اذا انت منهم

لو عايز تتأكد أنك من الجيل الموكوس 1981:1991

حتلاقي نفسك ماشي عليك كل اللي جاي
راجع معايا منك ليه لها


1.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك
(ربع المسرحية) .

2.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.

3- لو كنت بتتابع
( تاكسي السهره- اخترنا لك- نادي السنيما- حدث بالفعل - بانوراما فرنسيه)

4-اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار)
حينما كانت قمه السفاله في الكليبات ان يفتح عمرو دياب اول تلت زراير من قميصه.

5-اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

6- اذا عاصرت مشكله ادمان الهيروين في الاعلانات والصحف والاهل والافلام والمسلسلات
وكل الممثلين طلعوا في دور المدمن و ( شمه يا فوزي ارجوك ارجوك جسمي بيتقطع)

7- لو عاصرت انحسار الهيروين تماما تحت رعايه الحل السحري و مشروع ( الحشيش للجميع)
وشعار ليه شمه واحده لما ممكن سيجارتين.

8-اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى)
ومرة الفجر مرتديا الجلباب والجبة وهو يغني (صلينا الفجر فين).

9- اذا كانت روايه رجل المستحيل هي اعظم الروايات الادبيه بالنسبه لك.

10- لو كنت قد شاهدت افلام(جحيم تحت الماء) وفيلم ( الطريق الي ايلات) و ( الناصر صلاح الدين)
و ( عمر المختار ) بما يزيد علي الخمسه وعشرين مره .

11- اذا كان قمه العلم هو برنامج (العلم والايمان).

12- ان تكون قد اصابك السعار من مسلسل (الجرئ والجميلات) الذي استمر لما يزيد علي الالف حلقه.

13- لو كنت جبت الدش في سن صغير وكنت ممن لحقوا رؤيه قناه اسرائيل 2 حيث كان ابوك يعتبر كل ما يعرض عليها جنسيا حتي لو كان برنامج سياسي يناقش ذبح الاسري .

14- ابوك وامك منعوك من ممارسه الادمان المصري كره القدم في الشارع خوفا من السلعوه التي لا يعلم ماهيتها الي الان .

15-لو كنت من الناس اللي تابعت
( ذئاب الجبل- المال والبنون - ليالي الحلميه- من الذي لا يحب فاطمه وايضا هوانم جاردن سيتي )

16-اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس .

17-اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان .

18- اذا كنت من ذلك الجيل البائس اللي كان التليفيزون ايامه ليه نهايه ارسال زي الفراخ الساعه 12 ليلا وقمه الصياعه لو طال الوقت للواحده صباحا .

19- لو كنت ايضا من ذلك الجيل البائس الذي كانت كل طفولته تكمن في
( نينجا ترتلز وكابتن ماجد الذي كان يجري بالكره في الملعب ثلاث حلقات متتاليه دون توقف )
ثم تقطع الحلقه التي مدتها عشر دقائق في اربعه وعشرين ساعه عشان مجلس الشعب ولعلي علمت انا وجيلي الان لما نكره حلقات مجلس الشعب حتي في كبر سننا
وتمتلئ عينك بالحقد والغل للجيل الحالي الذي يستمتع بعشر قنوات اطفال اربعه وعشرين ساعه اضف البلاي استيشن ثري والبي سي والاكس بوكس ولعنه الله علي من لم يخترع هذا في زمننا

20- اذا كانت امك تحب مشاهده فيلم الظهيره الابيض واسود
كفيلم (في بيتنا رجل) الذي يتكون تسعين في الميه من السيناريو فيه من جمله (أهرب يا ابراهيم)
او ( الشموع السوداء) وكلمه ( أحمد أحمد أسمعني) وهي تخرج من فم الفنانه نجات
ولا عزاء لمرارتك المفقعوه وطفولتك المهدوره .

21- اذا كانت اغنيه ( لولاكي) هي اغنيه السنه بالنسبه لمرحله من عمرك ومعها
( حبيبي انا دوبت في دباديبو ) لمصطفي قمر وايضا ( خساره) لفؤاد و( متخافيش) لعمرو دياب


22- اذا كان ترفيه رمضان بالنسبه لطفولتك هو (بوجي وطمطم) وعم شكشك الي اخر تلك الشخصيات التي اصابتك بارتجاج المخ .




للامانه بعض المقتطفات منقوله

برنامج (أماني وأغاني)

البرنامج دا لسة عايش ؟ :d


كل اللي قلت عنه انا شفته


الا يعني ايه موكوس ؟ ؟

[align=center]والله ما اعرف يا نور انا مشوفتش الارضي من ابتدائي

موكوس بقي يا ستي = ضاربه السلك هههههههههههههههههههههههههه

الاتنين يعني ضايع اخر حاجه

[/align]

[align=center]هههههههههههههههه
صح والله جيل موكوس
وطبعا مفيش احلي من الحاجات القديمه

اذا كان ترفيه رمضان بالنسبه لطفولتك هو (بوجي وطمطم) وعم شكشك الي اخر تلك الشخصيات التي اصابتك بارتجاج المخ .

ماله بوجي وطمطم وشكشك دول جامدين يا ابني
طب ليه ارتجاج في الخ يا محمد ؟؟؟؟؟[/align]

والله يا محمد انا لحقت التلفزيون لما يبدا الساعه 6 ويغلق بعد اخبار الساعه 11

وكل البرامج اللي قلتها 99% منها مسمعتش عنه

يعني بالنتيجه ده انا الوكسه نفسها مش موكوسه

يا لهوي شعرت نفسي من ايام حتشبسوت

الان عرفت سبب الوكسة اللى انا فيها

ههههههههههههههههههههههههههههههه

كده يامحمد طلعتنا كلنا موكوسين
ههههههههههههههههه
اصل كل اللى قلته ده شوفته بالضبط
يلهوووووووووووى
ربنا يسامحك يامحمد
مكنت عايشه ومش واخده بالى
ههههههههههههههههههه

[align=center]رنووووووووش يا رنووووووووووش
ارتجاج في الخ يا رنوش طبعا
اذا كان التتر بيقول
(أدلع يا رشيدي علي وش الميه ..سيب شعري وأمسك ايدي علي وش الميه)
ههههههههههههههههههههههههههههههههه


ماما هيفاء
لالالالالا
حضرتك أبو الشباب كله يا ماما
الشباب شباب القلب ولا أيه
لكن حتلاقي حضرتك مثلا عمو أحمد عشان راجل عجوز مدخلش يشارك هههههههههههههههههههههههه

أموله
خلي عيالك يتمتعوا يا أموله عشان ميبقوش زينا ههههههههههههههههههههههههههه
انا عن نفسي حلعب عيالي كوره ومش حوديهم مدارس

منوش
لاااااااااااااااااااااااااااازم تاخدي بالك
امال انا الوحيد اللي احس بالوكسه هههههههههههههههههههههههههههههههههه[/align]

ياااااااااااااااااااه دا انت قديم اووووووووووووى
انا فاكرة الحاجات دى طشاش
بس ماشاء الله عليك ذاكرتك جامده ياخويا
انا مش بحسد انا بقر بس
موضوع جاااااااااااااااااااااااااامد يا محمد و فكرنى بحاجات حلوة كتير
ميرسى يا باشا