ياأعضاء المنتدى أنتم مدعوين فى ... مناظرات طريفة

تقى · 02-12-06, 04:56 AM

[ALIGN=CENTER]
اهلا بالدقهلوية
في بحور البورفؤادية
حنستناك امام المعدية
وخلي بالك متنسيش الشمسية
وكمان البسي الطاقية
لتجيلك ضربة شمس وتدعي علية
وحعزمك علي اجمل صيادية من ايدين البورسعدية
ياخسارة الشتا وصل واتحرمنا من نزول الميه
كنت عايزة اسابقك في العوم
بتعرفى تعومي والا بتغرقى في شبر ميه

ممكن تجيب معاك عوامة

انا امزح
منتظراك ياجميل علي اى قهوة تعجبك
تعرفي بورسعيد بلد القهاوى
بين كل قهوة وقهوة قهوة

وانا اهوى

يامين يقولي اهوى

اسقية بايدى قهوة

لك من قلب تقى احر السلامات

[/ALIGN]

تقى · 02-12-06, 05:02 AM

سلامتك يا احمد
يكنش عندك الي عند وائل

مهو يعمل كده واكثر

فيه فيتامين في الاسواق اسمه
ح
ب
اوصل لاقرب صيدلية وخد مضاد حيوى بسرعه

من تقي ارق تحياتى

toty girl · 02-12-06, 04:13 PM

هاااي
سلامي للجميع
جيتكم بقلب مستطيل
بيوسع الكل
:pcring: :pcring:
هدول بس الكلمات الي وصلوني لسه الباقي على الطريق
المهم شفتو في تقدم شويه

تقى · 02-12-06, 04:18 PM

وائل
انا شاكه انك سويسى وانت عارف احنا ولاد عم بنشرب من مية واحدة ميه قناة السويس الي حفرها جدودنا بالكرباج والسخرة ايام الخديو سعيد ياريت ايام الخديوى تعود علي راي جدتى كانو بيكلوا تفاح

بورسعيد منطقة حرة ومعلق علي ابوابها دخول الحمام مش زى خروجة تدخل براحتك لكن تيجى تخرج يامسكين حيدفعوك دم قلبك خصوصا اذا كنت مخبي حتتين قماش من المستورد لففهم علي وسطك تحت الهدوم حيضربوك لغاية ما يعرفولك صاحب

الجمال البورسعيدى ربانى مش من اثار العدوان الثلاثي ( فرنسي -انجليزى - يهودى )
تحياتى لك وائل واهلا بك في المنطقة الحرة لو عايز تجهز ريم واعمل حسابك علي الجمارك

ارق تحياتى ........تقى

تقى · 02-12-06, 04:21 PM

وائل

نسيت اقولك

جميلة قيلولتك وهذة الانثى الرقيقة
التى جعلتك تداري لهفتك !!!!!!!!!!

ارق تحياتى.....تقى

تقى · 02-12-06, 04:22 PM

اهلا توتى منورة
حتى لومريت من غير ما تتكلمى

ارق تحياتى ...........تقى

العبد الفقير · 02-12-06, 05:02 PM

أهلا
بالدقهلية
والبمبوطية
والبور سعيدية
والأسيوطية
والسكندرانية
والفلسطينية
وحتى القهوجية
منورين ياجماعة
الباشا تقى
منورة
الباشا ولاء
منورة
الباشا توتى
منورة
الباشا لما
منورة
الباشا وائل
منور
الباشا الأسيوطى
منور
الباشا احمد
اللى هو سيادتى طبعا
معلش احسن النور قطع
يالله حبايبنا الحلوين
روحوا عند أبلة فضيلة لغاية لما أجى لكم بالليل
مع السلامة شباب ومتتشاقوش لغاية مارجع ومحدش يعمل دوشة علشان مامى ماتزعلش منه
وانا جاى بالليل أجيب لكم حاجات حلوة معايا ويمكن اجيب كمان حاجات وحشة
وعلى فكرة ياولاء أنا ما بدخلش الصبح النت ولكن دخلت النهاردة مخصوص علشانك والله وسايب لك رسالة خاصة لو ما ردتيش لغاية بالليل .. حجيب شوية صعايدة اخلى الأسيوطى يبعتهم لى واستناكى بيهم على باب المنتدى
قد أعذر من أنذر
يالله أشوفكم على خير

ولاء · 02-12-06, 06:42 PM

مساء الجمال
واحلى سلام حاير طاير عامل عمايل الحلوين اللى منورين
وجوه قلبى قاعدين ومربعين ومتكيفيين
لما اظهرى وبانى وبطلى شغل العيال ده علشان كده احنا اللى هنزعل بجد
تقى انا قبلت عزومه البورسعيديه بس على الله متتطلعش ابو لمعه هههههههههه
وهجيب معايا الشمسيه والطاقيه والعوامه والبكينى متخفيش مش هنسى حاجه
ناقص تقوليلى هاتى اكلك معاكى هههههههههههههههه
عموما متخفيش انا بعوم ما ايام ما كنتى بتقولى على السكر اوكر
يا اوكرهههههههههههههههههههههههه
وائل صبح صبح يا باشا خليك معانا
توتى هانم ربنا مقدركيش غير على الكلمتين دول ولا ايه
هى دى الربع كيلو حلاوه اللى قلتلك عليها؟
الاسيوطى انا سايبه فى كل بلد ولدوفى كل حاره اماره
وعشت فى المحروسه كمان 5 سنين هههههههههههههههه
ولو كنت اعرف ان الدنيا غانيه كنت اتعلمت لعبة الغجر والصعاليك هههههههه
بس اتعلمت استاذن قبل ما اركب المراجيح هههههههه
احمد سبتلك رساله على الخاص علشان بخاف من الصعايده ههههههه
انهارده يا جماعه مش عارفه هكتب ايه بامانه
بس هسيب القلم يتكلم لوحده من غير ما يستاذن
واشوف هيتكلم فى ايه انهارده
وياريت يا جماعه نتفق على ميعاد نكون موجودين فيه كلنا علشان نحس اننا مع بعض
لان كل واحد فينا بيدخل فى ميعاد مختلف
متهيالى لو اتفقنا على ساعه نكون فيها كلنا هنا هتبقى احلى كتير
وشويه كده وهشوف القلم هيقول ايه
تحية وحب واحترام
ولاء

تقى · 02-12-06, 07:13 PM

[ALIGN=CENTER]

والي هنا وادرك تقي زاد الصباح وقررت المغادرة
لان هذة الصفحة تعطلها عن المرور بالمنتدى

تحياتى للجميع
تقى زاد[/ALIGN]

ولاء · 02-12-06, 07:26 PM

[ALIGN=CENTER]
يا دنيا وبعدين وياكى
ممشيانى على هواكى
وتعبتينى وقلت يا بت اصبرى
تنادينى اقولك يا دنيا اامرى
وانتى لا ليا ولا لغيرى هتعمرى
اهلى قالولى الادب قلت اتادب
لقيت المؤدب فيكى يا دنيا بيتعذب
وقليل الادب فارد قلوعه وبيكدب
قلت اتعلم منه يمكن يا دنيا يفيدنى
لا عرفت اتعلم ولا البعيد سابنى
كبرت لقيت الشركتير اوى حواليا
قلت يا بت اصبرى ده العمل بالنيه
وشلت الصبر فى جيبى ووزعته بالمية
لا نفع معاهم صبر ولا حتى حنيه
قابلوا وفائى بغدر وحنانى بأسيه
جريت على امى وقلتلها قوليلى يا اما
فين الوفا والسماحه والصحبه واللمه
قالتلى يا بنتى اصبرى والله دى غمة
واعملى باصلك تلاقى النور فىالضلمه
الدنيا لسه بخير طول ما الاصيل موجود
دى رحمة ربنا فى الدنيا مالها حدود
كلمه وقالها المصطفى ختام المرسلين
ده الخير فى امتى لحد يوم الدين

تحية واحترام
ولاء[/ALIGN]

toty girl · 02-12-06, 07:33 PM

ولاء
طيب وحدة وحدة
وبلاش كل لدة
يجي مرة وحدة
لتجنن كدة
لو كان النظام معك بالشكل كدة
مقدرشي عليه

شو رأيك صارت نص كيلو حلاوة
( أنا غشاشة غشيتها من أغنية محمد حماقي )

ولاء · 02-12-06, 07:43 PM

توتى
يا نصابه بتدينى نص كل حلاوه مغشوشه
قصدى مسروقه من محمد حماقى هههههههههههه
انا عايزه حلاوه اصلى مش تقليد
هستناكىوهجيب العيش هههههههه
ومتتاخريش علشان انا جعت اوى
يلا بسرعه
سلام يا حلاوه

ولاء · 02-12-06, 07:47 PM

تقى
يعنى ايه قررتى المغادره؟
فهمينا
هتسيبينا
لا يا تقى متهرجيش بجد
اوعى تكون هتسيبنا
وبعدين هى الصفحه دى يا تقى اللى هتعطلك عن المنتدى؟
وربنا تبقى بزعلهجامده اوى
انتى فاكره دخول الحمام زى خروجه ولا ايه
ده احنا كنا نقطعوكى هههههههههه
يلا يا تقى اكتبيلنا حاجه جديده والنبى
علشان احنا ما صدقنا الصفحه دى جمعتنا
ومتقوليش كده تانى
تحية وحب واحترام
ولاء

العبد الفقير · 02-12-06, 08:05 PM

أحبتى
ومش حقول أخواتى واخوانى
لأ
أحبتى وبقولها من كل قلبى والله
كلكم احبتى والله وسعيد بيكم جدا وشايف كل يوم بيقربنا من بعض كتير
صدقونى ياجماعة انا بحب وائل وولاء
والأسيوطى وتقى
ولما وتوتى
وكل اللى فى المنتدى
فعلا حبتكم بجد
ناس طيبين
ناس محترمين
أتمنى من الله أن أحنا نفضل نحب بعض على طول بدون غرض وألا هدف

ربنا يوفقكم يارب ويخليكم يارب
ويحميكم يارب

يالله باى

واائل رجب · 03-12-06, 12:33 AM

ها ياحبايبى

عاملين اية من غيرى

عارفين ياجماعة ، انا بقيت ادخل الصفحة دى اكتر من اى صفحة من صفحات المنتدى

وبحس انى قاعد معاكم وشايفكم قدامى وبنتكلم وبنرد على بعض وكل واحد بيحكى ويتكلم عن الجديد اللى عندة

ونشوف ونقرا احلى كلام وسحابة جميلة بتغطينا كلنا

تقوم لما تسيب كل دة وتزعل طب لية يالما

لية وانتى عارفة كويس ان احنا بنحب وبنحترم بعض وبنخاف على بعض قد اية

دا انا ياتقى كنت عايز احكى للما على السويس اللى انا مش منها

وعلشان كدة يالما انا مش هتكلم عن السويس عشان تعرفى تسيبينا كدة

ولما لا ترجع انا هاحكيلها حكايتى مع الأنجليز ف السويس ايام ماكنت بخدم ف الأورنس الأنجليزى

ايام ماكنت فى الجيش

وبعدين ياتوتى اية حكاية الحلاوة والعيش طب حد كدة يجرب مربى فراولة مع القشطة البلدى

واااااااااااااااااااااو انا جعان بجد

احمداخدت الفيامين اكيد عشان كدة جاتلك الجرائة وتحب ولاء

يعينى على وصفاتك يا تقى جابت مفعول فورى مع احمد

ونبى ياتقى هى الصيدلية دى فين ويترى ممكن الاقى عندة كمية ولا لاء

على فكرة يا جماعة انا كنت كتبت تمرد معلن ومحدش رد عليا خالص غير تقى

هى وحشة ولا محدش فهمها غير تقى انا مش قصدى حاجة طبعا بس عايز اعرف

لو وحشة نحسن من مستوانا وبعدين انا شايف انة مش عيب ولا غلط لو ممكن ننقد حد على حاجة هو كاتبها

يعنى ممكن نفيد ونستفيد ونتفاعل مع بعض اكتر من كدة

ماااااااااااااااااااشى يالما كل دة وانتى ولا هنا

والله ياتقى انا كنت بفكر اشتغل طيار على الجمرك عندكم

بس لاقيت منظر حصل قدامى قلت بلاها ادفع واتجمرك وامرك لله

وبدين يعنى حبكت تفكرينى بجهاز ريم من دلوقتى يادى الغلب اللى ان فية

لما شكلها هتاخد مهلة 6 سنين تفكر فيهم ترجع ولا لاء

عموما انا عارف انك يالما اكبر من انك تعملى كدة .

يلا اقولكم سلام وموبايلات بقى