منتديات زهرة الشرق - عرض مشاركة واحدة - ابوذيات هلاليه \\ للرائع صباح الهلالي ** ترابي

حسين الحمداني · 21-11-14, 07:29 PM

للرائع, الهلالي, ابوذيات, صباح, هلاليه

ابوذيات هلاليه \\ للرائع صباح الهلالي

بسواد العين يسمر منت رابي
شعجب ***ك تغير من ترى بي
انه مااضن ترابك من ترابي
حضنتك والعسل جلب بديه

سلالتكم نسب يوسف نسبهه
الدنيه بغير نظراتك نسبهه
الوادم ميه بالميه نسبهه
بس نسبة جمالك سبعميه

اصد وازعل وادير العين طبعن
لأن من هجر ***ي سيوف طبعن
حلو وتنحب ولكن بيك طبعين
تشك وتغار من نفسك عليه

وحك الطلكاهه ثلث مرات
مو مره عشرتك ثلث مرات
احسن بيك انت الثلث مرات
واحس ثلثين جنهن مو اليه

هوينه ومن هوينه من هوينه
غشمه وماعرفنه من هوينه
اليوافي بالمحبه منهو وينه
اذا تلكاه اكص اثنين اديه

سواد العين عكبك سالمني
وعذولي من المكابر سالمني
هواي جفوف بعدك سالمني
ولهسه ونار جفك بين اديه