مساجله شعريه من الشعر الخاص الي قدها يتفضل

تو مازانت الصفحه بك وباخواني الشعار ..

نايف الحرف وإبن حرق .. وترا والله سعيدة برجعتكم

بالرغم اني ماعرف ليه اخوي ابن حرق حاقد على هالحرف بالذات بس انا معكم

الييييين مانشفي غليل اخونا ..

واليكم ردي ..............


قبل ماتولد الفرحه مقدر نكتوي بجراح /////// وقبل مانهتني فيها يجري دمعنا الرقراق

هذي حالة ابن آدم يوم بفرح ويوم نواح /////// وماله حيله غير انه يدعي ربه الرزاق

هلا بك يالمعنى دوم كثر مالورد عطره فاح //// وكثر ماقالو الشعار وخطو بالقلم باوراق

سعيده بشوفتك صامد والهم عني انزاح /////// وعقبال ماشوف ضحكاتك من الاعماق


ولاانسى ان ارحب باخوي طيب القلب واقوله.........

يامرحبا ياطيب القلب واهلين ////// ترحيبة من قلب فايح شذاها

لك بصفحتنا بدل مجلس اثنين ///// يستاهل الطيبات شخص (ن) عطاها

لفيتنا بوقت (ن) تدمع به العين///////////والروح بالاحزان ربي كساها

لك العذر ياخوي منا ملايين ////////// ومن زاهيه وردة (ن) يقطر نداها

وسلامتك اخوي وياهلا وغلا فيك


ومازال الحرف قاف

السلام عليكم ................................

اهلا بك اختي الغاليه زاهيه والله يزين ايامك ويعطيك العافيه اختي.................................

الحرف هو القاف ......................

ويالله يازاهيه امشي معنا على الطاروق والقاف السابق والرد من بيت واحد..............

قومي يالله ياحروفي خففي همي وظروفي رحبي عنهم وعني بزاهيه وجه السعد
.........توه الوقت ابتسملي تو خف اليوم حملي وتوني شفت السعاده يالله نبدا هالسباق


يالله يانايف ويابن حرق ويازاهيه ................

وسلامتكم ..........

قالها الله يالسنافي جيتني والعلم وافي من عسل صيفي وصافي حي هذاك الولد
............حي منطوقه وقافه حظ منهو فاز شافه ماورى علمه حسافه اعرفه حلو المذاق

اللي عليه الدور وتراها بسيطه

والقاف ___وانتبهوا للقافيه

نايف الحرف

أنا موجود ولا نسيتوني .....
وهذي من عندي ....
قامت الدنيا وباحت كل عطورك فيها فاحت من هموم ولّت وراحت ارقصوا ياهل البلد ..
... طلتك نور وبشاشه وفي همستك ترقص فراشه واسمك معطر في شاشه مرحبا بعد الفراق ....
والقاف
ياحبايب

ياهلا بك يالمعنى نايف بشوفك تهنى وسلطان من اجلك تعنى والحرف بيديه ارتعد

ياهلا بالي لفوني الي مسكنهم عيوني اموت لوهم جفوني قلبي دايم باشتياق


هلا فيكم جميع وهذي فوق البيعه خارج السباق ......

اليكم ردي ...........

ياهلا به ولد عمي برجعته انزاح همي لااعتزيته قال سمي للمعنى كل شهد

مطمع لكل العذارى ولجله باتو سهارى وخصمه لاشافه توارى تو حرفي اليوم راق


والقاف ياعيال عمي

السلام عليكم ....................

بيض الله وجهكم .......نايف وسلطان وزاهيه ووين ابن حرق ............

احيوا الشعر الله يعطيكم العافيه .............

سم الله عدوك نايف ولاهنت وابشر مدامك تبغاها مثولث اخوي ................

ومرحبا مليون اخي سلطان واعذرنا وتراك دايم على البال...............

وياماشاء الله عليك يازاهيه والله يعطيك العافيه ..........

(( بعد اذن اخواني الشعراء راح نطلق الحرف الاول ونجعله حر بدل التقيد بحرف القاف..))

وشكرا ................

الرد ............

مرحبا سلطان جانا مرحبا باللي لفانا مانبيع اللي شرانا مير خلك مستعد
........عزوتي يعيال عمي يادوا جرحي وهمي من زماني فار دمي وضاق قلبي منه ضاق

وسلامتكم .............

اخوي المعنى صباح الخيرات

اش لونك اخوي انشالله بخير........

طلبت ان نطلق القاف ونجعله حر بدل التقيد وتقيدت به

ممكن اعرف ليه ولا هي جت كذا........؟؟

السلام عليكم..................

اهلا وسهلا وصباح الخير ....................

لو لاحظتي في الابيات والردود الاوله اننا كنا نبداء بحرف القاف في البدايه ...........

ولكن انا اقترحت عدم الالتزام بالبدء بحرف القاف ..........

والقافيه زي ماهي الاولى تنتهي ب(( الداء ))
والثاني ب(( القاف)).......

وشكرا على اهتمامك.....

وانا بانتظار ردك..........

تصدق عاد اخوي المعنى مانتبهت انكم
بديتم بالقاف

اسفه والله مره ثانيه وعلى فكره اول مره اكتب بهالطاروق على قولتك

السلام عليكم .............

لاداعي للاسف اختي ويالله ابغي البيت ذا الحين .............

ههههههههههههه..........

ياسلام غالي والطلب رخيص اخوي

قربت والله البعيده المعنى يكتب جديده ياليته يكتب قصيده وابي منه الوعد

اعترف لك يالمعنى صوتي بحرفك تغنى والقاسي منه تثنى وحرفي من غفلته فاق

وسلامتك اخوي ومعذرة على القصور

السلام عليكم..................

ماجا منك قصور يأم عبدالله ..........

وهذا الرد.......

ابشري والله ابشري انتي بس تاشري ويجيك كل حرفي جري لحظه دقايق بالعدد
.......وتنزل احروف القصيده ولاحزينه ولاسعيده هي قديمه وهي جديده فيها لوعه واحتراق

وسلامتكم .......

صبحكم الله بالخير ....
وهذي من عندي ...
المعنى يالمعنى لاتروح بعيد عنا في غيابك كم ذبلنا وكم نقصنا من مدد
........في حضورك ماسلينا تنثر حروفك علينا نحن عزوة وانت فينا والعقل ساقه مساق

وسلااامتكم

الله يسلمك ويسعدك اخوي وهذا ردي

هذا العشم ياغالي طبعك من اول وتالي توفي بالوعد ولا تبالي ولا يهمك احد

أحب الشعر دايم واردده والجفن نايم وارسله طيور الحمايم لوانه بارض العراق

وسلامتك

السلام عليكم .........................

ماعلى سلطان زود وردة بين الورد كلنا حزمه وعود وكل من يزرع حصد
..........الشعر والله غنيمه يعطي الشعار قيمه من ليالينا القديمه للمحبين اتفاق