|
رد: غـــــــــــــــزه
[align=center]القلب الهادي
اولا احب اسجل اعجابي بأرائك السياسيه جدا واتفاقي معاها جدا
بصي يا قلب هو علي رائ اخونا ابو نواف الفاس وقعت في الراس خلاص
وكله غلطان مفيش حد مغلطش
والفلسطنين نفسهم اول ناس غلطانين
دول بتوع حماس بيعملوا بتوع فتح دلوقتي حالا وقت الضرب دروع بشريه !!
وبعدين قوليلي مين اللي بيقول لليهود علي اماكن تمركز قيادات المقاومه بالضبط ؟؟!!
في ناس شتمت حسني مبارك ماشي هو وحش انه موقفش الغاز لاسرائيل
لكن في نفس الوقت في وحشين برضو اسمهم القذافي وحكام الخليج موقفوش البترول لاوروبا وامريكا للضغط علي اسرائيل
وبعدين ناس تقولك حسني مبارك خاننا ...وهو حسني مبارك ماله بالليله دي كلها اصلا
ده راجل داخل عايز يعمل هدنه عشان الشعب الفلسطيني يعرف يعيش
المجانين بتوع حماس عشان هو لما بيجوا مصر مبيستقبلش حد فيهم فبيكروه
مهيجين بقي الراي العام العالمي عليه
واسرائيل كانت عارفه كده فبعتت وزيره الخارجيه قبلها بيوم عشان مصر تطلع متواطئه فيبان للجماهير مع تعليقات حماس ان الموضوع كامل جدا ان مصر متواطئه
طب سوري يعني هي لما اسرائيل تحب تضرب فلسطين حتبعت وزيره خارجيتها تقول لمصر
بعد اذنك يا مصر احنا حنضرب فلسطين اوعي تزعلي اوكي
فقامت مصر قالتلها : جو اهيد يا اسرائيل المكان بتاعك يعني
؟؟!! تفكير يجن بصراحه ربنا
مين بقي يصطاد هو كمان في الميه العكره وميعيديش الموقف
ايران ونصر الله طبعا طبعا طبعا دول ما حيصدقوا
وبالسنبه للضابط المصري اللي اتقتل علي الحدود بنيران فلسطينيه فانا مرضتش اعلق وقولت مات من التدافع عشان معملش فتنه
رحمه الله
علي فكره اي دوله غير مصر والكلام علي كله كانت قفلت المعبر علطول ادام الفلسطينين طالما وصلت لقتل ولادها
بس للاسف هي دي مصر اللي علي مستوي المسئوليه دايما
قطر اللي عماله تقول وتعيد دي اكتر دوله عربيه بتتعامل مع الكيان الصهيوني اكتر من الاردن ذات نفسه وعشان كده خدت مقعد مجلس الامن بمباركه امريكيه
وليبيا اللي عماله تقول وتعيد في حته قطع الغاز
طب ما تقطع بترولك انت الاول وغازك عن اوروبا
عيب الشعب العربي الخنيق
ان كل واحد باصص لعيوب التاني وهو كله عيوب من ساسه لراسه
اخي الحبيب ابو نواف
والله ما ذكرت اسمك الا عشان ما تزعلش مني وتقول تجاهل ردي لانك تعلم ما اكنه لك من احترام واجلال وتقدير وحب الاخ الاصغر لاخيه الكبير
نصر الله يدعو المصريين لمظاهرات مليونية لفتح معبر رفح
سبحان الله يدعو مصر! وأهل أنت مشلول ؟ وأين قوتك المزعومه؟
ام انك قد أدخرتها لصدور العرب ؟
والله العظيم عند حضرتك حق يا ابو نواف
هو بس فالح يطلع يقول
(ان حزب الله قادي علي ضيب الكيان الصهويني في اي وقت )
اضرب طيب طالما ربنا مقدرك
وناس تقول لحضرتك هي ليه مصر مبتحاربش ؟؟
لا انا بقولها اهو لأ مش ححارب لوحدي
احرب لما الاقي الجندي السوري والجندي الليبي والقطري والبحريني معايا في الحرب
لكن انا احارب واصرف وانت تقعد تتفرج عليه في الجزيره مباشر ؟؟!!!!
وبعدين في نقطتين
في الاسطول السادس الامريكي في البحر المتوسط
ده فيه اسطول طيارات لو شبكه الدافع الجوي غابت لحظه في مصر
حيساوي العاصمه التانيه لمصر (اسكندريه) بالارض في نص ساعه بالضبط
عشان كده كليه الدفاع الجوي في اسكندريه
نقطه تانيه لنه مين حيمول الحرب هي الحرب بالساهل
دي خساير اقتصاديه اكتر من بشريه
لما تقعلي طياره بعشره مليون
ولا بلاش
ده لو ضاروخ تمنه مثلا عشره الاف دولار اضرب علي هدف بالف دولار
ابقي انا خسرت طبعا اقتصاديا خساره فادحه كمان
الللي بيتكلم عن الحرب ده بلده محاربتش من ايام فتح بلاد فارس
احنا اللي عارفين الحرب واتبهدلنا حروب القرن اللي فات
وانا مش بقول منجاهدش ومناحربش
اقسم بالله ابدا ده ياريت والله شهاده علي ابواب الاقصي
بس في ظل وحــــــــــــــــــــــــــــــــــــــــــــــــ ده عربيه
غير كده صعب جدا الا لو اضطرت الظروف مصر
النقطه دي اظن مفيهاش اختلاف بين اي طرف عربي
الطرف الوحيد اللي من حقه اللوم هو الطرف الفلسطيني
واللوم يكون علي الفرقه العربيه
دلوقتي اللي فيادنا بكل اسف التحرك الديبلوماسي
والدعــــــــــــــــــاء لغزه وان يهدي الله حماس الي عقولهم
والله والله سيحاسبنا الله علي سكوتنا عن الدعاء
نحاسب انفسنا
هل دعونا حتي لاهل غزه بعدد الشهداء
سقط الي الان اكثر من ثلاث مائه وخمسين شهيدا
اللهم انصر اخواننا في غزه
اللهم ارحم شهدائنا في غزه
اللهم اعز اخواننا المسلمين في غزه
اللهم انتصر للمسلمين في غزه
اللهم انتقم من اليهود الملاعين
ورد كيدهم في نحورهم يارب العالمين
واجعل تدبيرهم في تدميرهم انك علي كل شئ قدير
[/align]
|