الأسماء المضحكة والرموز الطريفة في نقالك......

السلام عليكم ورحمة الله وبركاته ::

كيف حالكم اخواتي واخواتي الأعضاء...

اليوم عجبتني لقطه حلوه كتير

وهي انه يسجل ويخزن ارقام بعض الناس اللي يكلم فيهم بنقاله بشفرات معينة ورموز طريفة..
سواء من اسرته او اصحابه في العمل او اقاربه او اصدقائه....الخ

اعطيك على سبيل المثال ::::
واحد مخزن رقم المدام عنده باسم (جيب معاك خبزة وانت جاي),,والمضحك جدا في الامر والمثير للشفقة ان هالمدام هادي مخزنة رقم زوجها اللي يجيبلها في الخبزة باسم (اااااه من حبك اااه)..

وآخر مخزن رقم زوجته باسم (فرج)...علي اساس لما تتصل بيه ما يعرف حد من اللي في جنبه انها زوجته تكلم فيه.ههههههه,,وواحد مخزنها باسم (الفيتوري),,,

وآخر مخزن رقم زوجته باسم (البحث الجنائي)

وواحد مخزن رقم صاحبه باسم (شروبو كحاحة)..علي اساس صاحبه صيدلي ويشتغل في صيدلية.

وآخر مخزن رقم مديره في العمل باسم (همي وغمي)..

وآخر مخزن ارقام معظم اصحابه بانواع سياراتهم.....

وآخر مخزن رقم صاحبه باسم (في الزين نصيب)..واللبيب من الاشارة يفهم.

وما نبيش نحكي علي نوع الرنات اللي مخصصينها لكل شخص (النغمة الخاصة),,لانه موضوع النغمات مش من اختصاصي,,,

شن رايكم توا كل واحد ووحدة يقوللنا شن الاسماء الطريفة والمضحكة اللي مخزنها في نقاله في اطار الاسماء اللي يقدر يقوللنا عليها..وللخصوصية حق في الاسماء التي لا يحب ان يطلع عليها احد..وخاصة ان بعض الاعضاء والعضوات في المنتدى يعرف بعضهم البعض..
او يقوللنا شني الاسماء الطريفة اللي مرت عليه في نقالات اصحابه او اقاربه

ننتظر طرائفكم ومسمياتكم المضحكة...

ههههههههههههههههههههههههههه

تقبلي مروري