نوات الأسكندريه

ساعات باجي أكلم صحابي من باقي المحافظات علي النوات الاقيهم مش عارفين يعني ايه اساسا
فقولت اعمل موضوع هنا عنها يكون جامع ليها
النوه هي عباره عن رياح مبتنقطعش طول فتره وجودها يعني الحاله الجويه بتفضل مستمره هي هي
عموما ححطهم بالترتيب ومعلومات عن كل نوه

1- رياح الصليب
بتيجي في 30 سبتمبر وهي رياح غربيه بتستمر 3 ايام وهوائها ساخن

2-رياح الصليبه
بتيجي في 20 أكتوبر وهي رياح غربيه بتستمر برضو 3 ايام وغالبا بلا امطار

3- الكانسه (اتسمت كده لانها بتمسح بالمياه غبار الصيف)
بتيجي في 16 نوفمبر وهي جنوبيه غربيه بتستمر اربع ايام غالبا لا تري فيهم الشمس وهي شديده الامطار

4-باقي الكانسه
22نوفمبر جنوبيه غربيه اربعه ايام لا تشرق فيهم الشمس الا نادرا وهي ممطره

5-قاسم
4 ديسمبر وجنوبيه غربيه تستمر 5 ايام وهي شديده العواصف

6- الفيض الاصغر
19 ديسمبر وهي شماليه غربيه بتستمر خمسه ايام وتصحب هذه الريح أمطار

7-عيد الميلاد(ام النوات)
28 ديسمبر وهي رياح غربيه قويه تستمر من يومان لثلاثه لا تري فيهم الشمس
وهي ذات أمطار غزيره متجمده ( نقط المياه بتكون تلج صغير بحجم القطره بس شفاف مش ابيض)

9- رأس السنه
2 يناير وهي غربيه تستمر اربع ايام وتكون ممطره

10-الفيض الأكبر
12 يناير وهي رياح جنوبيه غربيه تستمر أسبوعا لا تري فيه الشمس وهي شديده المطر والريح

11-الغطاس ( عيد التعميد والتنصير)
19 يناير وهي رياح غربيه تستمر لثلاثه ايام وهي ممطره

12-الكرم
28 يناير وهي رياح غربيه تستمر أسبوعا لا تري فيه الشمس وهي غزيره الأمطار جدا

13-الشمس الصغيره
18 فبراير شماليه غربيه تستمر ثلاثه ايام وهي ممطره تكون الشمس فيها ضعيفه الضوء من الغمام

14- السلوم
2 مارس وهي رياح جنوبيه غربيه تستمر يومان وهي ممطره

15- الحسوم
9 مارس جنوبيه غربيه تستمر اسبوعا يكون ممطر غالبا

16- الشمس الكبيره
18 مارس وهي رياح شرقيه تستمر يومان ويكونا ممطرين غالبا

17-العوه وبرد العجوزه
( سميت بعوه لان رياحها ذات اصوات مخيفه تشعرك بجو افلام الرعب وسميت ببرد العجوزه ايضا لانها رغم ريحها غير العنيف فهي تصيب كل كبار السن من فوق الخمسين بالانفلونزا وهي اخر النوات ولها لمقوله الشهيره عوه مفيش بعدها نوه)
24 مارس وهي رياح شرقيه تستمر اسبوعا يكون ممطر غالبا

18-رياح الخماسين
23 أبريل شرقيه تستمر يومان وهي عواصف ترابيه شديده وساخنه

19- رياح النقطه
18 يونيو وهي شرقيه وتستمر يومان وتكون موجه هواء شديد الحراره


أنتهي

ماشاء الله يامحمد

الاسكندرية عامرة بالنوات