ايام امتحاناتي حصلتلي مواقف من رائ هي تضحك ولكن تضحك علي حالنا
كنت ايام الامتحانات بقولها لعمو احمد المصري وهو طلب مني نشرها
الاول حقول فقره من قضيه والسؤال عشان تعرفوا لدرجه ايه احنا وصلنا
ده اول يوم يوم امتحان القانون التجاري
(قام زيد وبكر وعمرو بالشروع في انشاء شركه تضامن..
وبالرغم من ان عمرا محامي الا انه انضم كشريك متضامن ...........)
السؤال // هل يجوز انضمام عمرو كشريك متضامن ؟؟
احد الطلبه المعجزه اثناء مرور الدكتور في اللجنه
قام وقف وقال للدكتور (دكتور القضيه فيها زيد وبكر وعمرو مين عمر ده)
بكل بساطه الدكتور قطع ورقته (ان واخواتها يا بني ادم)
وبيمر الدكتور بقي بيشوف الاجابات لقي اجابه بنوته علي اول سؤال
(بالفعل عمرو شريك متضامن)
اتقطعت برضو الورقه بكل بساطه (يا خلاصي عيلها وعلي جمالها)
ومش عارف ازاي دولنا بتمنح الدكتور الصلاحيات دي ؟؟!!!!!!!!
والاغرب ان ازاي دولنا دخلت طلبه زي دول كليه الحقوق
هههههههههههههههههههههه
يوم امتحان القانون الجنائي
كان العبد لله هو الطالب المعجزه بقي ههههههههههههههههههههههههههههه
في رائ لمحكمه النقض في مساله معينه والدكتور موضح في الكتاب رايه بعديها
وطالب في الامتحان رائي انا
فبكل حرفيه قانونيه احسد عليها
كتبت رائ محكمه النقض ورائ الدكتور
قومت قايل في رائ
(ولا نري ان رائ الدكتور مجدد او مناقض لرائ محكمه النقض كما هو واضح وانما هو محض تفسير بالمعني الواسع لرائ محكمه النقض)
في مجيه الدكتور (جيبنا سيره القط)
قالي قوم اقف اسمك ايه وبتاع
بقولك ايه يا سيد محمد متألفلنا كتاب في القانون عشان نستفيد من سعادتك
وطبعا مني لنفسي لازم احذف رائي عشان مسقطش
رغم اني متيقن اني رائي هو الصح وهو مخترعش اي جديد
برغم ان الموقف ضحكني جدا من مفاجئه الدكتور ليه
بس هو ده التعليم في بلادنا العربيه
وللاسف ده تعليم الناس اللي مطالب منها تفعيل حريه الرائ في مجتمعها !!
ومش عارف ليه محدش بيتكلم عربي
معيده انجلش واقفه علينا كل شويه (بلييييييييييز بلاش كومنتات) تقولش قاعدين في الفيس بوك
الاخر بغشش صاحبي الانتيم قدامي
بتقولي حضرتك بتتكلم ليه ؟
قولتلها لا ده انا سمعت كومنت من ورا فبشوف في ايه
اللجنه ماتت من الضحك وهي بقت واقفه فوق راسي طول اللجنه
سبحان الله بجد لازم التعليم وطريقته واللي بيدرسوا واللي بيتعلموا يتغيروا
التعليم عند العرب بقي زي نادي الزمالك دلوقتي باقيله كام متش ويهبط