العودة   منتديات زهرة الشرق > >{}{ منتديات الزهرة الثقافية }{}< > أشعار وقصائد

أشعار وقصائد زهرة القصائد ونظم الأشعار - شعر شعبي - شعر فصيح - شعر نبطي - إبداع الشعراء - إبداع الشعر - دواوين شعر وقصائد مختارة

إضافة رد
 
أدوات الموضوع
قديم 18-05-20, 02:21 PM   #1

هند أمين
عضوية جديدة

رقم العضوية : 21541
تاريخ التسجيل : Apr 2020
عدد المشاركات : 21
عدد النقاط : 10

أوسمة العضو
لاتوجد أوسمة لـ هند أمين
شعر شعبي


إليكم قصيدة
شعر شعبي للشاعر ماجد عزيزة



ملينه منكم حمد .. انتو اللي جبتو الموت

البلاد صارت مقبرة .. كل يوم الف تابوت



ملينه منكم حمد .. لو انتو تتذكرون

من جنه جيران واهل .. فد بيت وتحسبون

وبيناتنا زاد وملح .. وما بينا ليحسدون

بهنام وعلاوي سوه بفد مدرسة يدرسون

وبالعيد نتغدى بفرح ناكل بفد ماعون

ومريمنا من تمتحن تصعد ركض تدرون

وي فاطمة العصر فوك السطح يقرون

ليش هسة فاطمة وحمد ال مريم يذبحون !

متكلي يابه حمد ، منين اجا هالطاعون ؟

آنا ارد اذكرك حمد والذكرى للينسون

تذكر الصيف من يلتهب للدير اتصيفون

والعصر من تغفى الشمس جنتوا سوه تصلون

انت على مذهبك

وهو على مذهبه وفد الله لتعبدون

متكلي منهو الغيرك وسواك كالمجنون

وخلاك تنسى صحبتك فهمني اي ملعون ؟

ويا الله هذا اليامرك بقتل الذي يصلون

ربك وربي مو سوه

ربك شيطان الاسم ، وربي اله الكون



بغداد جانت شمس تضوي على اليمشون

وكت البرد بالشتا بفد صوبه تدفون

شو صارت جهنم حمد ، وحركت اللي يحبون







**



لك يا حمد شفت بعينك شصار

شفت ما جرى بنص الكنيسه

الف نعله عل ْ اليدعي الدين
بكد مافعلته جانت خسيسه

ذبح كاهن يصلي بوسط هالناس

ونحر طفله عالمذبح مثل الفريسه

شسمي هيج بشر الا حيوان

راضع من صدر مسموم ديسه

غرز انيابه النذل بالابرياء
عباله البشر مثله فطيسه

وملينة منكم حمد ..







**

لك يا حمد ..

طبوا كنيستنا غفل .. اشرار مهووسين

كالوا تره الله امر .. بقتل المسيحيين

الدين عدهم قتل ..او ذبح بالسجين

ما دروا فادينا حمل صليبه امن سنين

وكال النا من قام وصعد .. تبقون مضطهدين

ولاتخافون موت الجسد .. الروح تبقى لحين

وبالآخر تصفه المسالة .. وانتو اللي منتصرين

وملينة منكم حمد ..







ولك يا حمد ..

احنا البنيناه للبلد واحنا الوضعنا اساسه

واحنا العلم واهل الادب او للوطن حراسه

واحنا الحضارة والعقل وبالوطن اشرف ناسه

تاليها تنسون الزمن ، تسمونا احنا الكفار

ونصير حزمة من حطب وترمونا ابنص النار

اعتب على اسوا زمن .. الجار يغدر بالجار

بس يا حمد ابقى افتكر ، تره الزمان دوار

قلب تواريخ الوطن واقراها ذيج الاسفار

احنا المسيحيين العَلََم ، واحنا البنيناها الدار

نحمل صليب الجلجلة ، ونغادر لاي مشوار

ونعيش في اي منطقة ، ونصلي للرب البار

بس ما نذل او ننظلم .. واسمع لصوتي الهدار :

(ملينة منكم حمد ..)


التعديل الأخير تم بواسطة zahrah ; 18-05-20 الساعة 02:58 PM
هند أمين غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شعر شعبي رويدا مصطفى أشعار وقصائد 1 16-05-20 02:27 PM
قصة حكم إعدام (حكايه شعبي) حــــر زهرة المدائن 8 26-03-07 01:49 PM
شارع الحب( شعر شعبي عراقي) مشير السعيدي أشعار وقصائد 6 02-08-03 07:21 PM
ها يكويت (شعر شعبي عراقي) مشير السعيدي أشعار وقصائد 6 09-07-03 09:16 PM
سياتل ... كتبت لا تنسى ... لماذا ابكي زوال شعبي ؟! جيفارا واحة الزهـرة 8 08-04-03 12:20 AM


الساعة الآن 07:13 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)