|
واحة الزهـرة زهرة الشرق - غرائب من العالم - حوارات ساخنة - نقاشات هادفة - معلومات مفيدة - حكم - آراء - مواضيع عامة - أخبار وأحداث يومية من العـالم |
|
أدوات الموضوع |
08-02-09, 01:05 PM | #1 | ||
محرر في زهرة الشرق
رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122
|
أنت في مصر
* أكتر شعب دمه خفيف في الدنيا ويحب الضحك والنكت
بل انه الشعب الوحيد اللي دايما يضحك علي جراحه ويألف عليها النكت * حب الحياه والتشاؤم من بعض الكلمات ك(ده مات المفروض تعيش انت او ده تعبان المفروض بعافيه) دايما حتلاقي اكتر كلماتهم الوحشه هي المضاد الحسن ولكنهم بيفهموا معانيها . *شعبنا بيتكيف مع الحياه مهما كانت قسوتها وانا اعني مهما كانت قسوتها تماما. *أحنا بأنفراد عاصمتينا الاولي والتانيه مبيناموش اربعه وعشرين ساعه بمعني حضرتك ممكن الساعه الرابعه صباحا تنزل تشتري هدوم عادي جدا ولو في الصيف حتبقي الدنيا زحمه كمان وطبعا كل ده مرورا بالسوبر ماركتس وبتوع اللب والعصير والمطاعم ومستشفيات و جرايد بكره الصبح والقهاوي الخ وطبعا اقسام شرطه . *من أحلي الحاجات عندنا ان أي شارع ممكن يتقلب ملعب كوره علطول حتي قدام القصر الجمهوري في عابدين او المنتزه . *عندنا قدر من الديمقراطيه لا يوجد حتي في امريكا ..بمعني ان الاشاره لو طولت زياده عن الوقت اللازم-تبعا للمعيار الجماهيري- حتتفتح بناء علي طلب الجماهير من عسكري المرور تحت ضغط الكلاكسات و(ما تيالا يا عم هنبات هنا ولا ايه) * احنا البلد الوحيد اللي تلاقي موائد الطعام ماليه شوارعه طول رمضان ساعه الافطار واصحابها لاهم لهم الا احضار الفقراء بيسميها المصريين(موائد الرحمن). *مصر البلد الوحيد اللي سواق التاكسي ممكن يركبك ببلاش. *عندنا ممكن توقف اي واحد في الشارع وتطلب منه اي حاجه ومستحيل يكسفك حيث اشهر صفه (الجدعنه) في الشعب المصري من اول اقرالي الورقه مرورا بفلوس مواصلات الي دقيقه موبايل ضروري او سيجاره حتي او اي حاجه....... *عندنا لو دوخت في الشارع حتلاقي واحد متعروفش جابلك كرسي تقعد وصاحب اقرب سوبر ماركت متعرفوش برضو جابلك عصير جدعنه منه وواحد متعرفوش برضو حيديك الموبايل تكلم اهلك تطمنهم وواحد متعرفوش رابع معاه عربيه حيقولك تعالي اوديك المستشفي ويالا وبتاع (دي الجدعنه) *عندما ميزه روح الجدعنه المختلطه بالتعاطف مع غريزه الامومه يعني لو عربيه ساعادتك عطلت عالطريق الصحراوي ولا الاوتو ستراد حتلاقي اللي يزقهالك واللي يصلحهالك واللي يديك بنزين بكل سهوله ومن غير ما تطلب. * عندنا متوسطي الحال لو حد منهم عزمك ممكن يستلف عشان يعملك عزومه كبيره ويحسسك ان البيت بيتك اوي واشهر كلمها حستمعها ( انت منورنا). *وقطر كامل عطل في شهر رمضان جمب قريه صوغيره كل ركاب القطر فطرتهم القريه الفقيره دي!! *عندنا طول ما انت ماشي الناس بتدعيلك حتي لو اتخانقت مع حد حيقولك ( روح ربنا يسهلك) *من أجمل الحاجات لما تكون ماشي بالليل جمب محل مقفول وتسمع من جوه اذاعه القراءن الكريم شغاله . *شعب بيحب السجود لربه اوي ولك في مباريات منتخب مصر الدوليه مثل. *من أجمل الحاجات عندنا انك تلاقي عسكري غايه في البساطه معين لحمايه كنيسه من كنائس النصاري فتجد بيده مصحفا مدنيا يجلس ويقرأ فيه وبجانبه سندوتش الفول وكبايه الشاي ..بالمناسبه لو اديتله اي حاجه مش حتعتبر رشوه . * متفهمش شعبنا بيعشق عصير القصب ليه دونا عن كل بلاد الدنيا *طالما انك في مصر فالجميع سيمنحك لقب بشمهندس مهما تكن وظيفتك. صعب تلاقي بره مصر حد بيعمل فول وفلافل زي محل محمد أحمد او عصير زي بتاع فرغلي او كشري زي بتاع الزعيم بلاش كل ده صعب تلاقي شارع خالد ابن الوليد او ممر الراعي الصالح صعب تلاقي بره بلدنا الراجل بتاع الترمس او التين الشوكي عالكورنيش ولا بتاع البطاطا او بتاع غزل البنات في شوارع وسط البلد بجد بحبـك مــــــــــــــــــــــــــــــــــــــــــــوت يا مصر |
||
08-02-09, 06:00 PM | #2 | ||
المراقب العـام
رقم العضوية : 1295
تاريخ التسجيل : Oct 2003
عدد المشاركات : 29,780
عدد النقاط : 263
|
رد: أنت في مصر
ايه يا محمد مش من قوانيين المنتدى
منع الدعايات بمزح معاك يا سيدي لا شك مصر هي أم الدنيا وكما عرفت عنها وسمعت انها بلد بيحب الواحد يرجع لها ثاني لم يزورها ، بلد السياحة من الدرجة الاولى لما تتمتع به من متطلبات السائح.الله يحفظها من حسادها ويحفظ لها أرضها وعروبتها . شكرا لك لهذه الجولة السياحية بمصر العروبة ودمت
توقيع : حبىالزهرة
الصدق في أقوالنا أقوى لنا والكذب في أفعالنا أفعى لنا زهرة الشرق .. أكبر تجمع عائلي |
||
09-02-09, 12:22 AM | #3 | ||
يا هلا نورت المنتدى
رقم العضوية : 12171
تاريخ التسجيل : Feb 2009
عدد المشاركات : 5
عدد النقاط : 10
|
رد: أنت في مصر
[align=center]حلو اوى اوى اوى الموضوع ده بجد
عارف كلنا بحب مصر وعندنا انتماء ليها بس اوقات الاوضاع فيها تضايقنا شويه بس ترجع وتقول انك مش هتلاقى الجدعنه دى غير فيها مش هتلاقى الطيبه والحنيه بتاعه المصريين بره مصر مش هتلاقى خفه الدم ةتيسير الامور الصعبه بضحكه غير عندنا هنا وفوق كل ده ده الايمان وحب وربنا واللجوء ليه طبعا ده موجود ف كل الدنيا بس ربنا خصص مصر بحاجاتت مش اداها لبقيه الدنيا دى كل ده مش كافى اننا نحبها لا ونموووووووووت فيها كمان بس ربنا يكرمنا بشويه ضمير بقى معرفش المهم ان بعض المسؤلين عندنا بدهم غيرو من اسلوبهم ف التعامل مع المواطنين حاجات كتير اوى لو اتلغت هتبقى بدلنا احلى واحلى ربنا يخليها لنا ياااااااااااااااااااااااارب ويبارك لنا فيها[/align] |
||
11-02-09, 05:56 PM | #4 | ||
خطوات واثقة
رقم العضوية : 12192
تاريخ التسجيل : Feb 2009
عدد المشاركات : 56
عدد النقاط : 10
|
رد: أنت في مصر
السلام عليكم ورحمة الله وبركاته
بجد حلوه اوي يا محمد الموضوع والله احنا شعب طيب جدااااااااااااااااا وبنبقي ولاد بلد جدا مع الضيوف بس في سؤال ليه ناس كتير مش بتحب المصريين ؟؟؟؟؟؟؟ |
||
13-02-09, 09:30 PM | #5 | ||
العضوية الذهبية
رقم العضوية : 4968
تاريخ التسجيل : Jul 2006
عدد المشاركات : 1,082
عدد النقاط : 10
|
رد: أنت في مصر
تحيـــــــا مصــــــــــــــــــر
احلى كلام عن مصر دايما يجى من عاشق مصر محمد عطيه فكرتنى بجو بلدى الجميل اللى مفتقداه فشــــــــكرا لك اخى الغالى |
||
14-02-09, 01:02 AM | #6 | ||
خطوات واثقة
رقم العضوية : 11541
تاريخ التسجيل : Sep 2008
عدد المشاركات : 63
عدد النقاط : 10
|
رد: أنت في مصر
مساؤك سكر زيادة يا محمد
عارف يا محمد انا بفرح اوى لما ادخل والاقى موضوع لك عن مصر انت فعلا شربت من نيلها مش زى ناس كثير مصريين بالاسم فقط تحية لك عابقة برائحة البحر يا أبن مصر نشوة الموت |
||
15-02-09, 01:11 PM | #7 | ||
محرر في زهرة الشرق
رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122
|
رد: أنت في مصر
[align=center]السلام عليكم ورحمة الله وبركاته
أستاذنا الغالي ابو نواف طب ده انا كنت ححط العنواين وقلت بلاش هههههههههههههههههههههههه ربنا يخلي حضرتك يارب علي الكلام الجميل وأمين الله يستجيب لدعوات حضرتك ومستنين زياره حضرتك نوشه منوره المنتدي ده اولا ثانيا في كل حته يا نهي في فساد لكن طبعا كلنا بنتمني مصر أجمل وأحلي بيني وبينك لو شالوا الدلتا حتبقي احلي خالص هههههههههههههههههههههههههه(بغيظك) رنوووووووشه منوره المنتدي كله يا رنوش بالنسبه لسؤالك خلينا نبص علي نص الكبايه المليان يا رنوش بصي علي اول مشاركه الجميله دي حتلاقيها لرجل كويتي وهو كان في غني انه يرد لكنه بيحب مصر مني ايه بتختفي فين يا بنيت كل ده ..عاش من شافك؟! وان شاء الله ترجعي مصر واسكندريه بالسلامه قريب جدا يا منوش نشوه الموت وانا بفرح كمان لما بشوف مشاركه لحضرتك مليانه بحب البلد دي بجد احنا بنحب البلد دي اوي كلنا ربنا يخليها ويعليها علطول يارب شكرا لمروركم جميعااااااااااا ونورتوا الموضوع[/align] |
||
01-03-09, 10:43 PM | #8 | |||
خطوات واثقة
رقم العضوية : 11204
تاريخ التسجيل : Jul 2008
عدد المشاركات : 120
عدد النقاط : 10
|
رد: أنت في مصر
على اسم مصر التاريخ يقدر يقول ماشاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب ****** على اسم مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت ***** مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال ******** مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر على اسم مصر التاريخ يقدر يقول ما شاء تيتو تسلم ايدك يا ابنى بجد بجد موضوع رااااااااااااائع و دا العادى بتاعك طبعا |
|||
02-03-09, 01:18 PM | #9 | ||
محرر في زهرة الشرق
رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122
|
رد: أنت في مصر
[align=center]سمورشششششش
بجد روووعه في اختيارك قصيده فوق الرائعه طبعا لعاشق تراب مصر صلاح جاهين تسلمي عالرمرو يا بنوته مصر[/align] |
||
06-03-09, 03:30 PM | #10 | ||
المشرفة العامة
رقم العضوية : 4124
تاريخ التسجيل : Feb 2006
عدد المشاركات : 8,226
عدد النقاط : 50
|
رد: أنت في مصر
صعب تلاقي بره مصر حد بيعمل فول وفلافل زي محل محمد أحمد
كل الموضوع الطويل ده فى حب مصر علشاان فى الآخر تعمل دعايه لمحل محمد أحمد هههههههههههههههههه ربنا يحميها يحفظها لنا وسائر بلاد المسلمين وتسلم ايدك على الموضوع الجميل |
||
07-03-09, 08:26 AM | #11 | ||
محرر في زهرة الشرق
رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122
|
رد: أنت في مصر
ايوه يا أمول ما أنا اسمي محمد أحمد...(اسامي كتير).... عطيه فلازم اعمل دعايه لنفسي برضو هههههههههههههههههههههههههههههههه مصرنا الجميله يارب يحميها من كل سوء هي وكل بلادنا العربيه وبلاد المسلمين |
||
07-03-09, 01:36 PM | #12 | ||
المشرف العام
رقم العضوية : 2734
تاريخ التسجيل : Apr 2005
عدد المشاركات : 14,840
عدد النقاط : 203
|
رد: أنت في مصر
[align=center]محمد
سندوتشين فول وتلاتة طعمية وماتنسى السلطة الله يكرمك لا لا لا بلاش كاتشب ولا مسطردة خلي دول مع الشاورما همسه كل واحد بيحلب بلده جدا ولا يقبل عليها اى شئ حتى داخل البلد الواحده كل واحد بيحب مدينته اكتر من المدن الاخرى فانت اسكندرانى وانا قاهرى وامل بحيرة وهكذا [/align] |
||
08-03-09, 12:50 PM | #13 | ||
محرر في زهرة الشرق
رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122
|
رد: أنت في مصر
[align=center]حاضر ياعمو تؤمرني
بس ايه علاقه الهمسه بالموضوع ؟؟ شكرا ياعمو عالمرور الجميل[/align] |
||
أدوات الموضوع | |
|
|
زهرة الشرق - الحياة الزوجية - صور وغرائب - التغذية والصحة - ديكورات منزلية - العناية بالبشرة - أزياء نسائية - كمبيوتر - أطباق ومأكولات - ريجيم ورشاقة - أسرار الحياة الزوجية - العناية بالبشرة
المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك
(ويتحمل كاتبها مسؤولية النشر)