من أفوة العقلاء والمجانين

اخوتى الاعزاء

ق{ات عن موسوعة الامثال والحكم
والتى اشار اليها اخينا الفاضل ابو عبيدة وقد اعجبتنى جدا
وقد شرعت منذ زمن ليس بالطويل فى تجميع مايقع تحت
يدى من امثال وحكم
وكنت انتظر ان اتمكن من تجميع قدر اكبر من ذلك
ولكن اخى ابو عبيدة سبقنى بما قام بة من الشروع فى الموسوعة المشار اليها
ولذلك فاننى اقوم بنشر ماقمت بتجميعة من حكم وامثال ليكون احدى لبنات موسوعة اخينا ابو عبيدة ودمت بخير
احمد المصرى

والموضوع الذى قمت باعدادة انشرة الان اليكم


قالواااا فى الأمثال والحكم
==============
أن من الاقول لامثال كما ان من الاقوال اخبار فما يتواتر من ألاقوال فهو امثال ومايتناقل من الاقوال
فهو اخبار ومن الاخبار ماهو يصنع التاريخ ومن الاخبار –
ايضا - ماهو كزبد البحر فلا نعتنى بة .,,
ولا شك فى ان الامثال والحكم قد ارتبطت باحداثا وقعت فيمن سبقنا ومع تكرار هه المواقف والاحدث تكررت تلك الامثال حتى ارتبطت الاحدث بتلك الامثال .
واحب ان انوه هنا ان بعض الامثال تحث على الفضيله او تنبه الغافل ومنها مالايتفق مع العادات والاخلاق وقد يكون منها مايحث الانسان على غير مكارم الاخلاق كالبخل او عدم أتيان المعروف . ومع هذا نذكر كل ماقد اتيح لنا من امثال للقارئ
والحمد لله رب العالمين
من الامثال:
------------
• أردب قمح مالك فية ..مااتحضر كيله (وزنة) لحسن تتعفر ذقنك او تحتار فى شايلة (حملة )
• أذا الرجل (القد م) أندارت (كثر ذهابها للمنازل)عاااااااارت(اصابها العار) ياأما يسرقوها او يقولوها او يفتنوها
• اللى ماتَصبحَه ولاتمسيه ماتعرف ايه اللى جرى فيه
• لاتعايرنى ولا اعيرك الهم طايلنى وطايلك
• القوالب نامت والــ نصاص قامت
• ولاد الندامه عملو الحرير قمصان وولاد الايامه بهدلتهم يازمان
• ياشينه ( الغير جميلة ) مدى ايدك لينا ( كنااية عن الحظ الوافر )
• لو كان الجمل شاف ظهره ( سنامه ) كان دار عليه وقطمه ( اى ان الانسان لايرى عيوبة )
• يجبى ( يبعثر الاموال ) من جيب غيره
• مثل ضرب الغزيه لحمارها ( يقال فى حالة عمل الانسان للشئ بضعف ولين او اداء الامر لم يكن بالجهد المطلوب ,لان الغوازى طبعهم اللين )
• (قالوا فى العزاء ) من علا ( ارتفع ) حسه ( صوته ) عزوه الناس فى نفسه ( اى من سمع الناس صراخه علموا ان به مصيبه
• من قال لزوجته ياعوره ( اى عاب زوجته ) لعبت الاطفال بها الكوره , ومن قال لزوجته ياهانم بستها الناس على السلالم
• لما قالو ا جالك بُنيه قُلت الحيطان مالت عليا .. ولما قالو دة ولد انشد ظهرى وانفرد
• لما قالوا دة بنيه قلت ده غاليه عليا
• ماتحسبيش بيضة الفرخة لقيه .. ولاجوز البنت هديه
• من اسعدها زمانها خلفت بناتها قبل صبينها
• النسيب (والد الزوجة وأخوتها ) مصيبه ولو أكلت لحم الخصيب ( افضل انواع اللحوم
• من الوش مرايا ومن القفا سلايا ( اى شوكة )
• ياواخد القرد على ماله بكره يروح المال ويقعد القرد على حاله
• قرد قاعد ولا غزال شارد
• يابخت من بكانى وبكى عليا ولا ضحكنى وضحك الناس عليا
• قالوا تعرف فلان قلت : اعرفه ..قالوا عشرته .. قلت لأ .. قالو يبقى ماتعرفهوش
• من بره وجوه فرشتلك وانت حالك مايل ايه يعدله
• الى يعيش ياما يشوف واللى يمشى يشوف اكتر
• يدى البرد على أد الغطى
• ياخيبه ربى للغايبه
• على أد لحافك مد رجليك
• يامربى فى غير ولدك يابانى فى غير ملكك
• من همه اخد اد امه ومن خبته اخد اد بنته
• هنونى وربونى وماليش غير إلا ولدونى
• كُل أكل الجمال وقوم قبل الرجال
• أمشى سنه ولاتعدى قنا ( أنًايه وهى الترعه الصغيره باللغه المصريه)
• قعدوا البنات تحت الروعريعه( الشجره) لاشتروا شروه ولا بيعه
• الدنيا تلاهى عبوها فى فى مواهى وسبوها زى ماهى
• من قدم السبت لقى الحد ادامه ومن خدم الناس وجد الناس حدامه
• اترك حبيبك على هواه لما ذيله يجى على قفاه
• الحاجه توقل نينى نينى لما يجى الخايب يشترينى
• خنفسه شافت ولادها على الحيط قالت : ده لولى معقود فى خيط
• القرش الابيض ينفع فى اليوم الاسود
• ايش ياخد السمنة من مؤخرة النملة
• يامنتظر السمنه من بطن النمله عمرك ماهتقلى ( اى تصنع تقلية )
• اقلب القدره على فمها تطلع البنت لامها
• لو كان فية الخير ماكان رماه الطير
• لو لقيت بختى فى حجر اختى اخطفه واجرى
• أكنس بيتك ورشه (بالماء) ماتعرف مين هيخشه
• جت الحزينة تفرح فالقت لها مطرح
• البطران ( اى الانسان الناقم على حياته ) عشته قطران
• أنا غنيه واحب الهديه
• القرعة تتباهى بشعر بنت اختها
• عقربه على الحيط ولا اعدة الراجل فى البيت
• يغور اللبن اللى يجى من وش القرد
• اللى اختشوا ماتوا
• ناس تلبس وتتأنتك وناس من البرد تتكتك
• القمر مكسوف .. قالوا من كتر مابيشوف
• الكسل احلى من العسل
• طمعنجى بنالة بيت فلسنجى سكنلة فيه .. طمعنجى عايز الاجره , فلسنجى منين يدية ؟؟؟؟؟؟؟!!!!!!!
• العايط ( الباكى ) على الفايت ( الماضى ) نقصان عقل
• بكره نعد على الحيط ونسمع الزيط ( الدوشة )
• الواقعه اللى ماتكسر تشد الظهر وتقوية
• قلبى على ولدى انفطر وقلب ولدى عليا حجر
• االلى مايهمك وصى علية جوز أمك
• من خرج من دارة اتَقل مقدارة
• قالوا لجحا فين بلدك قال اللى فيها مراتى
• قالو لحجا عد غنمك قال واحدة نايمه وواحدة قايمه
• أعدتى بين اعتابى ولا اعدتى بين احبابى
• عجبنى فيك يادنيا من كلَ وهرَولبس وجَر
• الطويلة يسعى ويكسيها والاصيلة الفضلة تأضيها
• السبع لما يوعد القرود .. يعود وقت مايعود
• دلع الجاره يفقع المرارة
• من حبنا حبناه وسار متعانا متاعه ومن كرهنا كرهناه ويحرم علينا عتابه
• كتر من الفضايح علشان انا رايح
• يابخت من زار وخفف
• علشان الورد يتسقى عليه
• ايش دخلك بيت عددوك قال بيت حبيبى فيه
• على وشك يبان يانداغ اللبان
• خطبوها اتعززت .. سبوها اتندمت
• أمشى عيدل تنعدل ويحتار عدوك فيك . وامشى عوج تنعوج...وماتلقيش طبيب يداويك
• خلى العسل فى أبياره لما تلف وتجيله اسعاره
• حبيبى فوق رأسى وعدوى تحت رجلك ده واخد من ولاده وحاطط عليك
• من خد واده صار المال ماله
• الباب اللى يجيلك منه الريح سده واستريح
• جنازه بطار ولااعده الراجل فى الدار
• قالو المصايب ليها ناس ... قاموا عبوها لى فى كياس
• جبت الأقرع يونسنى ... قام ورانى راسه خوفنى
• الربعيه تعلم امها الرعيه
• صاحب البيت على مهله .. والشحات واقف حاله..
• جعان موت .ز فجبوله بسكوت
ماضاع حق ورائه مطالب
•
*كذب مساوى ولا صدق منعكش
*أصبر على جار السوء .. أما يرحل أو تجيله مصيبه تاخده
* كله سلف ودين حتى المشى على الرجلين
* اللى على الرفوف .. متشال للى على الكتوف
* اجرى يابن ادم جرى الوحش غير رزقك ماتحوش
* الجار جار ... حتى لو جار
* عروسة الجمعه ماتنشاف ليها دمعه
* شفت رحتك يابصله .. كل قطمه بدمعه
* أيه اللى يرحمك من التوم .. قال قلة اكله
* الشاطره تغذل برجل حمار... والخايبه تعجز الشطار
* الطول هيبه والقصر خيبه
* الطويله جوزها يروح للتاجر يكسيها ... والقصيره عقب الحريم يداريها
• المايل مايعدلوش عمايل
•

قالواا فى الحكم


* كلام الرجل ميزان عقلة
*الحكيم من تحكم فى غضبة
*انطق بالحق ولوكان مرآ
*راحت الضمير هى المتعة الحقيقية
*اذا احب الرجل فقد عقله واذا تزوج فقد حريته
• إذا احب الرجل بدأ يتنازل وإذا احبت المرأة بدات تتملك
• المرأه قبل الزواج كالليمونه قبل عصرها وبعد الزواج كالليمونه بعد عصرها
• إذا حملت المرأه فقد الزوج مكانه فى غرفة النوم واذا انجبت فقد مكانه فى المنزل
• إذا تزوج الرجل اصبح كالحمل الوديع واصبحت المرأه كاالاسد
• إذا وثقت فى المرأه فقد حفظت الماء فى الغربأل ( مايتم نخل الدقيق بة )
• لاتبحث فى الماضى بل انظر الى المستقبل
• حب المرأه للرجل كالسحاب سرعان ماينقشع
• إذا توددت اليك المرأه فاعلم ان ورائها مطالب أو مصائب
• إذا غدرت بك المرأه فلا تحزن فذلك طبع الهوى
• قال: هل خطك مثلى خطى ؟؟ قلت : وهل حظك مثل حظى ؟؟
• ألادب وسيله لكل فضيله
• وراء كل عظيم امرأه تدفعه للخلف
• أول الغضب جنون واخرة ندم
• اذا أردت ان تعرف عيوب أمرأه .. تزوجها
• ما مات من احى علم
• خيراُ لك ان تكون مؤدبا من ان تكون أديبا
• من يعمل ليس لديه وقت للدموع
• الادب وسيلة لكل فضيلة
• لبعض الناس قيمه فى اعينهم اكثر مما لهم فى اعين الناس
• فعل المعروف حصن من صروف الزمان
• بناء رجل اصعب من بناء سفينه واصلاح امرأه اصعب بناء مدينه
• أصلاح امرأه اصعب من امساك الهواء
• تعُلم المرأه الوفاء أصعب من النقش على الماء
• الكدب داء والصدق دواء
• لايعرف الصديق إلا عند الضيق
• أنت تريد وانا اريد والله يفعل مايشاء
• ماطار طير وأرتفع إلا كما طار وقع
• ياداخل بين البصله وقشرتها ماينوبك غير دمعتها
• لاتنظر الى الخلف حتى لاتقع فى من امامك
• من كثر مذاحه قلة هيبتة
• الصبر يورث النصر
• حب الرجل للمرأة كالموقوع فى الرمال المتحركة .. لايمكن الخروج منها
• لكل مقامً مقال ولكل سؤالً جواب
• كثرة الذنوب تميت القلوب
• لكل كلام جواب
• اليقين نعمه والشك نقمه
• الشجاع يقتل مره والجبان يقتل الف مرة
• المرء مخبوء تحت عبائة لسانة
• كل عز فى غير الله ذل
• اياك ودعاء المظلوم
• صيانة النفس فى كفايتها
• اذا نسيت اسأة غيرك احبوك واذا تذكرتها كرهوك
• من نقل لك فقد نقل عليك
• لاتمنع حق الغير فيمنعوك حقك
• التأجيل لص الزمان
• التدبير نصف المعيشة
• قطرة الماء تثقب الحجر
• من صدقت نيته زادت همته
• لكل ورده شوكها ولكل امرأه لسانها
• النفاق يظهر فى زلات اللسان
• الوحدة خير من جليس السوء
• الوحده خير من الحبيب الخائن
• الجمال فى حلاوة الوفاء
• لكل عالم هفوه ولكل جواد كبوه
• من طلب السلامة لزم الاستقامه
• اخلاص التوبة يسقط العقوبة
• الرضا بالكفاف يؤدى للعفاف
• الكلام اللين يطفئ الغضب
• اذا اردت معرفة اخلاق الرجل امنحه السلطة واذا
اردت معرفة امانتة فاعطية مالا

• الجشِع المنهوم لاتسخوا يدة بالعطاء
• سراج الحق لايطفئه ماء الباطل
• لاحيلة فى رزق ولا شفاعة فى موت
• راعى اباك يرعاك ابنك
• زرعة المؤمن يجنيها فى الجنه
• اذا رايت نيوم الليث بارزه فلاتظنن أن الليث يضحكُ
• إذا احببت المرأه فقد اهدرت كرامتك وأن وثقت فيها فقد أهنت عقلك
•

=================
اضافة اخرى * (الجوع) يحكم نصف العالم !!...و (الجنس) يحكم النصف الاخر

* (التعري) في الشارع خلاعة!!..وعلى المسرح فن!!...وعلى الشاطئ رياضة!!!

* كل الاشياء (تطول) !!...ما عدا (الفساتين) !!!

* الممثلة: كلما كانت ملابسها (قصيرة) !!...كلما كانت ادوارها في اي فلم (طويلة) !!!

* أكبر صدمة تتعرض لها (الام) أنها تظل 20 عام تحاول تربية ولدها !!..ثم تأتي (بنت الجيران ) فتروضه في أيام ...




•

استاذ احمد

الامثال الشعبية كثير مانستخدمها في كثير من المواقف في حياتنا

ورائع جد ماجمعته

شكرا لك

الاخت الفاضلة حياة
شاكر لك مرورك الكريم
احمد المصرى

اخي الكريم \ احمد
جميل الامثله التي طرحتها ويعطيك الف عافيه

اختى محبة الهدى
شاكر لك مرورك الكريم
احمد المصرى

السلام عليكم ورحمة الله وبركاته،،،

جهد كبير
يعيطك العافية


وتقديري

لينا

الاخت لينا
شاكر لك مرورك الكريم
احمد المصرى

اخي الفاضل أحمد

شكرا لك على هذه الحكم والأمثال وانا حاهز في أي طلب تطلبه مني بخصوص هذا إن شاء الله

ولك أرق

أخوك أبو عبيدة

اخى الفاضل ابو عبيدة
شاكر لك مرورك الكريم
احمد المصرى

الامثال الشعبية والحكم ما هى الا خلاصة تجارب وخبرات السابقين فى الحياة

وخد عندك مثل جديد أول مرة هتسمع عنه

باب الحزين متعلم بطين

عرفت مين هوالحزين؟

هههههههه

لسة ماعرفتش مين الحزين
اكيد المثل ده من امثال الــ ماما
انا اعرف المثل اللى بيقول كتر البكاء يعلم الحزن

وكان فيه مثل زمان بسمعة وانا صغير
بس نسيته وماعدت افتكره كان جميل جدا
كان بيتكلم على واحد عيان تقريبا او واحد ميت
مش فاكر
حاولى تسال ال ماما ولما تقولك عليه ابقى اكتبيه هنا

شـكــ وبارك الله فيك ـــرا لك ... لك مني أجمل تحية .

وعد
شاكر لك مرورك