الألتزام

بعثه المنتخب الجزائري ستصل فــ الثانيه عشره بعد منتصف ليله الثالث عشر من نوفمبر ومعها ثمان طائرات للجويه الجزائريه تقل الفي مشجع

خليني بقي أتكلم مصري
أنا بأذن الله حكون موجود في القاهره يوم المتش مع الرابطه في الاستاد
لكن خليني اوصلكم شويه حاجات الرابطه بتحث عليها وياريت كلنا مشجعين داخل الاستاد او من سكان القاهره او وافدين للقاهره في اليوم ده...

*بره الملعب

متحاولش تضرب مشجعين الجزائر بره الملعب ولو لاقيت حد بيعتدي عليهم دافع عنهم وفهم اللي بيحاول الاعتداء أن الجزائري مهما كان شتم مصر فالمثل المصري بيقول (من جالك دارك جاب الحق عليك) وانهم دلوقتي في بيتنا-مصر- ومينفعش نعتدي عليهم لا بالايدين ولا بالكلام لأن منتخبنا اسمه منتخب الساجدين ولازم نبقي زيه بنتحلي بروح الأسلام والأيمان ..
والمسلم في تعريف النبي عليه الصلاه والسلام ( هو من سلم الناس من يده ولسانه)
أيضا فأكرام الضيف من الأسلام وأحنا طول عمرنا أكرم شعوب العالم وأكترها حبا للسلام
وانا معاك عشان بنحب بلدنا نفسنا نرد علي اللي شتموها
لكن (كل أناء ينضح بما فيه) أن كانت هذا ما تنضح به الجزائر سب وحرق للعلم والخ
فدع العالم يري ما تنضح به مصر من كرم وأخلاق
هكذا نرد كرامه مصر ..وهكذا يعرف العالم المؤدب من عديمه

* جوه الاستاد

طبعا عرفنا ان لأول مره في أفريقيا يكون في اربع مراقبين لمباراه من لجنه الفيفا
الفيفا يا جماعه راقبت اللي بيحصل في الجزائر وتوقعت ان الرد حيكون عنيف من جمهور مصر وهددت بقوه بخصم النقاط....!
وخد بالك ان العنصريين الامنين من الاربعه عناصر الاصليه من المملكه المغربيه
فأكيد أكيد أكيد بدون شك متحيزين للجزائر طبعا
يعني من الأخر واقفين للأمن والجمهور جوه الملعب علي الواحده

يعني أي عصبيه او تصرف غير مسئول صدقني حتبقي بتضيع مجهود كل الناس اللي في الملعب
لا تشتم ولا ترمي نار في ارض الملعب ويستحسن متولعش نار حتي في المدرج
ولا تصفر وتعلي صوتك وقت السلام الوطني بتاعهم ولا تحاول تحرق علمهم
لأنه عيب جدا أصلا تحرق علم دوله عربيه في بلد العروبه
لو هما حرقوا علم مصر فدي حاجه تخصهم هما لكنا احنا ناس محترمه مبتعلمش الحاجات المشينه المقززه دي

هدي أعصباك خالص كده
شجع فرقتك..عليّ صوتك وخوف الخصم بأسم مصر بقوه وهز الأستاد طول 90 دقيقه وملناش دعوه بغيرنا


* بره الملعب تاني

لو عايز تسهر بالطبل وكلاكسات العربيات تحت فندق بعثه المنتخب الجزائري طول الليل ومتنيهمش
مفيهاش اي مانع لأنهم عملوا معانا كده بالضبط ومفيهاش أي قله أخلاق أطلاقا
أنت بتحطهم في نفس الجو اللي هما حطوا فريقك فيه وهو عندهم
عــــــــــــــــــادي جدا

البعثه حتنزل في فندق (موفنبيك 0المطار )





يالا اشوفكم في كايرو وان شاء الله تعالي النصر لمنتخب الساجدين