مساجله شعريه من الشعر الخاص الي قدها يتفضل

السلام عليكم.....................

اسف على التاخير..............

شكرا لك على ابداعك اخي نايف وبالعكس اخي انت اخ كريم ولا احد بيفهمك غلط والله لا يجب الزعل بيننا ........

وهذا ردي .................

يدوم لك البقى يالنايف الشاعر الفنان ............بدينا الدرب والمعنى ترىياصاحبي باخفيه

زبنك الشعر يانايف ولا ظنه ابد خسران........... يعيش الحرف لا منه لقاله شاعر يحييه


وانتظر الرد ...................

السلام عليكم

اختي زاهيه اليكي ردي والحرف على ما اضن الألف

احلف اني في زهور الشرق لي نبض وروح.....نبضي انتم روحي انتم لوجرى مهما جرى
اجمع حروفي على كفي واقدمها شحوح.........خايف لافاض شعري مايلاقي له ذرى
بس يكفيني عزيز القول والعلم السموح........لوقضى كل القصيد الزين نرجع به ورى



وسلامتك اختي زاهيه



اما ردي على المعنى العزيزبحرف (الهاء) فاليكم


هذي الدنيا تجمعنا وفي احلى صدف.......يالمعنى يشهد الله ....اني اطمع في لقاك
والغريب انك معي في جوف جده للأسف....في وسط داري قريب ولا يقال انك هناك


وسلامتك ومع تمنياتي للوالد العزيز بالصحه والعافيه

هلا بك اخوي نايف الحرف ..

اسفه على التاخير ..


واليك ردي ..

يجمعنا حب زهرتنا على وضح النقا احباب

غلاها جرى بالدم ولا نقدر نخليها



هي بيتنا الاول والبيت مايظم اغراب

انا وانت وهي وهو بكل الحب نبنيها



الايانايف اهدي لك سلامي والغلا غلاب

ولكل عضو بزهرتنا ارددها واثنيها


وسلامتك



الحرف هو الالف

الحرف الألف اليكي الرد اختي زاهيه وبالمناسبه الرد من قصيده خاصه بي

واليكي اول ثلاثة ابيات


اتمنى والأماني هالزمن ما تنعطا ......

الأماني شوف عيني حق وبيدينـــي سراب

اتبعد بالعمر والنفس عن درب الخطــــا ......

واتلمس في دروب العز دام اني شبــاب

احسب اني فوق عند الشمس واثري فالوطا......

هايم(ن)فوق الثرى توي واحسب انه سحاب

الحرف الباء اختي زاهيه

وانتظر الرد من اخي المعنى

السلام عليكم ..................................

الله يعطيكم العافيه اخي نايف واختي زاهيه .............................

اســـــــــــف كثير على التاخير ولكن الظروف ...........................

المهم هذا ردي على زاهيه واظن الحرف هو (د)..................


درب المراح ؟ وليه يازاهيه ليه؟؟ ..............ليه المراح وليه عنا تروحين

الا الزعل لا عاد بالله تطريه!!...............ترى الزعل والله يازاهيه شين

الكاذب اللي ماوفى معك خليه..........لا تاخذي منه ولا عاد تعطين

زي ما قطعتي وعد لابد توفيه.........تدرين وعد الحر يازاهيه دين

منهو اللذي زعلك والله لاوريه.........ياخوك قولي زاهيه لا تخبين


وهذا لا خي الكريم العزيز نايف والحرف اظنه (ب)...............

بالعز والله اجتمعنا من هناك ومن هنا.............اتفقنا بالقلوب ولا ختلفنا بالحروف

شوفتك والله عيدي شوفتك هي المنا............لك معزه في خفوقي مالها حد ووصوف

عن قريب اخوي نايف نجتمع انت وانا...........مير يانايف رجيتك خلها حسب الظروف

شكرا لك اخي نايف وارجو ان نتقابل عن قريب كلي شرف والله............

[c]والله لي الشرف بمعرفتك اخوي[/c]


الحرف الفاء واليك الرد
[c]فاحت الدله على نار الكريم===مرحبا لاجيتني هذا الكرم[/c]
[c]مرحبا مليون والله العظيم=== شوفتك تسواك ياراع القلم[/c]


وسلامتك و للوالد العزيز الله يطمنكم عليه

اخوك الدائم


والحرف (ميم)

هلا فيك اخوي المعنى ... انشالله تكون بخير

اسفه على التاخير .

واليك ردي..

نيتي اصفى من الماي الزلال //// والزعل ماله بقلبي طريق

الوعد اوفيه وانا بنت الرجال //// ماخلف الموعد لو وقتي يضيق

احب رفقه صدوقه مع بنات الحلال //// والرجل ابدن ماحبه رفيق

من الرجال اربعه لي معهم وصال //// ثلاثه لي عزوه والرابع صديق

مامل رفقتهم مهما العمر طال . ///// قلبي بمعزتهم يشعل حريق

هلا بمن صيته تعدى الجبال ///// وتعدى السحاب وصار بالقمه غريق

ولد عمي المعنى حسين المقال ///// بالشعر قولـــــــه لــــــه لمع وبريق


وسلامتكم

الحرف هو القاف ....



و لاخوي نايف الحرف

اسف على التاخير والعذر 000000 استلمي يا زهيه

قال المثل مال الحمول الا جملها0000يازاهيه ياليت به ناس يدرون

ونعم ثم ونعم هي وبا اهلها0000اللي على دروب الوفا دوم يمشون

يا الزاهيه والنفس تلقا عملها000في ساعة يحشربها كامل الكون




المعني استلم 00000

قالت هواجيسي من الشعر منضومه0000من سمعها يعرف سبايب عناتي

طارت ورود فقبضة اليد مضمومه0000من بعدها ياخوك شفت المماتي

الخطه اللي من العدوان مرسومه0000خلت صليب العظم عظمه فتاتي

وعذروني على القصور 0

السلام عليكم.................


تسلم اخوي نايف والله يشرف مقدارك ، والوالد على حاله الله يلطف به ...........

ويامرحبا مليون اختي زاهيه كلى فخر والله اختي وشكرا................

الان نلعب انا وانتم على معنى الشاعر العناوى .........

وانا ببدى اول ، الحرف (ي)................

ياهلا بعودتك اخي العناوي .......................

وانا معك اخي الكريم ولكن ....................


يالورده اللي فتحت ماتبي اللمس .......اظاهر ان البوم طارت بك اليوم

طارت وحنا نصفق الخمس بالخمس ......خلت بيدين الذيب وطارت بها البوم

خلت قلوب(ن) بالعنا تنحمس حمس........وخلت عيون(ن) تذرف الدمع وتلوم

لا وعذابي كل ماتشرق الشمس......وشلون عقب الورد عيني تبا النوم

الخطه اللي خطها صاحبك امس......خلت صغير القوم ريس على القوم

والخطه اللي ضدها( خطة الهمس).....خطة دفاع ولاهي بخطة اهجوم

الحرف( اللام) وبانتظار ردودكم ..........

اخوي المعنى .. اخوي العناوي صباح الخير

اليكما ردي ....


للورده اشواك (ن) تحميها من البوم //// والبوم ماتحلم توطاحماها

وإن احلمت تبقى بالسما تحوم ///// وإن حاولت تهبط بتهدر دماها

الورده مرباعها بساتين وكروم //// // ماهي رخيصه ويسهل جناها

والذيب لو هو ذيب يشري ولا يسوم ////// مايستاهل الورده الا من غلاها

بحماية الورده .....ماهو بملزوم /////// خيرها وشرها للي ذراها

ونجمة سهيل وحده... مابين النجوم ////// نورها يغطي على الي معاها

والشمس لو غابت ..... غطتها الغيوم /////// والغيمه لو اثقلت اتهل ماها


وسلامتكم


الحرف هو الالف ...

السلام عليكم .............................

وينك يانايف ماهي لك عاده اتاخر حنا في الانتظار يانايف................

ويا زاهيه بيض الله وجهك وانا اخوك..........................

الحرف هو الالف ........................

المعنى اللي في يدينا نشليه ......... سلط عليه الضوء بالحيل تسليط

خذ الرساله من قصص الف ليله.........تكفا وعلقها على كل حيط

الخط واضح والرساله طويله..........لكن بعض الهرج ناقصه تنقيط


وسلامتكم............


الحرف هو (الطا)..............

بانتظار الرد

السلام عليكم ومساء الخير ايها الاعزاء استلموا :

الحرف (طا) طبعا 0000000000

طاب ليل الشعر بوجود الكرام0000المعنى وزاهيه والشيخ نايف

الثلاثه كلهم اخر تمام0000بس فيه حلول ماتقبل نصايف

من هو اللي خوف الطيور الحمام000من هو اللي عاش في مرباه خايف

من هو اللي طار في جنح الظلام000وقع ودمعه على خده ذرايف

الرعد والبرق في وسط الغمام000الحذر ياللي تمشا فالمصايف

البطوله تنتهي برفع الحزام000والوعد ياخوان في روس النوايف

الحرف هو (الفاء)000000000 وسلامتكم0

اخوكم العناوي0

خلوووووووووووووووووووووها

كني سمعت الحرف (طا)

الف سلام والف تحيه للغالين

اخوي المعنى

اختي الزاهيه دائما زاهيه

اخوي العناوي

اسف على التاخير


سمووووووووووووووووووووووووا وسم يالمعنى

طار الحمام ووقع البوم ياهوه==لافادنا صوته ولافادمبداه

شافوه ينعق في رحى الليل شافوه==ادوخ مسامعنا عسى الله يبلاه

خلوه يطرب تالي الليل خلوه==محلاه لو يرقد بهالليل محلاه

وموضوع خطتكم له اليوم انسوه == يمكن ينام يجيه قطو يتعشاه


ههههههههههههههههههههههههههه



الحرف (الهاء)

طابت اوقاتكم جميعا

اخوي العناوي

مابي اقول استلم اقولك سم بعد ما اقول تسلم


الحرف الفاء

في سالف الأزمان يوم الزمن كان==الناس والأصحاب والجار واحد

كان الحكي كل الحكي طيب والحان==يطرب له اللي يعرفون العوايد

والحب بين الناس اشكال والوان==مافيه محسود(ن)ولافيه حاسد

مثل العسل كناعزيزين واخوان==واليوم ضعنا بين جاهل وحاقد

ما ينحسب للهرج يااخوك ميزان==لو ينحسب له ماغفى الجفن راقد

ياما سمعنا واصبح الخرج مليان==يفيض من ما فيه والله شاهد

فزنا خسرنا كلهااليوم سيان==الفوز ماهو بالشعر والقصايد

ولى الزمان ونسأل الله غفران==وذنوبنا مابين صادر ووارد


وسلامتكم/

الحرف (الدال)ومن قال

أهلا بشباب وشابات .... فرسان وفارسات الشعر
أحييكم على هذا المجهود الرائع

وأحب أن أشارككم في زحمة أشغالي بمصر
وهذه مشاركتي
وحرف الدال ......

دلوقتي جايني بتعتذر
مش قابله منك اعتذار
هوه انت لسه بتفتكر
ان انت بإيديك القرار
***
روح بعذرك روح
قلبي فيك مجروح
ومهما تبدي من أسف
القلب مش مفتوح
***
شوفت وياك المرار
عشت ذل الإنتظار
والنهارده جاي تقوللي
اقبلي مني اعتذار
***
اقبل أيـــــــــــه والا أيــــه
هات لي شيء ابقيك عليه
هات لي عمري اللي سرقته
واِمسح الجرح اللي فيه

مع تحيات عاشق الورد