بيقولوا أننا كلنا عرب
بناء علي تلك الجمله فقط دعونا جميعا نتحدث بهدوء بالله عليكم

شاهدوا هذه (الفيدهوات) وسنكمل بعدها لكن لابد من رؤيتهم أولا
الفيديهوات دي قبل مباراه السودان

http://www.youtube.com/watch?v=xih3Evy77nY

http://www.youtube.com/watch?v=56HKFw_rKG0



طيب بيقولك الأعلام المصري بيفبرك..كلام جميل
الفيديو اللي بيرفع فيه المشجعين الجزائريين السلاح قالك ده عشان غزه مش مباراه مصر.!!
وكمان كان الجو حر في السودان مكنش فيه سحب

طيب حلو أوي..
بالراحه بقي كده لأن خلاص المتش خلص
بذمتك ودينك يا شيخ عمرك شوفت مظاهره بالسلاح الابيض لغزه ؟؟
دي قناه الجزيره وقتها كانت عملت بيها حفله..
لا والعيال بتضحك في الفيديو عاااادي ..والبوليس سايبهم بالسلاح عاااااادي
يعني اللي بيقول أنه مفبرك معرفش حاسس انه بيكلم ناس هابله ولا أيه ..معرفش
أتنين// بتقول مفبركه أذا كان فيه تقارير شرطه سودانيه بتقول ان الجزائريين قاموا بشراء كافه الأسلحه البيضاء من الخرطوم...أيه أشتروها من الخرطوم عشان يعملوا مظاهره لغزه ؟؟
تلاته// حكايه الجو كان حر ومفيش سحب دي بتفكرني بقول أبو سفيان أن من نقد صلح الحديبيه هم أعراب وليسوا من قريش وكان الجو ليل فكيف يقول من رأنا أنه رأنا..عارفين طبعا القصه دي كلنا

بعدين لما بنقول الحكومه الجزائريه متورطه وفيه أوراق ثبوتيه لأنه خرج عشره الاف مسجون جزائري وذهبوا للخرطوم
طبعا أنت كجزائري مش مصدق أنه حكومه الجزائر تأمرت علي مصر..كلام جميل
قولي بقي ايه اللي يخلي الحكومه تطلع طائرات الجيش ..في نفس الوقت اللي هي بتضع فيه ضرائب علي الشركات المصريه رغم أنها معفيه من الضرائب ؟؟!!!!!
طب ليه كمان الأمن ساب الجزائريين يولعوا في مصر للطيران وينهبوا شركه اوراسكوم وشركه المقاولون العرب بعد فرض المبالغ الفلكيه من الضرائب دي ؟؟؟؟!!!


طبعا أنت حتكذب كل ده ..أو علي الأقل حتقول المصريين زينا
طيب كلام جميل
سيبك من اللي حصل في الجزائر ووهران من حرق العلم المصري مره اخري ست مرات وجر حمار يلبس علم مصر ووضع علم مصر علي نعش وجريده تقولك أغرقنا أل فرعون وبنت تشاور بدراعها
وضرب المصريين بالجزائر وحرق بيوتهم وأرهابهم طبقا لتقارير شرطه الجزائر

لكن خلينا بره
ثابت طبعا
أن الجزائر قامت بأعمال حرق وتكسير بباريس وليون بشعه
وأعمال شغب في مانشيستر ولندن
وضرب السفاراه المصريه بروما بالحجاره

قولي أنت بقي
المصريين عملوا ليكوا أيه ؟؟


طيب أنت عارف ان علم مصر اللي انت بتحرقه او بتحطه علي حمار او علي نعش او بتدوس عليه بحذائك او تبصق عليه وهو علي الأرض ..لا أعلم أين كنتم تحتفظون بكل هذا الكره

أنت عارف ان النسر اللي في النص ده نسر صلاح الدين الأيوبي ..؟؟


بعض الجزائريين قالك مصر بتقول ساعدتنا في الثوره كل شويه ..وهي مساعده قليله
أولا شكرا..والله بنتعلم دروس
ثانيا عشان تعرف حجم مساعده مصر لثوره الجزائر ..بلاش أقولك مصر عملت ايه
حقولك شوف فرنسا عملت ايه..حاربت مصر في العدوان الثلاثي بكل قوتها
بس كده مش حقول أكتر..ولاحتي حقولك أن نشيد بلدك الوطني مصر اللي ملحناه علي يد محمد عبد الوهاب


كمان احدهم قال ان رئيس الاتحاد الجزائري رفض السلام علي رئيس الأتحاد المصري لأن الجزائري غير منافق
حسنا ..عدم أتباع السلام هو النفاق يا هذا
وشكرا علي الأربعون حسنه


ردا بس علي لاعب جزائري
بيقولك لو كانت مصر أم الدنيا فالجزائر أبوها
يا أبو جهل وحقد ..مصر أم الدنيا تأريخا فهي أول دوله في التاريخ
ومن علم العالم الطب والهندسه والفلك والرياضيات والكتابه وأول جيش في التاريخ
حتي أول من لعب كره القدم نفسها في التاريخ
أول دوله قالت (الله واحد) في التاريخ
الدوله الوحيده التي ذكرت بأسمها في كل كتب السماء
الدوله الوحيده التي ذكرت علي لسان النبي عليه الصلاه والسلام بأسمها
أتمني أن تكون عرفت لما مصر أم الدنيا أيها الجهول البائس


بعض العرب يقولك ..مكبرين الموضوع يا مصريين
طيب لما أخوك يتمسك علي الارض يضرب بالعصيان ويروح الأنعاش
وأختك الصغيره تفقأ لها عينها
وزوجتك يجعلوها تخلع قميص بلادها وتسير بملابسها الداخليه تحت تهديد السلاح
وجارتك يخلعوا لها حجابها ويقولها لها أنتم يهود
عندما يقوم أبنك من نومه كل ليله يصرخ عندما يحلم بتلك الأحداث
وحينما تهان بلدك جهارا نهارا..علما بأنها لن تكون كبيره العرب كمصر أيضا
ويكون هذا كله تأمر نظام دوله بكل أجهزته أعلام وجيش وليس عملا فرديا
حينها سأقول لك ..أنت مكبر الموضوع



أخيرا بس اللي أنا حابب أقوله

أن مصر هي كبيره العرب..مصر هي أم العرب ..مصر هي دار العرب
مصر لولاها لأحتل كل الوطن العربي في لحظه..وتلك حقيقه
مصر هي بيضه الأسلام
نصرته يوم حطين..ودافعت عنه يوم عين جالوت..ورفعت رايته في 6 من أكتوبر

مصر هي العرب ونبع العروبه

والكبير يبقي كبيرا .. شاء من شاء وأبي من أبي
وللأسف خسرت الجزائر مكانتها تماما لدي مصر العروبه ولدي الشعب المصري
ليس لخساراه مباراه..مصر أكبر جدا جدا جدا جدا من لعبه وليست كبعضهم
فنحن كما ربحنا كثيرا هزمنا ككل الناس
ولكن لبركان الحقد المهول هذا الذي لم يستطع كتم ما في صدره
وجيد أننا عرفنا ماذا نكون عندكم في مباراه كره..ولم نعرف ذلك في لحظه حرجه

يا خساراه يا جزائر..ربحتي ما سيذهب وينتهي وخسرتي ما سيظل ويبقي

أنتهت المباراه..وتعاملنا معها كمصريين للاسف بسذاجه مبدأ الأخوه والعشم ومن هنا ضاع حقنا كالعاده

بس حابب أقول مثل مصري لكل من شارك بعمل ضد مصر
( الجايات أكتر من الرايحات)