|
رد: رجيم التمر واللبن (مضمون ومجرب وصحي جدا)
السلام عليكم
أنا زمزم من مصر شدنى كتير الريجيم وقريت الموضوع صفحه صفحه
للأسف انا وزنى كبير جدا 112.500 وطولى 164سم وزنت نفسى اليوم وان شاء الله بدأت م اليوم الريجيم
واتمنى ان يكون عندى الإراده والعزيمه والصبر عليه
للأسف انا عملت ريجيمات كتير وكنت بخسر بالعشرين كيلو فى شهرين ولكن لما كنت بحس انى حققت جزء من هدفى وبشعر بإنى تغيرت وبإنى بقيت افضل برجع مره تانيه اكل لحد ماوزنى زاد اكتر من اللى كنت عليه الأول كنت كل مره ارجع اعمل ريجيم تانى وبخس تانى لكن المرادى مش عارفه بقالى 3 اسابيع بحاول لكن للأسف الوزن ثابت
حاسه بضغط فظيع خاصة ان فرحى فى شهر اربعه الجاى وان خطيبى رفيع جدا قدامى بتحرج من منظرى قدامه لدرجة انى مابقيتش احب اشوفه وهو كتر خيره ساندنى كتير وبيحاول معايا لكن واضح ان عزيمتى انا اللى ضعفت نفسى اثبت لنفسى انى اقدر واثبتله ان عندى اراده واتغير
اتمنى اواظب لان ده فرصتى الاخيره يارب قدرنى دعواتكم ليا ودعواتى لكل انسان وانسانه عندهم نفس المشكله وبيعانوا من نظرة المجتمع لهم كأننا معاقين او احساس علينا بالشفقه
يارب قدرنا
اليوم 8/12/2011
الوزن 112.500 كجم
الطول 164 سم
مين حتبتدى معايا ونشجع بعض ؟
|