(( المقــابـــــــــــــر )) للشاعر : ناصر القحطاني

في مكـان تفـاخر فيه روس النصــــايب
وامتلت من عظام الناس فاضـــي قبوره

**************************************

كل شـي تـراجـف فـيه حـتـــى الهبـــايب
والذهايب توارى والنصــايب فخـــــورة

*************************************

وقفت بي قــدم رجــلي وكلـــي عجـــايب
والبكــى حولي اسمع له تمرد وثـــــوره

************************************

لين جـا وخـج العيـون تــــودع حبــــايب
مؤمــن جفــف الدمـع بحديث وســـــوره

***********************************

عن يميني بيــوت السابقيــن الذهـــــايب
وعن يساري بيوت اللاحقين محفـــــوره

**********************************

واسمع اصغر ذنوبي كنــه يصيح تــايب
والقدم مانشـدت بموقــفه عن شعـــــوره

**********************************

اذكر انه تشــره لحظــه وكــان هــــايب
قلت خـل الطـواري ماطلبتـــك مشــــــوره

**********************************

دامها جات من الله مرحبـــا بالمصـــايب
لو ثقل حمل نفس المسلم اللي صبـــوره

**********************************

جيت اشيل الجروح المشرقات العطايب
طيب الله ثـرى اللي فـارق العين نــــــوره

**********************************

ماركزت النصيبة واعتـلت راس شـايب
كـود ابـدل ذاك الـقبر لاجـــــــــــيت ازوره

*********************************

عــل ماتبــخل بمــاها علـــيه السحــــايب
كود ماتســتر اطراف النصيبة زهــــــوره

*********************************

كل حزن ملـى الدنيــا على القـــــلب ذايب
وانقلـي ياالجـروح الحمـــل لوزاد جـــوره

*********************************

كنت اعزي مجــاريح ابعــاد والقــــــرايب
واترك الخـــاطر لعــين تجــبر كســـــــوره

*********************************

تغرف الحــزن وتصـب العباير صبـــــايب
وانخلص دمعها لعيــون ابـوي معــــذوره

*********************************

شايل صورتــه في البــال لو كان غـــايب
ليته اللي يشيل لشخصــي اليوم صــــوره

*********************************

كان لي ظن في صغري ولا هو بصــــايب
احسب ان القبور من الحيــاه مهجـــــوره

*********************************

عــل قــبره نعيــم وصالحاتـــه ثبــــــــــايب
في عزايـــب وادع مـــودع جــــــــــاه دوره

[align=center]استاذ
لن أنافق بكلمة
وسأقدم كلماتي على طبق من فضة
رزقك الله حسنات برهما
ورزقك نعيم الدنيا ومافيها
وجعلك ممن يقال لهم أبشروا
بروح وريحان ورب راض غير غضبان
.[/align]
.

اخت هيام مما يفلج صدري انني رااكي في متصفحي ..


الله يعطيكي العافية ,,


ويارب لاتحرمها من دعائها واستجابتها لي ولكِ ,,


آميــــــــــــــــــــــــــــــن ,,


اشكرك على مروووووووووووورك ,,


بن حمود الهذلي ,,