|
رسالة بدوي الى اهله في العراق
رسالة بدوي شريف الى اهله بالعراق
ابدي بسم الله خلاق البرايه
رب محمد ربنا رب البريه
يا اله العرش يمغيث النبايا
غيث دينك من جيوش البربريه
راحت الكعبه خذوها من البدايه
وعكب محنا اسلام صرنا جاهليه
واتبعوها عراقنه وهذي النهايه
لاشرف لادين لاعدنه هويه
واتخيت بلابد سيوف الحنايا
هالعرب شو جنهم ماتو سويه
وين شمر يسناعيس الطنايا
وين طي وزبيد وين العامريه
وينكم يدليم يازبن الولايا
وين عز الدار وين اهل الحميه
وين فتله وين لعجيم الدهايا
وين زياد وشبل والمشهديه
وينكم يجبور ماضنكم ردايا
ويالهيب ويا تمين ويا غزيه
وين زوبع وين فرسان السبايا
وين جشعم وين قوم الهاشميه
على حضكم لابت وصرنا خزايا
لاسيوف ولا رماح سمهريه
شلفرق مابينا وبين النثايا
لاجهاد ولا رجوله ولا حميه
لا تكرمون الشوارب والحايا
الكان ماعدكم كرامه ومعنويه
شلعذر والقوم وصلو للثنايا
طاح حظه المايكاون ع الثنيه
نايمين وكل حرايركم سبايا
ينام لمريكي معاهن لضحويه
ارمو عكال العرب وامشو عرايا
حيث شفتو ببو غريب المسرحيه
وبعد لاتقرون بالقران ايه
بري منا ومننا الكعبه بريه
واحفظو التوراة بيها الكم وصايا
والذليل المننا يحفض الوصيه
لاشهاده ولاعباده ولا هدايه
والحكي بالدين بعيونن قويه
غير كار البوك ماعدنا هوايه
وصلت الحد الخوي يسلب خويه
]
|