طبق منقول عبر الهااااااتف
=-=-=-=-=-=-=-=
مرحبـــــا بالجميــــع
جميــــع المشاركات والمشاركين معنا
اليوم أقدم لكم الصنف ده يصلح كوجبة رئيسية يقدم بجانبها أي صنف اخر من اللحوم .
ورايا لو عاوزين تعرفوا طريقة العك … اصدي طريقة الطبخ …هههههههه
شوفوا يا حلوين …
تجيبوا مكرونة مقصوصة حجمها وسط … …
وطبعا تسلوقوها وتشطفوها بالميه وتصفوها …
عارفين ازاي طبعا …
المهم خلوا المكرونة بعد سلقها على جنب دلوقتي .
تجيبوا حلة فاضية ..
وتحطوا فيها صلصة كمية كويسة كده … بلاش بخل …
وتحطوا عليها ميه وتدوبوها يعني تبقى صوص
كتير كده ربع الحلة مثلا … صلصة كتيره يعني …
وبعدين تحطوا معاها كمية مناسبة من العصاج …
طبعا بتعرفوا تعملوا العصاج اكيد ..
( يعني اللحمة المفرومة مع بصل وبهارات والذي منه يعني )
وتحطوا فلفل اخضر بعد ما تقطعوه صغير
وكمان تحطوا معاهم جبنة رومي مبشورة بتدي الاكل طعم روووووعه صدقوني …
وكمان مشروم صغنن …
ومعاها معلقة سمنة تدي تسبيكة حلوة للاكل وتتخنكووووووووا … ههههههههههههههه.
المهم وعلشان احنا عاوزين قوام الصلصة يبقى سميك شوية
تقوموا مدوبين معلقة دقيق في ربع كباية ميه على البارد
وبعد كده تحطوها على الصلصة
وهي على النار لحد ما تغلي كويس مع استمرار التقليب
تروحوا حاطين عليها المكرونة …
وتحطوا بقى شوية بهارات وملح وفلفل كل واحد ومزاجه في الاكل …
تسيبوها شوية على النار .
وبعدين تاكلوها بالهنا والشفاااااااااااا.
طبعاً منقول
لكن منقول هاتفيا من زوجة اخي حتي الضحكات كمان سجلتها
والله النقل كلفني اكتر من الطبق . ههههههههههههه
شوفوا مكالمه هاتفيه ورغي قد ايه علشان اجيب الطبق
لكن ماهو خساره فيكم .
مع
حـــازم
همســـه :
بإعتباركم خبراء في الاطباق اعطوني رأيكم في هذا الطبق
بالذات
لأن على ضوءه بيتحدد مصير زوجة اخي
والله يستر عليها .