القبض على جاسوس فى مصر

الاعلان عن خبر الجاسوس فى الصحف يثير مجموعة اسئلة :::

1 - ما الحكمة من توقيت اذاعة الخبر الان فى جميع الصحف بالصفحة الاولى وكخبر رئيسى وكذلك تناوله فى كل القنوات التلفزيونية .. 2- هل هذا الاعلان له علاقة بما تردد بوجود اشخاص لهم اغراض خاصة وسط المتظاهرين ..

3 هل هذا الاعلان يراد به اثبات ماتفضلت به الجهات الرسمية من تحذيرات ..

-

وهى الداعمة لها



هل يمكن القول ان بعض الفتن التى تحدث فى البلد مستوردة عن طريق جهات خارجية ..4.


5 - هل يمكن استخدام هذا الاعلان لمنع المظاهرات او تحجيمها مع الاعتراف بحق التظاهر للجميع .؟؟ كلها اسئلة

تحتاج اجابة



6- ايضا تم الاعلان عن ان القاء القبض عليه تم بواسطة ( الامن الوطنى ) اللى هو امن الدولة سابقا .. فهل هذا له علاقة بتحسين صورة الجهاز امام المواطنين ؟؟

بغض النظر عمن قبض عليه المهم ان خظره زال

لا شك هناك أسألة كثير تبرز كون الجميع بانتظار

النتائج ( نتائج أنتصار الثورة ) ولا نلوم البعض عند

أستغرابه فهاهو الغاز عاد تصديري لليهود مجددا

اخي هناك من يعمل خلف الستار خارجيا وداخليا

لأجهاض الثورة وعلى شباب الثورة مراقبة المستجدات

والتصدي لها متى ما ارادت نتائج كما خطط لها . تحيتي

أولاً ليه أستفسار

هي المخابرات الأسرائيليه عبيطة أوي ومتخلفة للدرجادي

في أغتيال المبحوح فرقة الأعتيالات متصورة من لحظه وصولها وحتي حدوتة قبل النوم
والمرة دي في مصر متصور في أطفيح وأمبابة وقدام قسم الأزبكية وفي التحرير

بعدين مش أسلوب المخابرات الأسرائيليه أنها تبعت ضابط موساد لمصر..دايماً بتجند مبترميش عيالها في قلب النار كده

بعدين ده داخل بجواز سفر أسرائيلي .. ده يا فاجر يا عبيط مش واثق من نفسه
ثم بيتكلم شامي مش مصري وأبنه الصغير بيتكلم مغربي
يعني مفيش أي مقومات الجاسوس العادي حتي
والمفروض من سجل الأتهامات الموجه ليها أننا بنواجه العميل 007 مش ضابط عادي ههههههههههههههههههههههه

ثم يا عمو أسرائيل حتنزل عميلها ميدان التحرير عشان يشيل مبارك ليه ؟؟

ده مبارك اللي فتحلهم المركز الأكاديمي الأسرائيلي بالقاهره اللي عارف كم شجرة بالقاهره بالضبط
واللي ودا الغاز لأسرائيل
واللي أتنزال عن قرية أم الرشاش المصرية (إيلات) لأسرائيل
واللي فتح السياحة قدام أسرائيل في الأراضي المصرية
واللي أحتفل بذكري بناء الكيان الصهيوني كل سنة
واللي أستقدم خبراء الزراعة الأسرائيلين في مصر عشان يسممو ويسرطنوا الشعب المصري
واللي حاصر غزة حصار مميت

حتشيله ليه أسرائيل؟؟..ده خدم أسرائيل أكتر ما بن جوريون نفسه خدم أسرائيل

وبعدين أخر التحقيقات الصادرة عن ن.ع بتقول أنه هو مفجر خط الغاز لأسرائيل اللي هو شريان الحياة ليها



ده أقصي حاجة نعملها مع الأهبل ده..قرصين مشبك في أيده ونبعته أسرائيل هما حيعملوا معاه الواجب علي غباوته دي
هههههههههههههههههه


وبعدين لما نأح عليهم موضوع الأسرائيلين

ما يتنيلوا يقفلوا السياحة فوش الأسرائيلين ويمنعوا تصدير الغاز نهائياً
ما أحنا كده كده حنتزنق في محكمة دولية بخصوص الغاز وحندفع تعويض عاجلاً أم أجلاً بسبب الله يحرقة بجاز 80 مبارك الكلب..وكل التعويضات عشان نقطع الغاز اللي هو مطلب الشعب كله ومش حيتنازل عنه وكل مرشحين الرئاسة ده في أوائل برامجهم الأنتخابية..فيقطعوه من دلوقتي أحسن

يسحلوا الواد من قفا أهله كده ويطلعوا بيه علي قاضي المحكمة الدولية:: يقولوا له // يرضيك ياعم الحاج نديلهم غاز يقوموا يبعتولنا عيل سيس يجند سواقين ميكروباصات رمسيس ويولع في قسم الأزبكية اللي عاملينه كله رخام بعد الثورة وملكفينه شئ وشويات وعاملين يافطة الشرطة في خدمة الشعب جديده بالمض الفلورسنت عاملالها قيمة 75 جنية.. هي فلوس حرام دي ولا أيه؟؟ ههههههههههههههههههه