|
رد: رجيم التمر واللبن (مضمون ومجرب وصحي جدا)
بسم الله ماشاء الله اخباركم كلها تفرررررررررررررح الف  احلاهم ودلولة زوجها وكل اللى قدروا ينزلوا
متشكره اوووووووووووووووووووى لكل الناس اللى سألت عنى اللى مش عارفه احصرهم او اعدهم ربنا يبارك فيكم
بصوا يا جماعه والله انا من اليوم الجمعه اللى فاتت ماشيه ع الريجيم صح وقولت حدخل الجمعه اللى بعدها عشان افرحكم اقولكم والله انى مشيت صح وخسرت كذا
لكن المصيبه انى كنت 115 ودلوقتى 113 مع العلم ماشيه صح ومنتظمه مع الرياضه مع المشى لما حتجن
المصيبه انى وزنت السبت اللى فات كنت 113 ودلوقتى اوزن برضه 113 مش لاقيه قد المجهود اللى عملته وزن نزلته
انا مستغربه جداااااااااااا لانى بمجرد ماكنت بعمل ريجيم ولو مش منضبطه عليه بنزل سريعا أيه حصل دلوقتى
وبقيت بيجيلى اوهام انى بقى عندى حاجه ف الغدد وعشان كده مش بنزل
حقولكم انا ماشيه ازاى وقوليلى بعمل ايه غلط
انا بفطر من 9:10 سبع تمرات بالظبط لكن بدون لبن ممكن ميه وبفطر وانا نايمه وبكمل نوم ولما اصحى على 11 بشرب نسكافيه باللبن عليه معلقة سكر واحده
والغدا على 3 او 4 تمر فقط
والعشا الساعه 8 تمر فقط
كنت بوزن نفسى كل يوم لاقيتنى مش بنزل فقولت طيب جايز التمر فيه سعرات حرارية كتير لانه مسكر اقلل ف العدد
فعلا بقيت افطر 3 تمرات والغدا بقى شوربة خضروات والعشاء اصبح شوربة خضروات او قطعة جبنه بس
غير انى بقعد اعمل رياضه نص ساعه ف البيت وبمشى برا البيت نص ساعه اكتر الوقت وفعلا ملاحظه جسمى نزل يعنى البطن والجناب قلوا كتير
وبشرب كوب شاى اخضرليبتون وكوب اعشاب للتخسيس من سيكم مرتين ف اليوم
أعمل ايه دلوقتى قولولى على حل ؟ انا والله اصبحت عزيمتى وارادتى افضل بكتير بطلت اكل كل الحلويات والشيبسى والكانز نهااااااااائى يعنى انا عارفه ان بمجرد اصلا ماببطل دول بنزل بسرعه جدا
انا قبل كده كنت بنزل 5 كيلو ف الاسبوع
أنا اخر حاجه فكرت فيهاان الميزان يكون فعلا بايظ فجربت بالباوند وحسبته لاقيته نفس الوزن
أنا بفكر تكون المشكله ف حاجه انى أكون بعانى من امساك وعشان كده الوزن مابينزلش
يعنى المفروض الاعشاب والشاى الاخضر يخلو عندى اسهال دايما لكن فعلا ده مابيحصلش
او نومى متأخر يعنى بنام واحده او اتنين بس برضه مش هيكون ده السبب يعنى
او جايز الريجيم ده مش بيتناسب معايا
ياريت يا اخواتى تردوا عليا الله يكرمكم قولولى اعمل ايه لانى محدده هدف على اخر الشهر لازم اوصله وكده عدم النزول حيحبطنى اوى وانا مش عايزه اوصل للمرحله دى
|