مش عادتى التقصير
ومش عادتى ننكر جميل الغير
ولانقول نفعل لاانقول اندير
ايجى يوم تلقينى نهار العازه
نهار فيه ماتلقيش فاعل خير
اتبان التريس ويظهروا الهدرازه
كم تستهويني كلمات الشعر الليبي الشعبي
اجد نكهة الأصالة البدوية وهم يرتدون الجرد
الذي يلتف به الرجل من شدة البرد مصنوع من صوف الخروف
تعده زوجته بعد حياكة الصوف بيديها وتغزله على هئية خيوط
ومن بعد تنسجه بفن متقن
والجرد اصله روماني وكان يرتديه سبتي موس سيفيروس وهو مقتبسة من اللبسة الرومانية قديمة
.
وهنا يوصف الشاعر بالمجروده
اي الكلام الذي ينطق به واصفاً غياب الأحباب
عيني رفت شور غلاكم؟ يامبهاكم؟
ياللي من مده ماشفناكم؟
ماتنسونا/ياأنجوكم ياأتجونا/ياللي بالحب غمرتونا/
وحبيناكم..ومازلنا فالصوب معاكم!
وكبدي يالأبعاد حنونا؟أتحن لقاكم؟
تستاحش ماتعيش بلاكم؟
.
.
هنا الشاعر يلوم خليله ويقول ..
وحدة بوحدة ماحد خير من حد ... وحدة بوحدة اللي اديرها عليك ايرد .
كلمة زمان انقالت ... الناس عارفة معناها .
الايام مهما طالت اللي ديرها تلقاها.
كيف ماغلبت أغلبت .
تعبتني واتعبت...
سلفت يوم السبت ..رد السلف الاحد ماحد خير من حد .
ايقولو العين بالعين واللي بداء هو الجاني .
انسالك زمان بدين ويشهد عليك حناني .
تذكر اخداعك لي وين كنت غافل عنك .
وزيفك زمان علي في قولتك مش منك .
مافي ماعتبتك خذيت القرار انسيتك .
كيف ماحروف كتبتك بيدى اليوم محيتك .
وكيف ماعلي اغليت وغيري عليك اغلي .
انك اليوم القيت غيرك امعي أزهي .
مش قلتلك من الاول مهم الزمان أيطول .
صيور الزها يتحول لدموع فوق الخد .
وحدة بوحدة ماحد خير من حد .
ما تقولي ظالمني ولاعمري نهار ظلمت .
ما أنت اللي معلمني .
جاك رد ماعلمت .
مادام في بالك خطر تهجر بعد طاوعتك .
وانا كنتلك ليل وسهر لا اسهيت لا وجعتك .
يبقي القرار انهونك .
وقبل القرار انريدك .
قول بند في قانونك يخليك تظلم ريدك.
وخوذ المكان بدالي واحكم وانا نسمعلك .
لو يوم خانك غالي .
غير ويش ردت فعلك .
ردك اكيد أيكون .
كل الغرام ايهون .
وانا جيت للمضمون .
وكيفك انسيت الود .
وحدة بوحدة ماحد خير من حد ... سلفت يوم السبت رد السلف الاحد .