زغــــــــــيرة وماتعرف تــــــــــحب

زغــــــــــيرة وماتعرف تــــــــــحب


من روائع الشعر الشعبي العراقي


السلام عليكم ورحمة الله وبركاته

هذه قصيدة رائعة القاها طالب في حفل تخرج في احدى الجامعات العراقية في السبعينيات وهي تحكي قصة حب عنيفة بينه وبين طالبة معه في الكلية شك بانها على علاقة مع الاستاذ


زغيرة وما تعرف تحب

زغيره وما تعرف تحـــب .. ولا دغـدغ قلبها الشــــوق
خفيفة بشط هواها تروح .. ودومها تعاتت اويه الموج
زغـــــــيره وحســـــرتي كبــــــيره ..
يا صاحبي ما أظنها تفّل ..ولا اظن يحصد اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه قلت عنها ولا عني
أهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. زغيره وما تعرف تحب
كثيره أيام يا ناس وآنا هالحاير .. لا شوره تدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
أوادم وشت عليّ .. مثل ما وشـــت عليها ؟
لا ماكو عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم ويـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بيني وأتل بيها
وإلا استادنا ريّض .. يقــــول هالنـاس شعليها
حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــقول عليك يا استاذي .. شــريد أدعي ؟
عسى انك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر
نار وبالضلع تسعر
عسى انك بيش يملذون يلن كل جلمة بالدفتر تذكرني هواك اكثر
واذكرنهة احبنهة
وحك عيناك يا استادي وعلي الشرجي احبنهة
انشد عليك أبو حزامين لا توصل بعـــد يمها
شـــتريد انطيـــك شـــهديلك ..؟
الك قلبي وقــلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهــادي
احرم عليك حتى طبة النادي
وشحدهة وتكَلك طب ... زغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو سـاعه اضحكت ويــاي
ولا أقدر اسقطنها إن صــدت تـريد جفـــــاي
انا منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح وتصيح الدّاد
ما جاني برقبتك يا استاد
جرحي ما يلفه ضماد .. ولا اظن قصتي على البشر تنعاد


رد الاستاذ:

عيش ابخت واحجي ابخت وبوكَ ابخت مكَرود يالمالك بخت
صدكَ يالتنشد عليها ودمع عينك حرام يصب
صدكَ يا فلان زعطوطة زغيرة وما تعرف تحب
زغيرة ولعبت علية زغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التسولفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك عليها يصب
صدك يا فلان زعطوطة، زغيرة وما تعرف تحب
عليمن تنخة ابو حزامين وتتهدد بعلي الشرجي وعلي الهادي
وتريد تحرمني غصب من طبة النادي
يا حيف عليك وانت مشورب وراهي
ويكولون الفهم عندك
ولك وين الفهم ياليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الريح مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة[COLOR="Magenta"]


رد الطالبة

جبيرة انة جبيرة وعدكم زغيرة
زغير الماعرف امرة وتدابيرة
زغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم زغيرة
زغير انت ..زغير وماتعرف تحب
نسيت شلون اتلكَاك من تجهب
هناية لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي زغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم زغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
ومرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم زغيرة

لكم

صغيرة وماتعرفش تحب صغيرة
مع الأيام تنضج ويكبر عودها ويصقل ذاك الاحساس
وينضج قبل أن تمر بها تواريخ اعياد الميلاد
.
.

مشكور حسين

تقبل مروري

صغيرة وماتعرفش تحب صغيرة
مع الأيام تمضج ويكبر عودها ويصقل ذاك الاحساس
وينضج قبل أن تمر بها تواريخ اعياد الميلاد

يقال المعنى في قلب الشاعر
والمقصود هنا أن العاشق كان يغمز بأن حبيبته التي عشقها الاستاذ ,صغيرة ويمكن خداعها
فيا استاذ اترك محبوبتي ولا تخدعها


لكن الفتات تجيب بثقه وبعنفوان النساء الواثقات من انفسهن


جبيرة انة جبيرة وعدكم زغيرة
زغير الماعرف امرة وتدابيرة
زغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم زغيرة
زغير انت ..زغير وماتعرف تحب
نسيت شلون اتلكَاك من تجهب

تقول انا كبيرة وعندكم صغيرة
ولكن الصغير هو انتم لانكم ماعرفتم تدبيركم معي وتهمتوني
والصغير هو الذي ظلم الناس وتهم الاخرين
والعاشقون يقولون للطير اذا مال الغصن فطر لغيرة خوفا من السقوط
والصغير انت وانت المتهم بالصغر الى اخر المساجله [/size] وعلى اعياد ميلاد النساء لاتعد الشموع

شكرا للتعليق والمرور

اشكرك اخي حسين ,,,

على هذه الرائعه ,,


تقبل مررروري,,,

المشاركة الأصلية كتبت بواسطة عبدالله بن حمود اشكرك اخي حسين ,,, على هذه الرائعه ,, تقبل مررروري,,,

شكرا لوجوكم وشكرا لردكم المميز
اسعدني وجوكم والتعليق الكبير

[align=center]اخي العزيز حسين الحمداني

اخذت هذه القصيد في حينها حيزا واسعا
في حينها بين الشباب
وعلى اشرطة الكاسيت وقد رددت كثيرا

شكرا لك على تذكيرنا بها مره ثانيه
اجمل تحيه مني

سلام العبيدي[/align]

المشاركة الأصلية كتبت بواسطة سلام العبيدى [align=center]اخي العزيز حسين الحمداني اخذت هذه القصيد في حينها حيزا واسعا في حينها بين الشباب وعلى اشرطة الكاسيت وقد رددت كثيرا شكرا لك على تذكيرنا بها مره ثانيه اجمل تحيه مني سلام العبيدي[/align]

تحيه وتقدير لعشاق وأهل الزمن الجميل كما ذكرت زمنهم وحبهم ومشاعرهم ومازلنا نترجم ذلك الحب وتلك الحياة

اشكركم ولكم خالص التقدير

محاورة جدا جميلة نتمنى ان نقرا جديدك دوما تقبل مروري و

المشاركة الأصلية كتبت بواسطة زيـــاد مشكور حسين تقبل مروري

زياد الكبير أنت في القلب دائما تقبل خالص السلام ومن الأخوة والزملاء

المشاركة الأصلية كتبت بواسطة بوران محاورة جدا جميلة نتمنى ان نقرا جديدك دوما تقبل مروري و

السلام عليكم
شكرا رائع أحساسكم الجميل تقبلوا التقدير

[align=center]السلام عليكم ورحمة الله وبركاته
تقبل مني مروري اخي الحسين

الحب ماله سن محدد قد يطرق الباب عند الطفل في اي سنة

لا تلوم الاطفال اذا لم يعرفو يحبوا لأنهم يجربون الحب وما يعرفون المر والحلو في الحب[/align]

السلام عليكم ورحمة الله وبركاته
السلام عليكم

القصيدة عميقه لحدود أبعد من الوصف لما فيها من لمس رحوحي ونسيج عشقي جميل

والمقصود بالصغيرة هو الخوف عليها من التلاعب بمشاعرها ولونها غصن طري
الف شكر للرد تقبلوا السلام والشكر

زغيره وما تعرف تحـــب .. ولا دغـدغ قلبها الشــــوق
خفيفة بشط هواها تروح .. ودومها تعاتت اويه الموج
زغـــــــيره وحســـــرتي كبــــــيره ..
يا صاحبي ما أظنها تفّل ..ولا اظن يحصد اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه قلت عنها ولا عني
أهيم وما أقول أرجع .. تجي يمّي وتجابسـني