مَن لهُ فضل على من؟؟؟

من له فضل على من ؟؟؟

نعم ان القوات المسلحة لها فضل على الثورة فقد انحازت لها منذ لحظة ميلادها
ولم تفعل مافعلته قوات دول اخرى مع شعوبها عندما ثارت .. وقد نال هذا الموقف تقدير واحترام جميع الشعب المصرى .. بل فوض الشعب والثوار المجلس الاعلى
للقوات المسلحة فى إدارة شئون البلاد عندما إستشعر الثقة فى هذا المجلس وأعتقد
ان آماله ستحقق على يديه فى الفترة الانتقالية .. ونستطيع ان نقول أن الشعب قد رد الجميل للجيش ووثق فيه لانه لم ينساق وراء شهوة النظام القديم فى قمع المتظاهرين
كما طلب منه وقد كان من الممكن ان يكلفه هذا الموقف الكثير باحالة المجلس الاعلى للقوات المسلحة الى المحاكمة بتهمة عصيان القائد الاعلى للقوات المسلحة ( حسنى مبارك ) او على الاقل بإحالة المجلس الى التقاعد .
ولكن لماذا وقف هذا المجلس هذا الموقف من الثوار ( الوقف فى صفهم ) ؟؟
التحلليلات كثيرة جدا منها ::
1- انه جيش نظامى ذو أعراف عريقه وقواعد ثابته يدين بالولاء للبلد وليس للحاكم .
2- هناك من الامور التى كان يضيق الجيش بها ذرعا ولكنه لايستطيع تغييرها
ومنها على سبيل المثال ::

أ‌- قضية التوريث والتى كان الجيش يرفضها تماما ولا يقرها
ب‌- اعتراضه على الفساد المنتشر فى البلاد والمستشرى ومنها صفقة بيع بنك القاهرة . والكثير من عمليات بيع الشركات العامة للقطاع الخاص وماشابها
من عوار وعمولات .
ج – تركيب جهاز امن الدولة وتميزه على الجيش ... وكذلك تهميش الجيش المصرى ودوره نظرا لاعتراضه
على بعض السياسات والفساد

وفى حوار للاستاذ محمود سعد مع الاعلامى حسين عبد الغنى ( امس 9/7/2011 قال : ان فى اخر اجتماع للجنة السياسات برئاسة الدكتور حسام بدراوى ( قبل تنحى مبارك) قال جمال مبارك ان الجيش فى قبضتنا
ولقد منحناه امتيازات كثيره منها
1- لقد احضرنا له 1.30 مليار دولا منحه من امريكا
2- لقد سمحنا لضباط الجيش بالمشاركة وافتتاح شركات خاصة بهم
3- منعنا الاعلام ان يتعرض للجيش او ان يتحدث عنه

لقد احضرنا له 1.30 مليار دولا منحه من امريكا
2- لقد سمحنا لضباط الجيش بالمشاركة وافتتاح شركات خاصة بهم
3- منعنا الاعلام ان يتعرض للجيش او ان يتحدث عنه


رشاوي لم تفلح

تحية وتقدير للجيش المصري

تحيتي لك اخي احمد

الله يحمي مصر ويحمي جيشها البطل في الوقوف ضد الفساد واعوان النظام السابق
تقبل

حبى الزهرة

شاكر لك مرورك


الاخت رد اى
شاكر لك مرورك

طب خلينا نستعرض بس اللي قاله السيد جمال مبارك
خلينا نستعرض فضائح الحرامي بن الحرامي

هو بيقول منحنا الجيش المصري 1.30 مليار دولار منحه أمريكيه..صح ؟؟

تعرفوا الجيش المصري مكنش بياخد منهم إلا الفتات والملبغ ده كله بيروح في بطن أبوه مبارك
مصر مثلاً بتصنع الدبابة (القاهرة) اللي هي النسخه المعدله للدبابة الأمريكيه (الأبرامز) .. مصر بتصنعها بنسبة 100% .. طب حسني باشا مبارك ليه عمولة سلاح .. ياكل منين الباشا لو مصر صنعت السلاح ومستوردتش ؟؟
يعمل أيه ؟؟ .. ياخد المساعدات العسكريه فلوس وطبعاً الفلوس بتاعت البلد محدش يقدر يمد أيده عليها .. بس برضو هو القائد الأعلي للقوات المسلحه .. الجيش صنع الدبابه كلها ؟؟ أه .. طب حلو .. نبعت نستورد جنزير الدبابه من أمريكا ونكتب في عقد الأستيراد >> (أستيراد دبابه أبرامز)
واقعه السرقه دي بيحاكم عليها مبارك أمام القضاء العسكري وهي دلوقتي أمام النيابه العسكريه
والله العظيم كانت مصر تصنع الدبابه كلها وتستورد بس الجنزير عشان العموله ويتكتب أستيراد دبابه

وكذلك برضو لما مصر طورت الطائرة F-16 بروعه وأسمتها (رعد) وهي التعديل الفائق للأف ستاشر .. وبدأ الجيش يفكر في تصنيع طائرة مصريه كامله .. طلب إنشاء كلية فنية جوية فرفض مبارك طبعاً
عمولتي يا ولاد الذينه ؟؟ .. لما أنتوا تصنعوا كل حاجه أكل أنا والعيال منين ؟؟
وطبعاً زي ما أحنا عارفين بعد الثورة وفي الأسبوع الماضي أفتتح المشير
>>(الكلية الفنية العسكرية الجوية) ودي كلية مختلفه في مواصفات قبولها عن (الكلية الفنية العسكرية)


ده أولاً .. ثانياً بالنسبه للشركات الخاصه بهم
فأعتقد الحرامي جمال مبارك يعرف جيداً من الذي كان يفتح شركاته الخاصه
يعرف أنه لما الجيش أحتاج أسمنت عشان بناء مباني عسكريه .. مبارك قال للمشير :: خد من مصنع جمال
والمشير أستغرب من الفساد اللي وصل لرأس البلد .. وقرر أنه بجنود الجيش والأشغال العسكريه يبنوا مصنع أسمنت خاص بالقوات المسلحه ونجحوا فعلاً وبقي يكفيهم ويبيعوا منه لمصر كلها كمان


فين الرشاوي يا جمال بيه ؟؟...ده أنت أخر واحد تتكلم عن الرشاوي
وبتتكلم عن الجيش المصري وتقول مسمحناش للأعلام يتكلم عليه

طب الأعلام حيقول أيه عن الجيش المصري .. ده المؤسسه الوحيده اللي نتيجة أنفصالها عن الحياة المدنية في مصر ولشرف رجالها >> كانت الشئ الوحيد النظيف في مصر