أقري الموضوع ده بقي كده بالراحه وشوف بركة الفساد والخيانه الصح
وثائق بقي أيه..ولا تقولي ويكيلكس ولا الجزيرة..أقرأ وشوف بنفسك
جه أزاي موضوع أمن الدولة ده بقي؟؟
ولد ماشي في أسكندريه من شباب 25 يناير يوم الخميس اللي فات ده علطول شاف حرايق خارجه من مباحث أمن الدولة في أسكندرية(دي كانت حرايق الأوراق والمستندات بعد عزل أحمد شفيق أخر كروت النظام المصري المخلوع وعلمهم بأنهم سيسقطوا لا محالة)
..بعت لصحابه قالهم كذا كذا وراح لأمن الدولة قالهم بتولعوا فأيه قالولوا تعالي وخدوه..الليله عدت و الواد لا حس ولا خبر..أسكندرية طلع معظمها علي أمن الدولة بعد الصلاة
يعملوا أيه الحلوين بتوع أمن الدولة؟؟..ضربوا عليهم رصاص حي
الجيش جه..قام ضباط أمن الدوله رامين عليهم وعلي الجيش قنابل مولتوف
المهم شباب أسكندريه أقتحموا مقر أمن الدولة في ساعه متأخره من الليله من صباح السبت والجيش ساب الشعب يشوف المهازل اللي كانت بتحصل فيه بنفسه بعد ما قبض علي الضباط الفاسدين كلهم
السبت بقي ومع أول ساعات الصباح كانت مقرات أمن الدولة فمصر كلها بتولع في أوراقها وبتفرم فيها..علي العصر كانت مقرات أمن الدولة كلها حاصرها الشعب وأقتحمها في محاولة للحاق بالأوراق
طبعاً الجيش المصري خير أجناد الأرض قبض عالضباط الفادسين دول وبيطالب كل ضباط أمن الدولة اللي لم يتم القبض عليهم بتسليم أنفسهم للجيش بدلاً من القبض عليهم حيث ستزيد عليهم التهم بتهمة الهروب من سلطات القوات المسلحة المصرية
الأوراق اللي بتتحرق واللي أتفرمت دي كلها فضايح ودليل أدانه للضباط الفاسدين ولجهازهم الفاسد وليهم هما والأكبر منهم وصولاً لرأس الحية مبارك الكلب
حزروا لقينا أيه جـــــــوه ؟؟ (ححطلكم صور كتير في الأخر)
ملف لكل مصري تقريباً
ملفات لكل سكان قطاع غزة
ملفات أغتيال الرنتيسي وأحمد ياسين وأماكنهم ليلة أغتيالهم
ملفات عملاء أمن الدوله في مصر وفي غزة وداخل الجيش المصري
ملفات ووثائق مصورة عن الجيش المصري وأنواع السلاح فيه وأماكن تمركز الوحدات وتطوير السلاح وأسماء مطوري الأسلحه لوضعهم علي قوائم الأغتيالات!!!!
وثائق تكشف أن منهم نسبه غير صغيره ومن هم أعلي منهم خارج الجهاز كانوا يعلمون لحساب الموساد والسي أي أيه
وأنهم نسقوا مع تلك الأجهزة عمليات مثل
تدمير طائرة مطوري السلاح التابعه للجيش المصري علي السواحل الأمريكيه لنيويورك وأسقاطها بالدفاعات الجويه بعد أن أعلمهم أمن الدولة المصري أن حاملي جوازات السفر الأردنيه ليسوا إلا مهندسي سلاح تابعين للجيش المصري متخفين في أزياء وجوازات سفر عربيه مزوره بحرفيه
وأن مقتل الشيخ أحمد ياسين والرنتيسي وإلخ كان يتم بأرسال المعلومات التي يقدمها عملاء الجهاز داخل غزة إلي الموساد
وأن معلومات خطيره جداً عن الجيش المصري ووثائق من التي وجدت عن تسليحه وأمكانه كانت ترسل صوراً منها إلي الموساد والسي أي أيه
................ ويطول ويطول ويطول
ملفات كتيره بتقول أن السدود اللي بتقام علي نهر النيل في أفريقيا بيمولها رجال أعمال مصريين في الحزب الوطني بإيعاز من النظام المخلوع لإقامة شبكات تحلية مياة للبحر خاصة لحسابهم بعد أن تقل المياه القادمه لمصر
(كانوا عايزين يقطعوا المياه عن شعب مصر عشان يبيعوا هما المياه لشعب مصر >> اناس اللي تورطت في الموضوع ده المفروض سامحوني تتعدم علي خوازيق في ميادين عامة..دي مش خيانة عظمي ..دي حاجة أفظع ملهاش أسم)
وثيقه ونشرها عمرو أديب أمبارح ..جمال بيه بن الكلب مبارك عمل أيه>>
باع ديون مصر
دوله جت قالتله سدد ديون مصر وجبلنا سندات الدين ونشتريه منك بفائدة مركبه أعلي علي مصر وليك نسبه قد كده من الفائده...
فالقذر أبن القذر اللي لا عنده لا ملة ولا دين ولا وطنيه ولا انتماء ولا أي كلب راح وباع ديون مصر
(يا نهار أسود علي اللي كان حيحصلك يا مصر..أيه كمية الخيانة دي اللي تخلي الواحد يجيب اللي في بطنه..دي كلمة خيانة أشرف من أنها تتقال علي دول..وأل أمن الدولة هه هه هه..أمن دولة أيه بس وقلة أدب أيه>>ده خيانة الدولة أو فضح الدوله أو التآمر علي الدولة..أي حاجة غير أمن الدولة)
عارفين أيه تهم الناس جوه الملفات ؟؟؟
بيصلي بأنتظام في المسجد أو تهمة يطلق لحيته أو تهمة يحفظ القرآن
كما يقول الله عز و جل >>
((أرأيت الذي ينهي عبداً إذا صلي))
تلاقي بقي جوه أيه غير الوثائـــــــــــــــــــق
وكل ده أتصور فيديو وعرضته كل قنوات كوكب الأرض
مقــــــــابــــــــــر
(مقابر جوه مقرات أمن الدولة يا جماعه اللي بيموت من التعذيب يدفن ولا يسمع أهله عن أي حاجه)
أوض تعذيب بالكهرباء والكيماويات مبطنه بالخشب لكتم الصوت
زنازين تحت الأرض وسراديب وممرات سريه تحتاج لخرائط
ومعتقلين بدون تهم من 15 سنه ومن 20 سنه مشافوش أيه اللي بيحصل بره باب سجنهم من ساعة ما دخلوا السجن ولا عارفين أيه الموبايل ولا أيه الكومبيوتر ومش مصدقين أننا شيلنا حسني وقبضنا عليه وقبضنا علي حبيب العادلي وساجنينه واننا أحنا اللي قبضنا علي ظباط أمن الدولة وفتحنا زنازينهم وفاكرين أن أمريكا دخلت وهي اللي عملت كده ومش مصدقين أن الشعب عمل كده وأزاي ؟؟؟
أدوات تعذيب رهيبه جداً أهونها خوازيق بأقطاب حرارية وصواعق كهربائيه علي شكل موبايلات
غير بقي وثائق الفضائح اللي بتكتشف فيها أن كل اللي أنت كنت فاكرهم معانا طلعوا مع الناس التانيين
كان أمن الدوله كاتم لسان الشعب المصري>>
مليش دعوة أنا عاوز أربي عيالي
أسكت لا حيودوك ورا الشمس محدش يعرفلك طريق
عموماً أدي مجموعه من الوثائق والصور اللي عثر عليها جوه >>