ركبوا السياره وكل وحده تنتبه لا تصك باب السياره

على دفتها وبمجرد ما انقفل باب السياره 00بدأ الأستديو

00اسمعوا ويش يقولون النسوان بعد كل زواج00

الأولى : ويش فيك تأخرتين؟

الثانيه : ساعه قاعده ادور دفتي 00انتي ما شفتي النسوان

يتهاوشون صوب الدفيف 00الدفيف تلخبطت

الثالثه : جان زين ما رحنا عرسهم

ليش؟

الثالثه : زحمه والجهال يتهاوشون بكشور البرتقال ويلعبون بالماي

الأولى :يؤؤؤؤؤ ما شفتي هذيك اللي شبت القهوه على المراة اللي كانت نايمه؟ (حشي موعرس هذا اللي ينامون فيه)


الثالثه : لا والله ما شفتها 00انا ما شفت ولا شي في العرس 00طول الوقت قاعده ادور على جوتي بنتي زينب

الثانيه : ويش رايكم في الفستان اللي لابستنه بتول؟

الأولى : (ووويع)مو حليو 00مبهدل عليها والسحاب مبين

الأولى: (ياعلي) انا اعجبني مكياج هناء 00تقول ان زوجة خالها جايبتنه ليها هدية من الامارات

الثالثه : هههههه من الامارات 00تقص عليش يالغبية 00تحصلينه من رامز

استراحة
***************

الغريب والعجيب انهم واثناء حديثهم في السياره يقولون

لبعضهم 00خلاص يا بنات بس 000ترى ما يجوز نتكلم على الناس0

تكــــــــــــــــــــــــمله

الثانيه : صح والله كلامك يا اختي 000ما يجوز نتكلم عليهم 00بس شفتي المراة

اللي كانت قاعده تحتي على العشاء وتودم لي لحم؟

الأولى : اي شفتها 00هههههههه متحملة فيش00شكلها بتخطبك لولدها

الثانيه : وريح في جبدهااا هي وولدها 00قاعده تودم لي من اللحم الكبار اللي

ما يناكل

وهي طايحه في اللحم الزين0

العشاء

ويش رايكم في العشاء

الثالثه : دهن وكله شحم ومصلم

الأولى : بارد وماااالح

الثانيه :اللحم كبار وشنه لحم بقر

الثانيه : وفيه نسوان ما تعشوا 00قاعدين على الكراسي اللي

في الكوشه 00 (سليمة تشبهم) ولاد الأكابر

الأولى : حتى ام العروس 00ما تعشت مسكينه 00طول الوقت

قاعده تصيح

الثالثه : هههههههههه تصيح من الفرحه يالهبلة 00ما شفتي

مخباها مترووس بيزات

بس 00خلاص 00مو زين 00

صح والله 000موزين000بس شفتي 000وشفتي 00وشفتي

واخيرا وصلنا المنزل

أنا : 00جاني وجع راس...