بتهرج ولا أيه ؟

المكان عند الحلاق

أيه ده أيه ده..مينفعش تحلق بمكنه الحلاق
ده بيغير الشفره
حتي لو... مبتشوفش اعلانات كل وزرات الصحه العربيه ولا أيه ؟؟
بشوفها ..فيوجن يا ابو الشباب ..طب حبقي أجيب عده حلاقتي أنا
ولا دي كمان الامراض منتشره يا ابني ..متحلقش خالص سيب نفسك..شكلك فعلا مبتشوفش اعلانات التحذير
لا بشوفها وباخد بالي من اعلان الفراخ المستورده اللي بيجي بعدها ..نفسي اوي في الفراخ الطازه قرفت من البرازيلي دي
بتهرج ولا أيه؟
ليه ؟
أحنا كحكومه منعنا الفراخ وقفلنا محلات الطيور من زمان يا بابا عشان انفلونزا الطيور..كل مستورد بقي بس
ويعني المستورده واخده فلورست معندهاش انفلونزا..لالا..أنا حشتري لحمه ضأني او جاموسي
بتهرج ولا ايه ؟
ليه ؟
اللحمه بتتغش بلحمه خنازير يا حبيب قلبي ..وانفلونزا الخنازير بقي كل سنه وأنت طيب
طيب حاكل سمك وأمري لله
بتهرج ولا أيه ؟؟
ليه ياعم انت ؟؟
يا ابني السمك بقوا يحطوله هرمون ذكوره عشان يكتروا الأنتاج والذكور ..فتلاقي السمكه خياشمها حمرا جدا وده بيجيب بعيد عنك كنسر
لا حول ولا قوه الا بالله..والله أنت كرهتني في اللحمه بكل أنواعها يا شيخ.. وفي اللي بياكل اللحمه.وفيك أنت شخصيا
أديني بقي في الخضروات ..من أنهارده أنا نباتي
بتهرج أنت علي فكره
ليه ياعم مالها دي كمان ؟؟
يا ابني الخضروات كلها مرشوش عليها أسمده وكيماويات مسرطنه وبتسبب كنسر وبلاوي سوده
يادي النيله السوده ..طب عليه الطلاق ما واكل غير عيش حاف
عيش ؟؟؟ يا نهار أسود ...أنت بتنتحر يا أبني ؟؟
ليه ياعم ؟؟؟؟؟؟؟؟؟؟؟؟؟
ياعم ونيله أيه ..عيش ايه يا ابني انت مسمعتش عن صفقه القمح الروسي الفاسد اللي طلع فيها نباتات سامه وكشفها نواب مجلس الشعب في أخر لحظه قبل توزيعها
الله يخرب بيت شيطانك ده انا كرهت نفسي.. ..انا حشرب ميه بس
أها وياريت نسلا بس ..عشان حتي باقي الميه المعدنيه بتعمل فشل كلوي..مش حقولك بقي ميه الحنفيه بتعمل ايه

مسك صاحبنا شفره الحلاق ودبح نفسه بعد ما أصيب بحاله هيستيريا فظيعه

ده حوار مواطن عربي بسيط بس مش مبسوط مع مسئول في وزراه الصحه بس مش مسئول

انت بتهرج والا ايه
لا اكل ولا شرب كفايه نتنفس بس
لالالالالالالالالالا بلاش الهواء ملوث
نروح نموت احسن بلا وجع دماغ ياعم
ههههههههههههههههههههه
شر البليه مايضحك
بجد انا اتعقدت يامحمد ربنا يسامحك انت والمواطن والحرامى قصدى المسئول
تحيتى

لا مظهر ولا لحمه ولا فرخه ولا خضره
ولا سمكه ولا ميه ؟ يا الله حسن الختام
وبلاش انتحار ولنتذكرولكل أجل كتاب
تحيتي لك اخي محمد

[align=center]((ظهر الفساد في البر والبحر بما كسبت أيدي الناس )) صدق الله العظيم

الموجود بالعالم كله من ابتلاء في المأكل والمشرب ليس الا ابتلاء الله عز وجل وغضبه كما أبتلي السابقون في مأكلهم ومشربهم..

شاكر مروركم جدا يا منوش ويا ابو نواف
نورتوا المتصفح

[/align]

قل ما عند الله خير

فعلا الواحد بقا يخاف من كل شيء

و الاحسن انه يشرب شاي !!

مشكور محمد عطيه للحوار

تقبل تحيتي

[align=center]و الاحسن انه يشرب شاي !!

مظنش
كبري شركات الشاي العالميه تورطت بصباغه ومنح نكهات لنباتات شبيهه و أخشاب وخلطها بالشاي
خد حذرك يا زياد[/align]

خلاص بلاش الشاي يبقى نشرب منقوع الجزر بالخل !!

أهو كده لازم يكون الامور تمام بما أن الخل مطهر !!

[align=center][align=center]عارف والله
كيلو الطماطم الاورجانيك علي سبيل المثال بعشرين جنيه في حين العاديه بجنيه ونص
وقيس علي ده وكل البلاد العربيه كده للاسف
قولي لو راجل غلبان عايز يأكل ابنه المريض مثلا أكل نضيف مش بكيماوي يعمل أيه ؟؟

مسئولينا العرب حرصهم علي المال أشد من حرصهم علي صحه شعوبهم[/align][/align]

ربنا يسامحك يامحمد ومنه لله اللى كان السبب
طيب قولنا الحل ايه دلوقت يااستاذ
زى ماقفلتها فى وشنا شوفلها حل والا الناس هتاكلك انت
هههههههههههههههه
ويقولوا ماكنا بناكل وساكتين وراضين ومستكنين ومش فالحين غير
حسبنا الله ونعم الوكيل

[align=center]الله يسترها معانا بجد الواحد صار يخاف من كل شيء

الواحد يعمل ببيته اكتفاء ذاتي يزرع ويربي شوية بهايم يستفيد منهم

ويلغي حكاية الاستهلاك الخارج عن نطاق حدود منزله ما في غير هيك

ولو انه دي صعبه كتير

شكرا محمد على الطرح المضحك المبكي

اجمل تحيه[/align]

المشاركة الأصلية كتبت بواسطة mony ربنا يسامحك يامحمد ومنه لله اللى كان السبب طيب قولنا الحل ايه دلوقت يااستاذ زى ماقفلتها فى وشنا شوفلها حل والا الناس هتاكلك انت هههههههههههههههه ويقولوا ماكنا بناكل وساكتين وراضين ومستكنين ومش فالحين غير حسبنا الله ونعم الوكيل

أحنا شعوب كسلانه بنعرف ناكل وبس مبنعرفش نعمل الأكل
يقولك القمح الأمريكي والمانجه الهندي والكيوي الاندونيسي
اه بمناسبه الكيوي
اموت واعرف مين خلي زراعه الكيوي اهم من زراعه القمح ؟؟؟
حتجن واعرف اسم الجينيس ده

المشاركة الأصلية كتبت بواسطة Amal2000 [align=center]الله يسترها معانا بجد الواحد صار يخاف من كل شيء الواحد يعمل ببيته اكتفاء ذاتي يزرع ويربي شوية بهايم يستفيد منهم ويلغي حكاية الاستهلاك الخارج عن نطاق حدود منزله ما في غير هيك ولو انه دي صعبه كتير شكرا محمد على الطرح المضحك المبكي اجمل تحيه[/align]

هي مستحيله مش صعبه يا أمل
سبحان الله
أذكر لما النبي عليه أفضل الصلاه والسلام راح يشتري التمر
فلما وضع يده في أسفل ما يحوي التمر وجده فاسد فلما سأل الرجل
قاله اصابه الغيث فأمره ان يعرف الناس بعيبه وقال له
من غشنا فليس منا
ولا لما رجل مسلم في الهند كان بيبيع بنطال وبعد ما باعه ركض خلف مشتريه وقاله خذ ثمنه لآن البنطال به ثقب
فالرجل قاله لأ انا عايزه بعيبه قاله يبقي تاخد فرق الاموال فقاله مين أمرك بكده قاله ديني فأشهر الهندي أسلامه
ولاسوره المطفيين ( ويل للمطففين الذين اذا اكتالوا علي الناس يستوفون واذا كالوهم او وزنوهم يخسرون)
زي اللي فتح مصنع سكر وبقي يقلل خمسه جرام من كل كيس سكر عشان يحقق ارباح خياليه في الاخير
بقت التجاره شطاره ونسوا ان الرزق لن يزيد باستعجاله بالحرام

أعذريني علي كتير كلامي يا أمل