل تشد ف شعرها
وألا القوام . مصبوب تمام على خصرها
والقلوب فيها تدوب لو سمعتم حسها
صدقونى ياشباب .. عمرى ف يوم ما شوفتها
دى بسكويتة
ويمكن تكون قطرة ندا
أنا زيكم
هى زميلة المنتدى
الحارس الله
يحرسها من كيد العدا


مشكورين أخوانى
مين حيدخل بعدى؟؟؟؟؟

اناااااااااااااااااااااااااااااااااا
انا انا بدي اكمل من اخر حرف انت انتهيت فيه
واللي هو الالف
ان هذا اليوم ليس محسوبا من ايام عمري
فلقد عبست الشمس في فجر يومي هذا
اتدرون لماذا؟
لان الحبيب بعيد
ولان القلوب حديد
ولا يوجد اليوم بريد
لقد هجرني اليوم احبابي
لانني جبانة
ولانني انانية
لا وبل لانني قاسية
لقد ضعفت اليوم
لو تعلمون ما السبب؟
هجرتهم يومان فقاطعوني.....وليتني لم اعد ..........فندمت
وحيدة في الدنيا دونهم.....وما طعم الحياة الا معهم.......فبكيت
رغبت في الموت يحضنني...فهو احق بي.....لانني سئمت
الك يا العبد على البداية الحلوة
وسلامي لكل اللي بدهم يشاركونا

[ALIGN=CENTER] العبد الفقير ، ولاء، لما

مش قادر اشوف الأقلام الجميلة دى والفكرة الرائعة دى وقلمى يسكت

ويشرفنى انضمامى معاكم ومن هنا ابدا اقول

نتلاقى هنا فى المواعيد

نندة نجومنا تقيد

على بتلة الزهرة شوقنا يخضر

نلقى الأمل عناقيد

نمسح دموع اللحن ، نكسر نايات الحزن

طول ماالطيور ع الغصن

راح نسمع التغريد على صفحة الأبداع كلة

بقلوب ماليها الضى

نغزل قدرنا الجى

نطوى الليل طى

نعشق بدون تعقيد

اخوانى يارب تلاقى كلماتى اعجابكم

انا متابع كلامك من وقت ماكانت لسة فكرة

بس فكرة جميلة

لكم كل التقدير[/ALIGN]

شو حلووووووووووووو
تحية للزهرة واعضاءها بتجنن من وائل
يعني يا هيك الكلام يا بلاش
كملوا
يلا بننتظر كمان

[ALIGN=CENTER]
لولا جايه ترمى احلى مسى
قاعده هنا من الصبح حتى العشى
ايه يا جماعه النور ده كله
اللى يشوف احمد والنبى يقوله
انى معاكم بقلمى وقلبى هنا
بشارك احمد ووائل والجميله لما
وابدا بسم الله الرحمن الرحيم
اخواتى بهذا المنتدى العظيم
انا مبسوطه انى واحده منكم
ويا رب يموت اللى يفرق بينكم
ونفضل كده علطول اخوات
نناغش بعض بالكلمات
نفتح قلوبنا للى يحبنا
واللى يعادينا ملوش مكان هنا
انا جاية واملى انى اشارك
بقلم وحب مش كره ومعارك
يلا باه ايدينا فى ايد بعض
فى منتدانا الجميل وش السعد
وانا من هنا بقول لاحلى لما
فكرتك هتقربنا من بعضنا
ويا رب يبعد الشيطان عننا
بقوله من قلبى وبدعى ربنا
تخلق فى قلوبنا المحبة
ونقرب من بعض حبه حبه
نشارك بعض الحزن والافراح
نكتب لبعض ونسيبنا من اللى راح
يلا يا احلى شباب
يلا يا احلى بنات
شاركونا يا احباب
الفرح واللوم والعتاب
وصباحكم زى الفل
ومساءكم فل الفل
تحية واحترام
ولاء[/ALIGN]

[ALIGN=CENTER] هااااااااااى حبيب قلبى

انا كدة شايف انة كفاية تهليل وترحيب ، وندخل فى الموضوع على طول


نفسى ارجع بس خايف

انسى من تانى وجودى

اتنسى واعشق شرودى

لسة نظرة من جنون الكبر

شايفها ف عيونك

اسوتك لساها بتجرح وبتغلف حنينك

صدقينى لسة خايف

تتخنق بين الشفايف كلمة كانت مشتقالك

تصرخ الأحلام وتدبل

فرحة كانت شيلهالك

صدقينى نفسى ارجع بس خايف ابتدى

لانتهى قبل الطريق

تختفى منى الملامح

ينطفى شوق كان حريق

والجراح تبقى الحبايب

والعذاب يبقى صديق ........!!!!

يلا ياشباب اللى علية الدور يدخل ويسطر الأبداع

تقبلوا خالص التحيات[/ALIGN]

[ALIGN=CENTER]
خايف من ايه بس يا وائل
مش تركز كده وتفضل عاقل
انا من امتى قسيت عليك
متهربش الله يخليك
ارجع باه وكفايه دموع
خلى الدنيا تقيد بشموع
اوعى تخاف وانا وياك
نفسى اعرف مين قساك
انا من غيرك تهت وضعت
بتقول انى قسيت وخدعت
والله يا وائل حرام عليك
ده انا من لهفه قلبى عليك
بقول يا رب جمعنا
وامحى من القلب دموعنا
خايف من ايه بس يا قلبى
ده انا بتمناك تفضل جنبى
متضيعش اللى بيننا فى ثانيه
سيب الخوف للناس التانيه
ده انا عرفتك وانت جرىء
بقيت متهمه وانت برىء؟!
ده اللى فى قلبى ليك كتير
ده انا شايفاك والله امير
واوعدك مش راح تندم
ده الخوف فى الحب بيهدم
انا مدالك ايدى تعالى
لكن تبعد لا استحاله
وعلشانك هعمل اى حاجه
متسبنيش وانا محتاجه
خليك هنا اوعى تسيبنى
ده بعادك ده بيعذبنى


يلا يا جماعه الدور على مين؟ [/ALIGN]

[ALIGN=CENTER] قلتلك كلمة وقلتيلى كلمة

من بعد كام فكرة

من بعد كام نظرة

عديت حدودى صحيت شرودى

دابت غيومى ف رقتك

ونسيت مواعيدى

قولهالى تانى اسمع صحابى ويا حيرانى

دفى وجودى بكلمتك

وهاتى ايدك فى ايدى

و لما اليالى تنتصف تعالى نعيش حقيقة ماتنوصف

نبقى فى الكون دا انا وانتى بس

نرسم على قلوب الصدف امانينا وف قايمة العشاق نكتب اسامينا ....

اللى بعدى يقابل[/ALIGN]

[ALIGN=CENTER]
الموضوع ده عن راجل غلبان
اسمعوا يا جماعه بيقول ايه


دلونى يا ناس دلونى
ازاى راح اسد ديونى
ده عيالى خلاص هوسونى
وقريب هيجننونى
تسعه ومراتى معاهم
ودليلى احتار وياهم
ولا نافع اى تفاهم
ولا هم فى يوم عذرونى
الطبخه ما بتقضيهم
والحله ما بتكفيهم
محتار ازاى ارضيهم
مش ناقص غير ياكلونى
وفى وقت دخول مدارسهم
تتعبنى كتير ملابسهم
وكتبهم على كرارسهم
ويوماتى بيحاسبونى
الواد محمود وفهيمه
بيحبوا يروحوا السيما
وانا اصلى دقه قديمه
انا قلت بلاش يلومونى
تلقى البقال على بابى
والخضرى عم امامى
ومعاهم كشف حسابى
وفى وسط الناس فضحونى
وفى عيد الاضحى يحنوا
لخروف العيد ويزنوا
مقدرش اتهرب منهم
لالقاهم يوم دبحونى
يا رب حنانك بيا
بحبحها عليا شويه
وتزور جيبى النقديه
واسدد كل ديونى



اللى بعده
كفايه عليا كده انهارده
تحية واحترام
ولاء[/ALIGN]

[ALIGN=JUSTIFY]رجل موظف كحيان غلبان من بتوع الحكومة
مرتبة الشهرى 220 جنية و80 قرش ومشط كبيريت
وحوافز اضافية جنية وربع
ومكافأة عيد العمال اللى بتيجى مرة واحدة فى السنة 2 جنية و75 قرش
ويتم خصم جنية ونص منهم مش عارف لية
والراجل مش راحم نفسة وعندة 6 اولاد
وبيسعى فى مفاوضات مع زوجتة يتمنى بعدها ان يخلف السابع
المهم ودة مربط الجحش
لابد ان يدفع هذا الرجل البائس ايجار الشقة
اللى وصل حسب الأيجار الجديد 100 جنية
طبعا بعد توسط اهل الخير والشهامة عند صاحب البيت
كما سيدفع للبقال 90 جنية نتيجة جر كميات من الجبنة واللأنشون والبيض
ومرق الدجاج وعلب الكبريت والحلاوة الطحينية
التى تصر زوجتة على ان ياكلها موظفنا بعد العشاء... مش عارف لية؟
كما سيدفع للجزار عشرين جنية نتيجة تهورة فى احد المرات وشراؤة جوزين كوارع
لكن هذا ليس ذنبة ،فزوجتة هى التى الحت علية فى شراء الكوارع
واصرت على ان ياكل اكثر من نصفها بمفردة وبرضه مش عارف لية؟
كما سيدفع فواتير الكهرباء والمياة والتليفون
!! مع انة ماعندوش حتى عدة تليفون
وطبعا بالأضافة الى الدروس الخصوصية
فأولادة الستة فى مراحل تعليمية مختلفة
اقلهم سنا فى الصف الثالث ابتدائى...وكلة بياخد دروس
بالذوق بالعافيةهياخد
ومطلوب منة كسوة للعيال
لأن الهدوم التى اشتراها من كام سنة قربت تتقطع
ولازمة نص نعل جديد بدال النص نعل اللى ركبة للجزمة
بعد ماشال منها نص النعل اللى كان ركبة قبل كدة
بالأضافة لفلوس المواصلات
ولأنة موظف حكومى فلابد من الجرنال
لزوم حل الكلمات المتقاطعة فى المكتب
على مايكبس علية النوم

هى دى الفزورة يا ولاء

اللى بعدى يقدر يحل الفزورة دى[/ALIGN]

الرجل ده ميت اكيد
حتى لو كان من حديد
ده ما فيش راتب خالص ولا فلوس
والباقي ما يكفيش حتى لكفن صوص
ده كان مجاهد والله
ده ملحيقش يشم ريحة الجنيه
ربنا يرحموا والجنه ليه
اشوف دي الوقت مراتو عاملة الزاي
تلاقيها بتشحد ثمن الشاي
ربنا مايشبعها
لا هي ولا ولادها
ربنا تعريها ولا تلبسها
الا الهدوم الا قطعتها
دي عاملة مثل القطة
اكالة ونكارة
ربنا يبعدها عنا
هي و اولادها الفجعانين
دول لو لقوا اسد ياكلوه
والله مش حيسبوه




انا مش بحل الفزورة بس انا بكتب تعليقا على الكلام
و لاصحاب الاقلام الجميلة

يا عينى
قسمى وسمعينا يا ست لما
هههههههههههههههههههه
ايه الجمال ده كله
يلا اكتبلينا حاجه جديده
علشان نعلق عليها
يلا بسرعه بلاش دلع
ههههههههههههههه

خير ست ولاء انشاء الله مش عاجبك كلامي؟
وبعدين ليش عم تضحكي علي انا لسه جديد تعلمت اللهجة المصرية حرام عليكي تدفنيلي مواهبي
ما انا حكيت لعبود انو انتو رح تاكلوني لحم وترموني عظم ما صدقني
عجبك كده يا استاذ؟؟؟؟؟؟؟؟؟؟؟؟؟
الحقني يا احمد ربنا يخليك
دي ست مفترية وغضبانة عليك
من يوم السبت ناويةتضحي بيك
دي فكراك كبش فدا يا عيني
بس ما تخافش انا معاك وانت في عيني
لو حتقرب مننا مش حنسكتلها
هي فكرانا ايه ده احنا حنشرحها
ده انا اخت عبود والاجر على الله
ال ايه؟
ال اخت عبودة!!!!!!!!!!!!
اتلم المتعوس على خايب الرجا
يلا انبسطي يا ولاء يا مفترية



احزرو شو عم بعمل؟
عم اكل ........طيب احكولي صحتين وعافية؟
هذه مزحة انشاء الله تكوني بتتقبلي المزح يا ولاء يا عمري

[ALIGN=CENTER]ياست لما ياست الكل

اية الجمال والحلاوة دى

انى عم تحكى مصرى

وانا عم احكى شامى

وشامى ماينفعشى مع مغربى

عم بيقولوها بالمصرى (ماياكلش معانا)

وانتى عم تاكلى طيب

ليش ماتقولى اتفضلو واحنا نقولك صحتين والف هنا

بس الأول انتى شو بتاكلى

فتوش ولا تبولة ولا المقلوبة

عموما انا لسة سابقك

وبصحتين والف هنا

مشكوووووووووووووووور اخوانى

ويلا ياعم احمد ادخل واشترك

ولا انت بتخلع ، على فكرة انا شايف ان احنا نعمل فريقين
اتنين ضد اتنين ظبطوها وانا معاكم

بس ياريت ماتتأخرش علينا اكتر من كدة يا ابو اسكندر

وندخل على موضوع جديد

لم كل الود والتحيات[/ALIGN]

وائل انا عم اكل اكلة ما بعرف اذا كنتو بتعرفوها بس هيه من الاكلات المفضلة عندي اسمها اللبنية
وانا ما حكيتلكم تفضلوا لانو بعرف اهل الشعر بطنهم كبير وما بشبع واذا حكيتلكم تفضلوا بتخلصولي كل الاكل ههههههههههههههههه
واما بالنسبة للاقتراح اللي انت اقترحتو فهو كتير حلو بس انشاء الله بدنا نفتح مجزرة في المنتدى بسببوا
وانا اذا وافقوا عليه بكيزة وزغلول(ولاء واحمد بيك)فانتوا فصلوا وانا بلبس يعني مين ما بدو يجي معي مش مشكلة انا موافقة
بس ربنا يستر
المهم انا بكرة علي امتحان ادب جاهلي وانا عم باكل كتير من كتر ما انا معصبة
ادعولي الله يوفقني والله الامتحان صعب كتير
بدي ابكي
والله المادة بدها خارطة عشان اعرف من وين ابدا
بالله تدعولي
وائل انت مغربي؟؟؟؟؟؟؟؟؟؟؟؟؟؟؟؟؟؟