مسجات اشعار للجوال

مسجات اشعار للجوال ...

--------------------------------------------------------------------------------



السلام عليكم ورحمة الله ،،،

هذي بعض المسجات للجوال ارجوا ان تنال على اعجابكم ..

نبتدي...

سلام لك من صادق القلب مشروح ***** يلي غلاك بداخل القلب ماراح
ناسٍ تجي وتروح ماهزت الــروح ***** وناسٍ غلاها ثابتٍ وسـط الارواح
يلي بنيت من الوفا قصر وصروح ***** قصرٍ مشيد مع اهل الجود ماطاح


سلام ياتاج الوفا جاك مغليق ***** يطلب رضاك ويعتذر عن غيابه
همـه فقط من دنيته بس يرضيك ***** وغيرك ترى لو مات مادق بابه
قلبٍ ملكته بالوفا كيف يرميك ***** وأنت الرجاء لازاد فيه اكتئابه


محد يشق القلب من غير تفكير **** حتى الطبيب يرتجف ثم يحتار
وانت شقيت الجوف من دون تخدير **** وبنيت قصور داخل القلب وأنهــار
"وجهـة نظر" كتبتها بصدق تعبير **** وأرسلتها للــي له بداخل القلب تذكار


مابي تعاملني مثل باقي الناس ***** وانا اشوفك بالغلا فوق نفسي ،،، .

ياللي معك كانت لي اجمل حكاية ***** وألحين مالي حس عندك ولا صوت ،،، .

حب قصير ،، وحب ماله نهايه *** وحب يموت ،، وحب اقوى من الموت ،،، .

من رافقك سماك راعي المواجيب **** ومن يجهلك راحت حياته خسارة ،،، .


مايصير انساك لامايصير **** في خفوقي لك محبه واحترام
قبلك الدنيا مثل حلم صغير****وعقبك الدنيا غرام في غرام
انت مثل النور في عين الضرير****لي لمحتك مابقى حولي ظلام
فيك روحي فيك عمري والمصير****فيك كل ايام عمري والسلام


غلاك لول ماتغير ليلحين *** مازلت غالي يابعد كل غالي
مهما نغيب ايام وشهور وسنين *** يبقى رصيدك بالحشى دوم عالي
لاماتغيرنا على العهد باقين *** باقين مهما ابعدتنا الليالي


اتعبت قلبي من جفاك وتغليك *** وتاهت بي الشرهه ولا حد ذكرها
المشكلة قلبي حلف مايخليك*** ومدري مته ظروفك توقف ضررها
الذنب ذنب الحب ماهو خطأ فيك*** هذا خطأ نفسي وهذا قدرها


انت الذي لك داخل القلب تذكار** وانت الوحيد إلي من القلب اغليك
وانت السبب في كل هاجس وافكار ** وانت الذي خالق الكون معطيك
وانت الجمال وصافي اللون قد صا ر** وانت الوليف وصافي الحب اهديك


يارفيق القلب ماصدق نسيت *** خابرك مهما تعذبني حنون
لاذكرت ايامك الحلوة بكيت *** ماتهون ايام ودك ماتهون
راحتي وياك لامنك صغيت *** في ثواني كلها بوح وشجون
لاقريت ابيات الرساله وانتهيت*** ودي اعرف في حياتك من اكووون ؟؟؟


ياغايب عني لك الحب ماغاب *** متى تجي تشوف همي بعينك
ماطاب لي جرح ولا خاطري طاب*** مته يديني تحتضنها يدينك
ياصاحبي لو قالوا الوقت كذاب *** يكفي كلامك ودافئ حنينك
لو ان قصدي في الزمن كثر الاحباب*** ماقلت ياساكن الروح وينك


وسلامتكم ...
ان شاءالله تعجبكم ...

مسجات حلوة

شكراً أخي الفاضل

مع خالص التحية و التقدير

مسجات جميله

تشكرات

قلب الدوحة


كل الشكر على طرح هذه المسجات


تقبل خالص تحيتى

[ALIGN=CENTER]

سلام لك من صادق القلب مشروح ***** يلي غلاك بداخل القلب ماراح
ناسٍ تجي وتروح ماهزت الــروح ***** وناسٍ غلاها ثابتٍ وسـط الارواح
يلي بنيت من الوفا قصر وصروح ***** قصرٍ مشيد مع اهل الجود ماطاح

قلب الدوحة
شكرا على هذا الاختيار الرائع





مع التحيـة

مشــاعل

[/ALIGN]