أسئله عبيطه

*لو رجال الوطن العربي جميعا لبسوا الكمامات وساروا بها في الشوارع والميادين والطرقات
هل سيظهر لنا قاسم أمين اخر يحرر الرجل العربي ويجعله يخلع الكمامه ويسير مكشوف الوجه كالرجل الأوروبي ....؟؟


* الزمالك فرقه دلوقتي وقتها ...ماحدش بيخسر زيها... كل الفرق قبلها و محدش بعدها ...ناس كتير شجعتها واتحرق دمها ...ميدو و زكي و شيكابالا خربوها و قعدوا على تلها ...والباقي مايستاهلش يشيل اسمها ...الزملكاوية... السكر والضغط عندها ...ربنا يتوب علينا منها .. الزمالك طورت فرقتها ومش حتسيب لا نجع ولا قريه ..مش حتخسر منها ...الزمالك..أنطلق.

هل تري في الزمالك أمل
أم أنه كما يقولون
أن الزمالك فرقه تتباس وتقعد علي جمب ؟؟؟؟

* كأس العالم للشباب
كل الناس بتقول لازم نكسب أيطاليا ؟؟؟

ليه لازم يا جماعه ؟؟
دي البطوله في أرضنا أحنا
يعني أحنا صحاب الكوره ولازم نلعب لأخر ماتش
كسبنا خسرنا نلعب

يا اما كل واحد يروح يلعب أدام بلده بقي
في ناس نايمه هنا وتعبانين وحنرش ميه
ولو الكوره جت ناحيه مصر تاني نقطعها

والامارات كمان عربيه زينا يعني ولاد خالتنا ولازم يفضلوا للاخر بالعافيه برضو
أمال بنلعب كوكوب الارض عندنا ليه يعني
فاتحنها سبيل
مش عشان نفرح الناس الغلابه دي يا ظلمه ياللي متعرفوش ربووونا

ولا أيه وجه نظركم ؟؟؟





أسئله نطرحها عليكم ايها المشاهدون في انتظار أتصلاتكم وأيميلاتكم ومسجاتكم وردوكم.. اللي مش حيتعمل بيها أي حاجه المهم اننا نكسب من اتصالتكوا دي وانتوا تنفسوا عن روحكوا

هل سيظهر لنا قاسم أمين اخر يحرر الرجل العربي ويجعله

يخلع الكمامه ويسير مكشوف الوجه كالرجل الأوروبي ....؟؟

ممكن بس كم ميدان تحرير راح يكون عندنا هنا المشكلة

الا اذا يسموا الاول ميدان نسائي والثاني رجالي وهات يا حرية

تحيتي لك

[align=center]لأ احنا مش حنروح ميدان التحرير
ميدان التحرير زحمه
وسلم التحرير يا اسطي وانت فوق اكتوبر
لالالالالا

أحنا كرجاله عرب حتكشف وجهها
حنروح شارع جامعه الدول العربيه ..
ده كفايه كده بصتك من مصطفي محمود علي الكواكبي والعجوزه ولا سور نادي الزمالك
ولا فرغلي بتاع العصير
ولا شارع شهاب وجاد بتاع الفول والفلافل علي اوله ولا وادي النيل


الخطه دي top secret يا ابو نواف
محدش يعرفها من الحريم خالص
واهو برضو يبقي توحيد للعرب أمام مبني جامعه الدول العربيه
ونبقي ضربنا سلحفتين بحجر[/align]

طيب مانوزع الناس على ميدان التحرير
ومصطفى محمود والدقى احترازا من انفلونزا الخنازير برضة