مساجله شعريه من الشعر الخاص الي قدها يتفضل

أولتلي من مصر

أؤلك يا ميت مرحبا بعاشء الورد

أؤلتلي الحرف الهاء طب خود ديه................واءراها بالمصري

هلا ياعاشء الورده ومرحب مرة(ن) بالحيل==كلامك حطني ما بين هالحينه ودلؤتي
وقيت اكتب لك اشعاري عن القمرا ونقم سهيل==وضيعت الحكي كله ومنك اه يافضحتي

هههههههههههههههههههههه


مداخله وكانت لي اول تجربه باللهجه السعوديه المصريه..........مخلط

اخوك/نايف الحرف

الحرف ياء

السلام عليكم ...............................

الحمد الله على السلامه والله دايم اسأل عنك اخوي عاشق الورد وحشاتنا ...............

اهلا بك ..........

هذه ترحيبه على اغنية هاني شاكر بحبك انا .......

يامدوخني معاك يامخليني بحيره ..... يامتعبني وراك من ديره لديره

فينك من بدري ....... ياعاشق الورد

داء بعدك صدري ..........ياعاشق الورد

مستني اشوفك ........... وسمع صوتك

مره يعاشق ....... مره يعاشق

مهما غيري يقول ...... انا بشتألك اكثر

ليه تغيب على طول ....... ولا حتي بتتعذر

اول مره اكتب مصري سامحوني ...........

كيف حالك اخوي العزيز نايف .........

كيفك زاهيه.........

الحرف راء

اخوي المعنى

يااخي طالع في المرايه

انا رديت قبلك على عاشق الورد

لا تفوتك اقراها بالمصري

لك وللاخت زاهيه

الحرف الراء

رجعت من الغرام اعذر يميني تصفق شمالي===غرام ما ملا صدري ولا يستاهل ابكيله
غمرني بالحكي والحب حالي ما هو بحالي===حلاته يوم يشر بالعيون ويرفع الشيله

عزيزي المعنى الحرف هاء وكمل على نفس الوزن بيتين فقط

المساجله خلها تطلع بمولوده جديده وبعدين تنزل قصيده مشتركه

/

نايف الحرف

اخوي معشوق الورد هلافيك وغلا

عدت اخي والعود احمد ..


اخوي المعنى ماشالله عليك ياراعيها ماينخاف عليك

لو حليت ذيك المرابع .

اخوي العنى ..

انا بخير دامك بخير اخوي .. بس طمنى عالوالد عساه احسن..

معذرة اخوتى تعمدت عدم الرد لاترك المجال لكم تاخذون راحتكم بطرح مواضيع رجاليه بحته

وكنت اتمنى ان تشارك معنا شاعرات بهالمساجله ..

عموما لن اطيل عليكم وماراح ارد مو عجز بس والله عندي دوام الحين ولما ارجع انشالله

يكون خير .. صح السانكم جميعا واشوفكم على خير


ولكم مني ارق التحايا

اختــــكــــم زاهيـــــــــــه

السلام عليكم..........................

يامرحبا وياهلا والله باخوي العزيز نايف كيف حالك اليوم ...............

صح لسانك .....................

ولا تزعل انت رديت الاول وانا الثاني .......................

مع اني ماعرف مصري لكن جاريتك ويستاهل عاشق الورد...............

عزيزي نايف انا وبصراحه مافهمت وش تقصد بالوزن هل هو الوزن والقافيه ام غير ذلك ...............

يعني هل ابداء بالحرف المنتهى به وابقى على (الي ) للشطر الاول و (يله) للشطر الثاني افدني ارجوك ............

عموما راح ارد على مافهمت به ومانختلف اخوي ...............

وكلام في سرك :

ترى اختك زاهيه زعلانه مره منك ....................

لانك قلت انا وانت بس نسوي مولوده وقصيده مشتركه ..........

وان متاكد واحلف انك ماتقصد شي صح ياخوي نايف ...............

(( واعذرني لكن احنا مثل الاخوان كل واحد عزيز على الثاني وزاهيه اختنا .... وترى اي علاقه تقوم على الصراحه ادوم اخوتي ))

وان متاكد انك مراح تفهم غلط ..... ترى الحق قصيده لزاهيه ......

الان ردي ..............

هدب عينه تحت شاله يلاعب قلبي الخالي .......وانا قلبي وسط صدري يحطه رمش ويشيله
عليه الله وامان الله لعبي الضاحك السالي .....يعذبني ويناظرني وقلبي منقطع حيله

اسف على الاطاله........

انتظر الرد

السلام عليكم.................................

اسعد الله مساك ...............وماعليك زود اختي ......................

والوالد على حاله الله يفك له ................................

وانا بخير وطيب وفرحان دامك مبسوطه ..........................

اولا حنا وعلى مايقول اخوي حازم اخوان في بيت واحد اذا حس احد ان فيه واحد متضايق لابد مايساله ويخفف عنه صح .................

لكن ليه الزعل الواضح في كلامك ........................

ترى والله ....ثم والله ........... ثم والله ......................شوفيني احلف

ان نايف مايقصد انك مانتي مرغوب فيك انا اعرفه انسان طيب ولكن مع الحماس قال بنسوي قصيد مشتركه وانا متاكد انه يقصد ان نايف وزاهيه والعناوي والمعنى يشتركون في قصيده وحده ..........

وهذي فكره حلوه .................

وبعدين وشهي امواضيع الرجاجيل اللي تقصدينها المعنى واضح وانتهى فاهمه وش هو المعني .........

اما الشاعرات فمعك حق ولكن على يدك اللي بيجي عزيز وغالي والله يحيه ...........

ام عن كلمة (( تعمدت عدم الرد و ماراح ارد ))

فهي توضح انك زعلانه ...................

وجيبي لي واحد شكك انك شاعره كلنا نعرف مقدرتك على الشعر .................

الان اتمنى منك المشاركه يازاهيه ........................

والامر راجع لك الان ..................

((( على فكره ركبت الحق اخوك نايف وهو قصيده لك )))

بانتظار ردك

اخوانك المعنى ونايف............

اخوي المعنى هلا فيك والله ومسهلا


مدري اش الي خلا ك تفهم اني زعلا نه من كلام نايف الحرف


اقسم بالله العظيم ماخطر ببالي شي من الي فهمته .. وبعدين انا ماعرف ازعل صدقني

وما في شي يحوج اصلا للزعل ..

انا امتنعت عن الرد اولا لضروف منعتني من المدوامه والحظور بانتظام

ثانيا ودي اترك لكم المجال تاخذون راحتكم بطرح المواضيع ووجودي سيفرض نوعية

معينه من المواضيع المشتركه التي تقسم الشعراء الى فريقين او بالاحرى جنسين

كما رأيت في الصفحه السابقه وامتناعي عن الرد ليس له علا قه بما قاله اخوي نايف صدقني

ولكن كما قلت لك امنعتلاترك لكم المجال انتم يالرجال و لفتره بسيطه اذا اذا اذا قدرت

مجرد فكره خطرت ببالي لااكثر ولا اقل




عموما شكرا على اهتمامك اخوي وهذا العشم ياوالد العم


لك ولنايف الحرف ولكل شاعر يعطر صفحتنا باريج كلماته

وااجر وعافيه للولد والله يطكمنكم عليه

اخي المعنى اتمنى ان تكون بصحه وعافيه

بما قرات سابقا انه حصل سوء فهم واشكرك على

ردك على الأخت العزيزه زاهيه واتنمنى ان تكون اقتنعت

من ردك لأنه ليس لدي ما اضيفه والأخت زاهيه هي الكل في الكل

واذافهمت من حديثنا انها ثقيله علينا اقول لها اذا كانت الأخلاق وخفهة الدم

ثقيله من زاهيه يا مليون مرحبا فيها انا ما عرفتها الأبأجمل احاسيسها

ولها كل الحق بس لا تزعل علينا وتفهم غلط تراها غاليه علي وعلى الكل

الى الأخت الزاهيه زاهيه مع التقدير


لاوربي ماقصدتك بالكلام اللي فهمتي ===يشهد الله نيتي يمك مثل شهد العسل

يشهد الله يالعزيزه من عرفتك كنك اختي===والجبل محد يهزه واعرفك مثل الجبل

بنت ابوها وش نبي بالبيت لورحتي رحلتي===انتي اهل البيت والشاعرلكم شدونزل

ضيف في حكم المضيف والضيافه عندك انتي===وما ييعش الضيف في بيت المضيف لورحل

اشكرك كل الشكروارحل اذا انتي سمحتي===واعتذر كانك كانك فهمتيني خطا مما حصل

اخوك/

نايف الحرف

نايف الحرف

السلام عليكم ........................

شكرا لكم اختي زاهيه واخي نايف على الشعور الطيب والذي يدل على طيب اصلكما .......

يابنت عمي يازاهيه لك دائما في اي وقت مكان في قلوبنا وسنظل ننتظر مشاركاتك معنا وانا والله مصدقك من دون تحلفي ..............

نحن في الانتظار اختي ............

وشكرا يانايف والله يعطيك العافيه وهي ترى حلفت وهي صادقه انها مازعلت ..........

عداك العيب اخوي ...................

الواحد والله يحس انه في بيته وبين اخوانه العتب وارد و الزعل مرفوض .................

وانا اسف اذا حشرت نفسي اكثر من اللزوم ولكن كله عشم فيكم ........................

واللحين يالله يانايف خلنا نمتع زاهيه والقراء الكرام بابيات جزله وانا اخوك ...............

وعلى فكره تراك ما رديت على سؤالي وانا اخوك..............

اخوي نايف الحرف صباح الخير

مثل ماسبق وقلت ماني بزعلانه والله ماني بزعلانه احد يزعل من اخوانه؟؟؟

عموما الف الف شكر على اهتمامك اخوي وانا جدا سعيده باخوتك يالغالي

وشكرا على القصيده ومن جد انا اسفه اذا كان كلامي فيه مايثير الزعل

وايك ردي قصيده ايضا من لسان وقلب صادق


لجل الاخوه كل شي ن يهون /////// والله لايجيب يالغالي زعل

احلف بربي يا وزين العيون /////// الزعل ابدن ماله بقلبي محل

اعتز بخوتك ولجلها انت تمون ///// يانايف الحرف صدق ماشي حصل

وابيك يالنايف للمعزه تصون//////ولا تطري الهجران ترى ماهو سهل

انت واخوي المعنى ابيكم تعرفون //// كلامك الي كتبته مايجيب الزعل

انا اختكم ياخواني شريتكم لاتبيعون ////// كلام من قلب صافي جد ماهو هزل



وسلامتكم


وغيرو السالفه عاد



الحرف هو اللام

الحرف اللام ................

لعل الوقت مايفرق قلوب اخوان مجتمعه ..........على وضح النقا دايم على شيمه وعلى عزه

عيوني لو تفارقني ترى متفارق الدمعه .........انا بدونك كما جذع(ن) نسانيس الهوى تهزه


الحرف ايضا (( الهاء )).........

يانايف الحرف.............

ياصباح الورد اخوي المعنى

هجرنا لمة الا صحاب وعفنا حتى شوفتهم ........من يوم عرفنا النت صرنا بعالمه اغراب

اغراب بس احباب اهداف كثيره لمتهم .......... وخلتهم ينسون في يوم من كانو لهم اصحاب

الحرف هو البااااااااااااااء

السلام عليكم ............

بقت ذكري من الماضي.. تعنينا وتفرحنا .........ومهما رحنا او جينا ..لنا ذكرى.. لنا ذكرى

نعرف اغراب مثل اخوان تلاطفنا وتمازحنا ..........وترى بعض الغلا يولد..بنا..من كلمةٍ تقرى

الحرف (الالف))...........

الله لايحرمنا منكم احبابي

الرد

انا يا طيب المبدا ولد ما ينثني عزمه===على راسي جبال الكر وفي قلبي جروحي تهم
انا الطرقي وانا الطرقه وانا اللي يتبع القسمه===وانا منكم وانا فيكم وانا اللي يبيني سم
وشرواكم غلاته داخلي من يوم شفت اسمه===معنى والمعاني زاهيه وانتم عيال العم


ميم ((وقدركم عظيم))

نايف الحرف

السلام عليكم ................

شرواك الطيب ...........................

مع العربان والعالم مشينا وطبعنا الطيبه........عطينا الطيب للطيب وخلينا العدو يحتار

وتعلمنا من الصحراء دروب العز والهيبه.........وتعلمنا الكرم للطرقي اللي مرنا زوار

وتعلمنا من الصحراء نزيد الضيف ترحيبه ....... هلا والله بني عمي عدد ماتمطر الامطار

كيفك نايف .............

كيفك زاهيه ......................

الحرف ( الراء) ........................