ضؤ النيون

-1-

المهرج الصغير ... يسأل:-

يبكى ولا يضحك فى هذا اليوم!!؟

-2-

احلم وافزع من النوم ..

واقوم افتح شباك العالم ...

وآخد نفس وانظر الى السماء

والمح غول جوها.

-3-

العشب اترعرع ، فرع واتوحش ...

غطى الورد ... ومقصى بارد

-4-

اغنيتى فراشة حس العالم ماليها

حب وطيبة وبشاشة

والأحلام دايبة فيها

حرة وطاهرة وعفيفة

واضحة مسامحة واليفة

لكنها بتخاف من ضؤ النيون

-5-

ايها القمر ... انتظر ...

اسف ... قصدى بص

ركز ضؤك ...

امى واخواتى تحت النخلة

يستجدوا التمر

-6-

وسط الزحام والخلق جوة الشرنقة

صوت الكلام بيزقنى ، ريحة الدخان بتغزنى

والحلم تاة من غير لقا ... والقلب نام...!

-7-

عصفورتى ... طلعت على طرف المآدنة

باضت والبيضة فقست

خرج المولود يصرخ وف عز صلاة الروح

أذن مولانا المغرب

عصفورتى الساذجة كشت

فلتت رجليها ... ووقعت...

تركت ولودها فوق .

-8-

( اللى بيلعب بالنار ... بيتلسوع بيها)

امى قالت وصوتها ضاع م القول

ولاحدش منهم سامع

واللعب النارى تحرفن

اصبح له لون

وحريفة تصهلل ... وتشعلل

أة ... مجنونة امى ضحكت على عقلى

وانفض المولد خالص وطلعت نضيف!!

-9-

الذباب ...

لما تعاملة بارتياح ويحس وياك بالأمان

يشكرك ... وتلاقية يكتر قوام

جوا ف عنيك !!

مكرر