الفرق بين الزواج في السنة الأولى والسنة العاشرة

لكل المتزوجين



الساعه 6:30 صباحا :
تودع زوجها وهو طالع للعمل وتقول له (بتوحشني يا حبيبي)


الساعه 11 صباحا :
تتصل عليه في العمل وتقول له ( حبيت اسمع صوتك بس يا عمري )


الساعه 3 العصر :
تستقبله وهو متشيكه وتبوسه وهو داخل للبيت وتقول له (الغدا جاهز يا حياتي ..تحب احطه لك الحين ؟)


الساعه 5 العصر :
تصحيه من النوم ببوسه وتقول له (أعمل لك شاي يا حبي)


الساعه 6 المغرب :
تسبل عيونها وتقول بكل خجل ( يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري ) وقبل ما ينطق بكلمه تقوله (اذا ما تقدر خلاص مو لازم) وطبعا يضيع هو في نظرة من عيونها ويوديها لاهلها ولو انهم ساكنين في السويدي وهو ساكن في العليا


الساعه 8 بالليل :
تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب (آسف والله يا شباب راسي مصدع ولازم أمشي)


الساعه 10 بالليل :
تجلس في حضنه وتقول (الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع أمي عشان أطلع معك) وبعدها هات يا بوس لمده لا تقل عن ثلث ساعه


الساعه 11 بالليل :
الوصول الى هذه الصفحه غير مسموح ……….الخ




بعد مرور عشر سنوات


الساعه 6:30 صباحا :
هي في سابع نومه

الساعه 11 صباحا :
هي برضه في سابع نومه

الساعه 3 العصر :
تستقبله وهي نافخه خشتها وتقول (شف لي حل مع ولدك علي هذا ..حتى الان ما حل الواجب .. ونورة الله ياخذ عمرها ان شاء الله شاقه مريولها في المدرسة …عطني فلوس لازم
اروح اشتري لها واحد غيره … وصويلح يبي علبة هندسه توه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا أنا يا هالشغاله في هالبيت …. أبيك اليوم تسفرها ما أبي أشوفها وأبيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي أبيك تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم (ما تدري ان اسرار بيتهم كلها عند الجيران من لسانها هاللي وش طوله)

و …و …..و


الساعة 5 العصر :
هي تفك هوشة بين نورة وأخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم (جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ)


الساعه 6 المغرب :
هو جالس يشرب الشاهي وهي تقول (نبي نروح لامي بتجيهم بنت خالة جد ولد عم أبوي وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه
من باتشي و ابي امر على المشغل ..وبعدين حطنا عند اختي في الشفا من زمان ما شفناهم
وفي هاللحظه فكر هو انه يشتغل ليموزين احسن له


الساعه 8 بالليل :
تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ويش بتسون ؟ ومتى بتجي ؟ لا ما فيه الساعه أبيك تيجي هالحين)


الساعه 10 بالليل :
جالسين هي وياه عند التلفزيون ..أخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول (الحين أمك وش عندها اليوم ما ترد يوم اني سلمت ؟ هاه ؟) وهو يرد (والله ما أدري كان سالتيها) (واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟ لكن هين والله لاسوي عزيمه وما أناديها …اصلا هي ما زارتني في المستشفى يوم اني ولدت وأنا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس) تسكت شوي بعدين تقول (وبعدين اختك سعاد يوم انها تقول ان علي ولدي يشبهني ما يشبه ابوه وش قصدها هاه)
ملاحظه : ولدها علي هو أشين اخوانه
(أنا فاهمه قصدها وتراها اذا ما بطلت هالحركات والغمز واللمز تراني أبسمعها كلمتين وأخليها تحترم نفسها ….. لا وذاك اليوم تقول اخوي محمد (اللي هو الزوج) حلو مره و3 من حريم الجيران سبق وخطبوه لبناتهم ….من زينك بس ما ادري وش لاقين فيك)
هو يسكت وما يرد ... تسكت هي ثم تقول (وبعدين أخوك شاري لحرمته ساعة قيمتها عشرين ألف ريال)
هو يرد (طيب وش المشكله ؟) وهي تقول (وأنا ليش ما تشتري لي ..والا انا ما أستاهل ..ولو هي يعني احسن مني … بلاك ما شفتها .. شينة وطبايعها شينه وحتى طبخ ما تعرف تطبخ)
هو يرد (خلاص أشتري لك ساعة) تعصب وتقول (ايه تسكتني بهالكلام وتاكل بعقلي حلاوة ... والله لا أنت شاري ولا شي) (طيب ويش تبيني اقول يا بنت الحلال ؟) هي تقوم وهي تبكي (خلاص ما أبي منك شي)


الساعه 11 بالليل :
هي زعلانه ونايمة مع العيال وهو يلعن أبو اليوم الي تزوج فيه




منقوووووووووووول




بااااااااااااااي

ههههههههههههه

غريبه

ما صار معي كذه

ليش

الحق على الزوجه والزوج

السبب

انهم سمحو لانفسهم بان ينسو العشق والحب والالتزام بتوفير الجو الملئ بالحب والود

شكرا لك ما نقلته لنا

فهناك من هم بحاجه لمشاهدة هذه الكلمات علّهم يغيرون شيأ من تصرفاتهم

لك

،،، و الله هي حالات ... لكن ليست قاعدة ..


تشكر أخي بارك الله فيك


و ننتظر جديدك


أختك صهيل *

اسلوب الطرح مضحك

اعتقد انهم الاثنين مسؤلين عن قتل الحب ويجعلون الملل يتسرب اليهم من بعض


وشكرا لك

ويعني ليش محد حط موضوع الرجل بعد 5 سنين..
خلوهم خمسة بس..
وأنا متأكدة..انه بتطلع المرأة مسيكنه

يالله بنات همتكم معايا

ههههههههههههههههههه



والله الموضوع روووووووووعة

فعلا فيه أشياء كثيرة حقيقية بس مو كل الحريم بهذا الشكل



وتقديري

يا هلا بالاخوات


والله هذي فشيلة


اشوف كل الي ردوا حريم


وين الاعضاء ؟؟؟؟


وين النشامة ؟؟؟؟؟؟






فشيلة من جد






باااااااااااااي