[c]
لم أكن أتصور أبدا أن لديك كل هذه الطاقة الرائعة من الشعر والكلمات
فأبياتك تتدفق بإحساس رائع متناغم يهفو الى قلوب العاشقين ويقول لهم رويدا رويدا
فليس بين المحبين كلمة آسف
حقيقي لقد تسمرت عيناي وأنا أقرأ تلك الأبيات الجميلة
ولهذا هديتي اليكي هذه القصيدة التي تدور في نفس المعنى
مش طالبه منك تعتذر
ولاطالبه منك الخضوع
بس إني عايزاك تفتكر
انك هنا بين الضلوع
وانك كبير جوه ف عنيا
وافراحي انت والدموع
مش عايزه انك تبتعد
واروح ادور ع الرجوع
***
دانا قلبي عايش لجلك انت
من غيرك انت ازاي يعيش
وعمرى كله فداك وانت
انت الحياه غيرك ماليش
***
خليك هنا مش عايزه منك
الا الحنان وأعيش ف ظلك
وتكون لي بسمه لما احزن
واكون تماللي جوه قلبك
***
ولما تقسي أو حتى تنسى
برضه التقيك عايش معايا
واما التقيك جاي تعتذر لي
اقول ياروحي لأ لأ كفايه
متقولش آسف ليا ابدا
لو قلتها تكون النهايه
داحنا قلب اتنين حبايب
حبوا بعض من البدايه
واللي عايزاه كلمة أحبك
هيه دي أملي ومنايا
***
مع 
عاشق الورد
[/c]
التعديل الأخير تم بواسطة عاشق الورد ; 30-07-02 الساعة 07:50 PM
|