الحق نفسك قبل ما تكون واحد منهم !!

طبعا أكيد بتسأل مين دول اللى ممكن تكون منهم ... صح ؟

- صح

اقول لك ..... دول بقى يا سيدي 10 مليون مصاب بالالتهاب الكبدى الوبائى تسمع عنه ؟

-آه أسمع بس بصراحة معرفش عنه كتير ايه هو بقى ؟

بص يا سيدي

-بصيت

التهاب الكبد ده مرض بيصيب كبد الإنسان نتيجة الإصابة بالفيروس وانت عارف الكبد ده مهم بالنسبة لنا قد ايه

- آه طيب أنا سمعت انهم كذا فيروس

فعلا هم 7 فيروسات A,b,c,d,e,f,g

- بس أن مسمعتش غير عن A,b,c

- ما هى الانواع دى هى اللى منتشرة

- طيب وده خطر يعنى ؟

- طبعا ده ممكن يأدى لتليف الكبد وبالتالى الكبد مش هيقوم بوظايفه ربنا يعافيك ويعافينا

- طيب وهى وظايف الكبد دى مهمة ؟

- طبعا مهمة جدا الكبد ده أكبر مصنع فى جسم الإنسان له حوالى 300 وظيفة ومن غير الكبد حياة الإنسان بتنتهى
شوف انت بقى لما جسمك يفقد 300 وظيفة كان عضو واحد بيأديهم

-طيب انا فى ايدي ايه يعنى ؟

- يا عم سهلة كل الموضوع انك تعمل احتياطك وتتوكل على الله

- طيب اعمل ايه يعنى؟

- جينا للمهم
بكل بساطة تغسل ايدك كويس قبل الاكل وتشرب مية نقية وطبعا بلاش الاكل وكدة انت فى المضمون وفيروس A عمره ما هيجي لك

- طيب وباقى الفيروسات ؟

- بص B و C بيتنقلوا عن طريق الدم لكن برده سهلة

فيروس B تاخد التطعيم بتاعه وتتجنب تلامس اى دم وكمان طبعا مينفعش تستخدم الأدوات الشخصية لغيرك وأى حاجة ممكن توصل لدمك لازم تتأكد من سلامتها

- زي ايه يعنى ؟

-زي امواس الحلاقة وفرش الاسنان والحقن والدبابيس

-طيب هو مفيش تطعيم لفيروس C ؟

- للأسف مفيش فلازم تاخد بالك وتحافظ على نفسك
ومفيش قدامك اختيار لان دى سلامة جسمك
وجسمك أمانه هتتحاسب عليها

اهلا بك

وكل الشكر على المعلومات القيمه

طريقة الطرح ممتازة
بس مافيش علاج لايمكن ممكن بنقول لسه ما وصلوش
له قال رسولنا صلى الله عليه وسلم ( لكل داء دواء )
مشاركة قيمة يعطيك العافية من أجل صحة أفضل ودمت

اخي

مشكور للنصائح

[align=center]كل الشكر لك على الارشادات والمعلومات المفيدة

تحيتى [/align]