|
رد: مواقف في الامتحانات
[align=center]والله رجعتنا كتير لزمان
انا فاكر لما كنا فى اولى كلية تجارة
وفى امتحان المحاسبة كان فية رئيس لجنة
اسمة عصفور وكان معيد فى الكلية
ولقيته واخد ديسك لطالب وعامله بيه محضر
اتارى الطالب كان كاتب على الديسك قوانين وخلافه
وفيه مادة تانية كنا بنمتحنها وكانت صعبة جدا فلقيت الطالب اللى بجوارى
طالب ورقة تانية لاستكمال اجابته فقلتله هو احنا عارفين نملى الورقة الاولى لما تطلب انت ورقة تانية !!
وكان هذا الطالب رجل كبير ولواء سابق بالمعاش وكان الكلام ده واحنا فى اولى تجارة
فلما دخلنا امتحان تانية تجارة وسألت عليه لقيته مات الله يرحمه
اما واحنا بنمتحن بقى فى الدراسات العليا الوضع مختلف تماما
حيث ان الامتحان يحتاج حوالى خمس ساعات للاجابة فى حين ان الزمن المحدد 3 ساعات فقط
وبالتالى ليس هناك فرصة حتى تنقل من احد او ينقل منك احد بالاضافة الى ان المراقبين لاتتهاون بالمرة
ويتم سحب الورق حيث المبدا يقول انك جئت الى الدرسات العليا لمزيد من العلم وانك ربما ستصبح من زمرة العلماء
فلا يجب ان تصل بالغش كما ان الكليات تتسامح مع الطلبة النظامين حتى يحصلوا على شهادة ياكلو بيها عيش اما مابعد البكالوريوس فانت غير مضطر له او مجبر عليه فانت ذاهب بمزاجك هناك .. فستتعرض لامتحانات غاية فى الصعوبة
وفى الغالب الامتحان ياتى فى جميع موضوعات المقرر .[/align]
|