السلام عليكم أعضاء ومشرفي المنتدى أتمنى ان تكونوا بخير جميعا

أتمنى التفاعل ايضا مع موضوعي



ذكرى زواجي قريبه ومحتارة ايش اسوي

وهذي السنه العاشرة ان شاء الله

عندي ولدين واحد فيهم في ثاني ابتدائي والثاني ثلاث سنوت

الظاهر بكتب تاريخ حياتي)))
المهم
انا العام الفائت سويت لي فستان ابيض وسويت ميك اب ناعم بالبيت
ولابسه ريش طويل ابيض وعملت الكيك في البيت
وشغلت الفيديو على زفته في الزفاف
وشغلت موسيقى هادئه
شريت شمع بشكل كاسات طويله ولونها سكري وربطتها بشريط عنابي وطلع جنان
شريت كوكتيل وكاسات خاصه زي المطاعم وتشبه في شكلها كاسات الشموع وربطت الكاسات بشريط سكري
وايضا صارت بتجنن
شؤيت مفرش طاوله ناعم فيه شك بسيط
وعملت بطاقة دعوة وكأنها بطاقة زواج وكتبت فيها بعض الكلمات الجميله والرومانسيه من تأليفي يعني على قدي
وطبعتها وحطيتها في ظرف
وسويت أسأله في ورق بعض الأسأله لو كان متضايق مني اكثر شي يعجبه فيني واكثركلمه زعلته مني وهكذا
هذا العام
بس هالسنه بما ان حنا نبني البيت المستقبلي
الماديه جدا ضعيفه
واتمنى اسوي شي على قدي مع ان المفروض هالسنه هذي غير
اتمنى اسوي اشياء كثيرة اشتري اشياء كثيره عشان احس ان هالسنه غير بس الحمد لله نتحمل البساطه هالسنه
بس اللي ابغاه منكم تعينوني وش اسوي
لأني تقريبا سويت كل شي خلال السنوات لماضيه
يمكن القى فكره حلوه جديده
وعلى يدكم
وبالنسبه للهديه كل شي شريته له
دبله
عطر
طقم عطر
كباكات
يعني واشياء اكثر
بس ودي اشتري له دبله لأن الدبله اللي شريتها له ضيعها
وهو الله يهديه يقول لي انتي خشتيها عني
يالله الله لا يهينكم وروني همتكم
وتسلمون
على فكرة انا عطيتكم افكاار من ذكرى زواجي الأولي
واذا بغيتوا شي انا حاضره