همسات الأقلام

[ALIGN=CENTER]
مساء الخير اخوانى واخواتى بمنتدى زهره الشرق
هذه الصفحه لجميع الاخوه معنا بالمنتدى سنكتب فيها خواطرنا باللغه العاميه
ولكا من يحب ان يشاركنا فى تلك الصفحه ويسعدنا المشاركه
وبعد اذن اداره المنتدى طبعا سننقل بعض خواطرنا التى كانت موجوده بالصفحه التى نقلت
وسنقوم بكتابه خواطرنا انا ولما ووائل هنا
وكل من يحب ان يكتب معنا ويشاركنا نرحب به
وسابدا بخاطره من خواطرى التى كتبتها فى الصفحه المنقوله[/ALIGN]




[ALIGN=CENTER]يا دنيا وبعدين وياكى
ممشيانى على هواكى
وتعبتينى وقلت يا بت اصبرى
تنادينى اقولك يا دنيا اامرى
وانتى لا ليا ولا لغيرى هتعمرى
اهلى قالولى الادب قلت اتادب
لقيت المؤدب فيكى يا دنيا بيتعذب
وقليل الادب فارد قلوعه وبيكدب
قلت اتعلم منه يمكن يا دنيا يفيدنى
لا عرفت اتعلم ولا البعيد سابنى
كبرت لقيت الشركتير اوى حواليا
قلت يا بت اصبرى ده العمل بالنيه
وشلت الصبر فى جيبى ووزعته بالمية
لا نفع معاهم صبر ولا حتى حنيه
قابلوا وفائى بغدر وحنانى بأسيه
جريت على امى وقلتلها قوليلى يا اما
فين الوفا والسماحه والصحبه واللمه
قالتلى يا بنتى اصبرى والله دى غمة
واعملى باصلك تلاقى النور فىالضلمه
الدنيا لسه بخير طول ما الاصيل موجود
دى رحمة ربنا فى الدنيا مالها حدود
كلمه وقالها المصطفى ختام المرسلين
ده الخير فى امتى لحد يوم الدين[/ALIGN]

[ALIGN=CENTER] اعزائى .

اهلا وسهلا بى وبكم فى صفحتكم الجديدة

دى مشاركة كنت اشتركت يها فى صفحتنا السابقة .

نفسى ارجع بس خايف

انسى من تانى وجودى

اتنسى واعشق شرودى

لسة نظرة من جنون الكبر

شايفها ف عيونك

اسوتك لساها بتجرح وبتغلف حنينك

صدقينى لسة خايف

تتخنق بين الشفايف كلمة كانت مشتقالك

تصرخ الأحلام وتدبل

فرحة كانت شيلهالك

صدقينى نفسى ارجع بس خايف ابتدى

لانتهى قبل الطريق

تختفى منى الملامح

ينطفى شوق كان حريق

والجراح تبقى الحبايب

والعذاب يبقى صديق ........!!!![/ALIGN]

[ALIGN=CENTER]
حبيبة قلبى وروحى وعينى
يا بلدى يا عمرى يا كل سنينى
بحبك موت
لحد ما اموت
بلف وادور وبرجعلك
ومهما اقول انا محتاجلك
مش هيخلص الكلام
يا بلد الخير والسلام
مهما قالوا عليكى يا بلدى
ميعرفوش غلاوتك عندى
ده انتى امى
ده انتى دمى
غصب عنى يا بلدى بحبك
وبحب كل اللى يحبك
يا بلدى يا مصر
يا راية النصر
انا فخوره انى مصريه
ومهما شفت عذاب واسيه
برضه بحبك
ايوه بحبك
وهفضل احبك
انا ليا مين غيرك وطن
كل اللى شافك اتفتن
احنا يا ام الدنيا ولادك
نركع هنا ونبوس فى ترابك
لو بنولى فى غيرك قصر
ميلزمنيش
لو هعيش فى كوخ فى مصر
برضه هعيش
يا ام الدنيا
يا كل الدنيا
انا اتربيت هنا فى حضنك
وهعيش واموت على ارضك
يا بلدى مستغناش عنك
يا بلد يا بلد الحضاره
لا هو كلام ولا شطاره
دى حقيقه مؤكده
واللى عايز منى اماره
يجى اقوله
يجى ادله
يجى يشرب من نيلك
يجى يسمع مواويلك
يجى يشوف حضارتنا
يجى يتعلم من جدودنا
يجى يشوف الاهرامات
يجى يشوف المعجزات
ياما الاجانب حلموا بيكى
وكم دوله استعمروكى
ولسه عايزين يملكوكى
بدمى وروحى يا مصرافديكى
ومهما ظلمنى فيكى القوى
بحبك اوى
بحبك اوى
بحبك اوى



(بحبك يا بلدى)

تحية واحترام
ولاء [/ALIGN]

السلام عليكم
يامية اهلا وسهلا فيكم بموضوعنا القديم الجديد
وانا برحب بكل اللي رح يشتركوا في هذه الصفحة الحلوة
وبتمنى من اللي اشتركوا معانا بخواطرهم الرائعة من قبل يكملوا معانا في الصفحة اللي منورة بوجود اقلام روعة
وبتمنى انو نكون أد المسؤولية وماشيين على القوانين خطوة خطوة عشان نبقى هاديين ومبسوطين
انا رح انقل خاطرة من الخواطر اللي كتبتهم قبل هيك في الصفحة القديمة


وين ما اكون و وين ما اروح
ما حدا في الدنيا بقدر يبعدني عنك
وسعادة عمري كلها منك
واحلى اسم في الدنيا اسمك
ورغم ازعاجك وتقالة دمك
على طول ولاخر حياتي بحكيلك بحبك
ومهما تزعليني ما رح ازعلك
لانو يا توتي ما حدا بقدر يكرهك او يزعل منك
ولو بدك تزعجيني مش مهم بس ابقي معي
لاني بحاجة لكل الناس اللي بحبوني
واولهم انتي يا عمري يا كل دنيتي
وياريت كل الناس متلك يزعجوني
بس يبقوا معي وما يتركوني
وهذه الكلمات رح تبكيني
عشان هيك مش رح اكمل اعذريني


يلاااااااااااااا مين بعدي

[ALIGN=CENTER]
هذه خاطره لفلسطين الحبيبه



اليوم صليت الجمعه ودعيت
رفعت ايد للسما واتمنيت
انى فى يوم ازور القدس
يوم ما تعم عليها الشمس
يوم نلم جراح الامس
وتتحررى يا فلسطين
تكونى منصوره ليوم الدين
دم الشهدا فى يوم راح يبرد
امى الثكلى فى يوم راح تسعد
يارب الحق والنور والعدل
تنتقم من كل ظالم ندل
وترجع القدس لاصحابها
وتنصر ناسها واحبابها
وتوهب فلسطين الحريه
وتفوق الامه العربيه
يارب كل مظلوم
نشوف فى اليهود يوم
ويفوق العرب من وهمهم
ويستردوا ارضهم
ارض الرسل والانبياء
ارض الشموخه والعلاء
ارض الرجال والشهداء
يا رب عيسى الامين
يارب خاتم المرسلين
يا رب كل مظلوم مسكين
تتحرى يا فلسطين
لو فى ايدى بدل القلم سلاح
لو بايدى ارجع اللى راح
وانتقم من كل يهودى سفاح
لو بايدى
راح افديكى
بروحى ودمى
بابويا وامى
وتبقى يا فلسطين ابيّه
ومنارة الدول العربيه
وتاخدى كل الحريه
يا رب حرر اولادنا
يا رب انصر بلادنا
لو بايدى امحى عذابك
وازرع الورد فى ترابك
واقف يا قدس على بابك
وفى ايدى رايه النصر
وابنى بدل البيت قصر
على ارضك يا فلسطين
وتعيشى يا فلسطين


اللهم انصرهم
اللهم لا تخذلهم
اللهم حررهم
وثبت اقدامهم



(فداكى عمرى يافلسطين)[/ALIGN]

[ALIGN=JUSTIFY] دى حاجة كدة على قدى

بس صعبان عى حالة


وربنا مايوريكم اللى بيحصلى من الحب

والله يجازى العشق والغرام ... وولاد الحلال اللى كتبوا اشعار الحب... وغنوا اغانى الحب ... وشوقونا للحب

وخلونا نمشى سكة الحب ... ونشرب كاسات الحب ...

وخلونى انا ... انا اللى مااتهزيت ولا اتهديت ولا اتمديت ... ولا اتغميت ... ولا اتخميت اقعد كدة سرحان

انا اللى ما تهديت وطول عمرى قايسها بالأبرة حارة حارة ، وشارع شارع ، وعادد بلاطها وقوالب طوبها

وحيطان معمارها... اقعد كدة سرحان بافكر فى صورة ف خيالى ومافيش غيها على بالى

انا اللى ماتدنيت ودايما ايدى فوق كل الأيادى وكايد كل الأعادى واللى احبة ياسعدة واللى اكرهة ياوعدة

واحكم وارسم واكتب واشطب واشيل واحط والغى واضيف ... اقعد كدة سرحان مافيش فى ايدى حيلة

ومستنى طلعة حبيب القلب .يا شماتة عدوينك يا وائل ، عين وصابت وجابت شرار وقادت فى قلبك نار

والا دى ذنوب الاجرام ... وبيخلصها اغرام ؟؟

لطفك يارب لطفك[/ALIGN]

[ALIGN=CENTER]الموضوع ده عن راجل غلبان
اسمعوا يا جماعه بيقول ايه


دلونى يا ناس دلونى
ازاى راح اسد ديونى
ده عيالى خلاص هوسونى
وقريب هيجننونى
تسعه ومراتى معاهم
ودليلى احتار وياهم
ولا نافع اى تفاهم
ولا هم فى يوم عذرونى
الطبخه ما بتقضيهم
والحله ما بتكفيهم
محتار ازاى ارضيهم
مش ناقص غير ياكلونى
وفى وقت دخول مدارسهم
تتعبنى كتير ملابسهم
وكتبهم على كرارسهم
ويوماتى بيحاسبونى
الواد محمود وفهيمه
بيحبوا يروحوا السيما
وانا اصلى دقه قديمه
انا قلت بلاش يلومونى
تلقى البقال على بابى
والخضرى عم امامى
ومعاهم كشف حسابى
وفى وسط الناس فضحونى
وفى عيد الاضحى يحنوا
لخروف العيد ويزنوا
مقدرش اتهرب منهم
لالقاهم يوم دبحونى
يا رب حنانك بيا
بحبحها عليا شويه
وتزور جيبى النقديه
واسدد كل ديونى[/ALIGN]

خدوا هذه مني


ان هذا اليوم ليس محسوبا من ايام عمري
فلقد عبست الشمس في فجر يومي هذا
اتدرون لماذا؟
لان الحبيب بعيد
ولان القلوب حديد
ولا يوجد اليوم بريد
لقد هجرني اليوم احبابي
لانني جبانة
ولانني انانية
لا وبل لانني قاسية
لقد ضعفت اليوم
لو تعلمون ما السبب؟
هجرتهم يومان فقاطعوني.....وليتني لم اعد ..........فندمت
وحيدة في الدنيا دونهم.....وما طعم الحياة الا معهم.......فبكيت
رغبت في الموت يحضنني...فهو احق بي.....لانني سئمت
و للجميع
وسلامي لكل اللي بدهم يشاركونا

[ALIGN=CENTER] دى كانت اول مشاركة فى الصفحة السابقة

كتبتها عندما شعرت بوفاء الأقلام على صفحاتهم الخاصة

وكنت سعيد بهذة المشاركة بعدها اخذ قلمى يكتب بعض الزجل


نتلاقى هنا فى المواعيد

نندة نجومنا تقيد

على بتلة ال شوقنا يخضر

نلقى الأمل عناقيد

نمسح دموع اللحن ، نكسر نايات الحزن

طول ماالطيور ع الغصن

راح نسمع التغريد على صفحة الأبداع كلة

بقلوب ماليها الضى

نغزل قدرنا الجى

نطوى الليل طى

نعشق بدون تعقيد[/ALIGN]

الرجل ده ميت اكيد
حتى لو كان من حديد
ده ما فيش راتب خالص ولا فلوس
والباقي ما يكفيش حتى لكفن صوص
ده كان مجاهد والله
ده ملحيقش يشم ريحة الجنيه
ربنا يرحموا والجنه ليه
اشوف دي الوقت مراتو عاملة الزاي
تلاقيها بتشحد ثمن الشاي
ربنا مايشبعها
لا هي ولا ولادها
ربنا تعريها ولا تلبسها
الا الهدوم الا قطعتها
دي عاملة مثل القطة
اكالة ونكارة
ربنا يبعدها عنا
هي و اولادها الفجعانين
دول لو لقوا اسد ياكلوه
والله مش حيسبوه


للحلوين اللي في هذه الصفحة الاحلى

[ALIGN=JUSTIFY] طيب الراجل الغلبان دة يعمل اية ؟؟؟

رجل موظف كحيان غلبان من بتوع الحكومة
مرتبة الشهرى 220 جنية و80 قرش ومشط كبيريت
وحوافز اضافية جنية وربع
ومكافأة عيد العمال اللى بتيجى مرة واحدة فى السنة 2 جنية و75 قرش
ويتم خصم جنية ونص منهم مش عارف لية
والراجل مش راحم نفسة وعندة 6 اولاد
وبيسعى فى مفاوضات مع زوجتة يتمنى بعدها ان يخلف السابع
المهم ودة مربط الجحش
لابد ان يدفع هذا الرجل البائس ايجار الشقة
اللى وصل حسب الأيجار الجديد 100 جنية
طبعا بعد توسط اهل الخير والشهامة عند صاحب البيت
كما سيدفع للبقال 90 جنية نتيجة جر كميات من الجبنة واللأنشون والبيض
ومرق الدجاج وعلب الكبريت والحلاوة الطحينية
التى تصر زوجتة على ان ياكلها موظفنا بعد العشاء... مش عارف لية؟
كما سيدفع للجزار عشرين جنية نتيجة تهورة فى احد المرات وشراؤة جوزين كوارع
لكن هذا ليس ذنبة ،فزوجتة هى التى الحت علية فى شراء الكوارع
واصرت على ان ياكل اكثر من نصفها بمفردة وبرضه مش عارف لية؟
كما سيدفع فواتير الكهرباء والمياة والتليفون
!! مع انة ماعندوش حتى عدة تليفون
وطبعا بالأضافة الى الدروس الخصوصية
فأولادة الستة فى مراحل تعليمية مختلفة
اقلهم سنا فى الصف الثالث ابتدائى...وكلة بياخد دروس
بالذوق بالعافيةهياخد
ومطلوب منة كسوة للعيال
لأن الهدوم التى اشتراها من كام سنة قربت تتقطع
ولازمة نص نعل جديد بدال النص نعل اللى ركبة للجزمة
بعد ماشال منها نص النعل اللى كان ركبة قبل كدة
بالأضافة لفلوس المواصلات
ولأنة موظف حكومى فلابد من الجرنال
لزوم حل الكلمات المتقاطعة فى المكتب
على مايكبس علية النوم

هى دى الفزورة يا ولاء[/ALIGN]
اللى بعدى يقدر يحل الفزورة دى

الاخت الكريمة ولاء

صفحه تحمل اقلام واعده

احببت هذه الصفحه اكثر من الصفحه القديمه

واحيي الاخ الكريم وائل والاخت الكريمة لما

ويعطيكم العافيه

[ALIGN=CENTER]
الاخ نجم الليل
نشكرك على مرورك الجميل
ونكون سعداء بانضمامك الينا
تحية واحترام
ولاء[/ALIGN]

[ALIGN=CENTER]
عجبى عليك يا زمن يا مفرق الاحباب
واخدنا ليه يا زمن لطريق ماله ابواب
طريقنا اصبح تعب وقهر ولوم وعتاب
ويا ريته كان من عدو ده اقرب الاحباب
بنسيب ورانا الناس والاهل والاصحاب
ونمشى فى طريق مسدود كله جراح وعذاب
نفسى اصرخ واقول يا ناس احنا بشر
كفايه نجرح فى بعض ونمشى فى طريق خطر
كفايه طمع وجشع ونفاق ما بعده نفاق
ربنا يجازى المنافق والكداب والافاق
ناس فى وشك تمدحك ومن وراك بتذم
وناس تاخد العسل وتسيبلك انت السم
والحقد مالى نفوس ومن نفوس بتغير
وناس تحسد ناس ما تتمنالها الخير
واقول يا رب الهدايه ليا وليك وللغير[/ALIGN]

مرحبا يا ولاء
كيفك يا وائل
اهلا وسهلا يا نجم
والله منور

انا اليوم بدي اكتب شغلة طالعة من قلبي بجد
لانو الحادث صار مبارح
لانو اليهود اجو عندنا في الليل
.
.
.
كان صوتهم عم يحفرلي قبري
وانا كنت مع اغلى الناس على قلبي
انا كنت عم بحس بطعم موتي
والفرق كبير مع الحياة
.
.
انا خفت على اخوتي
اهلي ودنيتي
وصرخت في همستي
وينك يا ولاء
.
.
كان سلاحهم اقوى من قوة قلبي
وضعفي لا ما رح احكيلكم عن ضعفي
كان قلبي عليهم بتقطع ويخفي
وبرضو كنت اقول
ما تبعديش يا ولاء
.
.
كانت ليله من غير نهار
واليهود ما عندهم غير النار
والدنيا كلها شبه الاعصار
وحتى وانا في المرار
حنيت لولاء
.
.
مع انها كانت معي برفقتي
و ولا بلحظة فارقتني
وبكل دقيقة مرت واستني
ومع هيك اشتقتلك يا ولاء
.
.
كان نفسها تاخدني عندها
تحميني من ضرب اليهود بقلبها
وما كان فيي اقولها غير
ما تنسيني يا ولاء
.
.
يمكن كان موتي بزعل كتير ناس
بس فيه ناس ضاع منهم الاحساس
بعد موت صداقتي معاهم خلاص
بس انا سامحتم يا ولاء
.
.
بخاف من حقدهم علي وانا في السما
لانو في هذا الزمان الكره اقوى مننا
وياريت يا بعد تبعد عننا
عشان انا بحبك يا ولاء
.
.
ولاءكانت معي بقلبها وكلامها
وبعمري ما حسيت بحنانها
غير لما قابلتها في لحظة وداع
وما قدرت احكيلها غير
اتذكريني يا ولاء
.
.
بعمري ما رح انسى كلامك يا ولاء لا انتي ولا وائل
وبعمري مارح انسى هذه الليل اللي مرت علي بالخوف والالم وكنت بتمنى لو كنتي جنبي بجد واسمع كلامك واحس بحنانك من قريب مش من مصر
بس الحمد لله ازمة ومرت
مع اني كنت فاقدة الامل
سلامات