منتديات زهرة الشرق - عرض مشاركة واحدة

راناء · 16-12-09, 08:47 PM

كلمات متداوله ما بين المراهقات اللي الحمد الله ربنا انعم عليهم واستقرو نفسيا وعاطفيا وانتمو وجمله زي دي بتتقال عن البنات البلدي ذوات الافعال الغريبه !!!
ماييأنتموش وفي نظرهم ان البنت اللي مابتنزلش قصتها من تحت الايشارب ومبتصاحبش ومابتمشيش مع ولاد ومابتضحكش للي بيعاكسها ….الخ الخ الخ دي بنت متطرفه وبلدي بيئه وغريبه
ويا عيني عليها وربنا يهديها الى طريق الصواب و الحق ونجد كثير من تلك المشاهد العاطفيه الرومانسيه امام مدارس الاعدادي مابين ولد وبنت لا يتجاوز عمرهم 13 سنه

وياريتها عاطفيه و رومانسيه بعقل دي مليانه بالضحك والكركره و ضرب الكف والغمز واللمز والذي منو ومفيش مانع شويه تحابيش كده عالماشي ممكن تيجي من غير قصد وبالنسبه لبعض البنات البوي فريند داه محرم مسلم به(لوجبت مجله ما تزوقيني يا ماما هتلاقي المعلومه دي مكتوبه في الركن الاسلامي ) فله الحق في كل شئ ايا كان بأي شكل من الاشكال وبصراحه انا بستعجب اما بشوف مناظر زي دي لما يكون البنات دي بضاعه رخيصه من غير غلاف وهما في السن داه بعد كده هيبقو ايه ؟؟؟

وطبعا البنت اللي مش لاقيالها نص تاني دي وبتعاني من عدم الاستقرار العاطفي و الاضطراب النفسي لازم تنال كل العطف والحنيه والتعاطف من البنات وماتخفيش ياختي بوكره ربنا يعدلها ناقص تقولها انا بدعيلك وانا بصلي وماشاء الله في بنات عارفين وفاهمين وعاجنين وخابزين الحاجات دي وبردو بيعملوها
واما تسأليهم ليه يقولو: اعمل ايه بقى بحبو بحبو

. يا عيني عليكي ياختي قلبي معاكي
. بيبقى نفسي اقولها انتي بتستهبلي يا بت بحبو ايه هو انتي مش عارفاه غير من كام يوم ولو ربنا سألك على الحكايه دي هتقولي بحبو بحبو

. لا اقنعتيني بصراحه.اما بقى الاخوه الصبيان فممكن يوصل بيهم الامر الى انهم يهددو واحده بالسلاح الابيض

عشان تصاحبهم و كل واحد ليه طريقتو في فرض نفسو على البنت وأقناعها بأنو قدرها الصحيح فيه بالاكراه وفيه بالترغيب يعني تلاقيه بئا يا اما بيتقل يا اما عامل نفسو شيك وايافه يا اما رومانسي وحساس يا اما ذكي و جهبذ....... الخ الخ الخ. لكن انا دلوقتي بسأل نفسي لو دول كان ليهم اهل كانو بقو كده؟؟؟ لو دول عارفين معنى كلمه دين كانو بقو كده؟؟؟ .ولو احنا فضلنا على ابد الدهر عايشين في عدم وعي فكري وديني ايه اللي ممكن يحصل فينا؟؟
.ويارب اصلح حالنا يا رب